Cronichis 1
Cjapitui: 1 < 2 < 3 < 4 < 5 > 6 > 7 > 8 > 9 > 10
Cjapitul 5
GJENEALOGJE DI ADAM A DAVID
Dissendenz di Ruben
1 Fîs di Ruben, prin fî di Israel. Al jere lui il prin fî, ma parvie ch'al veve profanât il jet dal pari, il so dirit di prin fî al passà ai fîs di Josef, fî di Israel. Però tes listis dai vons no si lè daûr dal dirit di prin fî,2 parceche Gjude al rivà a paronâ sui fradis e un dai siei dissendenz al deventà sorestant; però il dirit di prin fî j spiete a Josef.
3 Fîs di Ruben, prin fî di Israel: Enoc, Palu, Chezron e Carmi.
4 Fîs di Gjoel: Semaià, so fî Gog, so fî Simei,
5 so fî Miche, so fî Reaie, so fî Baal,
6 so fî Beere, ch'al fo depuartât di Tiglat-Pilezer, re de Assirie; al jere il sorestant dai fîs di Ruben.7 Siei fradis, seont lis lôr gjernassiis, come ch'a son dâz jù tes listis dai vons, a jerin: Jeiel il prin, po Zacarie
8 e Bele fî di Azaz, fî di Seme, fî di Gjoel, ch'al jere a stâ in Aroer e fint al Nebo e a Baal-Meon.
9 A jerin a stâ a soreli jevât dal flum Eufrât fintremai là ch'al scomence il desert, parceche lis lôr mandriis a jerin cressudis cetant te tiere di Galaad.
10 Sot di Saul, ur faserin vuere ai agarens; e cuanche chei ur colàrin tes mans, lôr si sistemàrin tes lôr tendis sun dute la part a jevade di Galaad.
Dissendenz di Gad
11 I fîs di Gad a jerin a stâ in face, te tiere di Basan fint a Salche.
12 Gjoel, il prin, Safam, il secont, e po Jaanai e Safat in Basan.
13 Seont lis lôr fameis, lôr fradis a jerin Micjêl, Mesulam, Sebe, Jorai, Jaacan, Zie e Eber: siet.
14 A jerin fîs di Abicail, fî di Curi, fî di Jaroac, fî di Galaad, fî di Micjêl, fî di Jesisai, fî di Jacdo, fî di Buz.
15 Achi, fî di Abdiel, fî di Guni, al jere il sorestant de lôr famee.
16 Si jerin sistemâz in Galaad e in Basan e dulintôr e in duc' i passons di Saron fint là ch'a finivin.
17 Duc' chesc' a forin segnâz tes listis dai vons sot di Jotam re di Gjude e sot di Gjeroboam re di Israel.
18 I fîs di Ruben, i fîs di Gad e miege la tribù di Manasse, int di valôr, armade di scût e di spade, bulos tal trai cul arc e fenomenâi in vuere, a podevin jessî fûr e campâsi in corantecuatrimil sietcent e sessante.19 A tacàrin i agarens, Jetur, Nafis e Nodab.
20 A forin però judâz cuintri di lôr, parceche intant dal assalt a vevin clamât Diu e lui ju scoltà pe fidance ch'a vevin vude in lui e cussì i agarens e duc' chei che si jerin metûz cun lôr a forin consegnâz tes lôr mans.
21 A strafuirin dut il besteam dai agarens: cincuantemil camêi, dusinte e cincuantemil pioris, doimil mus e centmil personis,
22 parvie che unevore a jerin stâz colpîz a muart, stant che la vuere le veve volude Diu. Dopo di vêju vinçûz, si sistemàrin te lôr tiere fintremai al esili.
Dissendenz de miege tribù di Manasse
23 I fîs de miege tribù di Manasse a jerin a stâ te tiere di Basan a Baal-Ermon, a Senir e su la mont di Ermon; a jerin in cetanc'.
24 Chesc' a son i sorestanz des lôr fameis: Efer, Isei, Eliel, Azriel, Gjeremie, Odavie e Jacdiel, oms di valôr e innomenâz, sorestanz des lôr fameis.
25 Ma a bandonàrin il Diu dai lôr vons, butansi cui dius de int dal puest, che Diu le veve fruçade denant di lôr.26 Il Diu di Israel al stiçà il spirt di Pul re de Assirie, ven a stâj il spirt di Tiglat-Pilezer re de Assirie, ch'al depuartà i fîs di Ruben, i fîs di Gad e miege la tribù di Manasse; ju menà in Chelac, dongje di Cabor, flum di Gozan, là ch'a son ancjemò.
Dissendenz di Levi
27 (6,1)Fîs di Levi: Gherson, Keat e Merari.28 (2)Fîs di Keat: Amram, Isear, Ebron e Uziel.
29 (3)Fîs di Amram: Aron, Mosè e Marie. Fîs di Aron: Nadab, Abiu, Eleazar e Itamar.
30 (4)Eleazar al à vût Finees; Finees al à vût Abisue;
31 (5)Abisue al à vût Buki; Buki al à vût Uzi;
32 (6)Uzi al à vût Zerachie; Zerachie al à vût Meraiot;
33 (7)Meraiot al à vût Amarie; Amarie al à vût Achitob;
34 (8)Achitob al à vût Zadok; Zadok al à vût Achimaaz;
35 (9)Achimaaz al à vût Azarie; Azarie al à vût Zuan;
36 (10)Zuan al à vût Azarie, ch'al fo predi tal templi fat sù di Salomon in Gjerusalem.
37 (11)Azarie al à vût Amarie; Amarie al à vût Achitob;
38 (12)Achitob al à vût Zadok; Zadok al à vût Salum;
39 (13)Salum al à vût Chelkie; Chelkie al à vût Azarie;
40 (14)Azarie al à vût Seraià; Seraià al à vût Jozadak.
41 (15)Jozadak al partì cuanche il Signôr, par mieç di Nabucodonosor, al menà Gjude e Gjerusalem in esili.
Cjapitui: 1 < 2 < 3 < 4 < 5 > 6 > 7 > 8 > 9 > 10