Gjenesi
Cjapitui: 1 < 10 > 11 > 12 > 13 > 14 > 15 > 16 > 17 > 18 > 19 > 20
Cjapitul 10
LIS TRADIZIONS DE STORIE PRIMITIVE
La liste dai popui
1 Ve' chi la dissendence dai fîs di Noè: Sem, Cam e Jafet, ch'e àn vude fiolance dopo dal diluvi.2 Fîs di Jafet: Gomer, Magog, Madai, Javan, Tubal, Mesec e Tiras.
3 Fîs di Gomer: Askenaz, Rifat e Togarme.
4 Fîs di Javan: Elise, Tarsis, i kitim e i dodanim.
5 Cun lôr la int e à scomençât a dividisi tes isulis dai foresc'.
Chesc' a son i fîs di Jafet, seont il lôr paîs e ognidun seont il so lengaç, seont la lôr tribù e seont la lôr gjernassie.
6 Fîs di Cam: Kus, Misraim, Put e Canaan.
7 Fîs di Kus: Sebe, Avile, Sabte, Rame, Sabteche.
Fîs di Rame: Sabe e Dedan.
8 Kus al à vût Nimrod, ch'al è stât il prin grant di chest mont.
9 Al jere un cjaçadôr brâf denant dal Signôr, par chel si dîs: «Come Nimrod, il cjaçadôr plui brâf denant dal Signôr».
10 Al à scomençât a jessi paron di Babêl, Uruc, Acad e Calne, dutis sitâz ch'a son te tiere di Senaar.
11 Di li al saltà fûr Assur, ch'al fasè sù Ninive, Recobot-Ir, Calac,
12 e Resen, fra Ninive e Calac, ch'e sares la grande sitât.
13 Misraim al à vût lis tribùs di Lud, di Anam, di Laab, di Naftuc,
14 di Patros, di Casluc e di Caftor, che di li dopo a son saltâz fûr i filisteos.
15 Canaan al à vût Sidon, il prin fî, e dopo Chet
16 e il gjebuseo, l'amoreo, il gjergjeseo,
17 l'eveo, l'archit, il sinit,
18 l'arvadit, il semarit e l'amatit; plui in ca lis tribùs dai cananeos di dispierderin.
19 Il confin dai cananeos al leve di Sidon de bande di Gjerar fint a Gaze, po de bande di Sodome, Gomore, Adme e Zeboim e fint a Lese.
20 Chesc' a son i fîs di Cam, seont la lôr gjernassie e il lôr lengaç, seont il lôr paîs e lis lôr tribùs.
21 Ancje Sem, il pari di duc' i fîs di Eber e prin fradi di Jafet, al à vude dissendence.
22 Fîs di Sem: Elam, Assur, Arpacsad, Lud, Aram.
23 Fîs di Aram: Uz, Cul, Gheter e Mas.
24 Arpacsad al à vût Selac e Selac al à vût Eber.
25 Eber al à vût doi fîs: il prin al veve non Peleg, parvie che la tiere e fo dividude sot di lui, e so fradi al veve non Joktan.
26 Joktan al à vût Almodad, Selef, Asarmavet, Jerac,
27 Adoram, Uzal, Dikle,
28 Obal, Abimael, Sabe,
29 Ofir, Avile, Jobab; duc' chesc' a son i fîs di Joktan.
30 A jerin a stâ de bande di Mese in direzion di Sefar, su la mont dal Orient.
31 Chesc' a son i fîs di Sem, seont la lôr gjernassie e il lôr lengaç, seont il lôr paîs e lis lôr tribùs.
32 Chestis a son lis gjernassiis dai fîs di Noè, seont il lôr çoc e seont lis lôr tribùs. Al è di li che i popui a scomençàrin a dividisi su la tiere dopo dal diluvi.
Cjapitui: 1 < 10 > 11 > 12 > 13 > 14 > 15 > 16 > 17 > 18 > 19 > 20