Sofonie
Cjapitui: 1 > 2 > 3 >
Cjapitul 1
Titul
1 Peraule dite dal Signôr a Sofonie, fî dal etiop, fî di Godolie, fî di Amarie, fî di Ezechie, sot di Gjosie, fî di Amon, re di Gjude.LA SORNADE DAL SIGNÔR SORE DI GJUDE
Judissi cuintri di Gjude
2 Propit! o tirarai dongje dut de face de tiere!
- Sentence dal Signôr -.
3 O tirarai dongje oms e nemâi,
o tirarai dongje i ucei dal cîl
e i pes dal mâr;
o fasarai inçopedâ i trisc'
e o fasarai sparî l'om de face de tiere.
- Sentence dal Signôr -.
4 O slungjarai la mê man cuintri di Gjudee cuintri di dute la int di Gjerusalem;
o fasarai sparî di chest lûc
parfin i vansums di Baal,
il non dai servidôrs insieme cui predis;
5 chei che si ingenòglin sui cuvierzdenant de schirie dal cîl,
chei che si ingenòglin denant dal Signôr
e po a zùrin par Milcom;
6 chei che si slontànin dal Signôr,
che no lu cìrin e no bassìlin.
La sornade dal Signôr
7 Taseit denant dal Signôr Idiu,
parceche e jè dongje la sornade dal Signôr!
Il Signôr al à prontât un sacrifici,
al à smondeâz i siei invidâz.
Cuintri dai sorestanz e dai siôrs
8 Al sucedarà te dì dal sacrifici dal Signôr:
O vignarai a cjatâ duc' i princips
e i fîs dal re
e duc' chei ch'a van vistûz cu la mode dai foresc';
9 o vignarai a cjatâ duc' chei ch'a van sù fin sul sojâr dal re;
ch'a jèmplin il palaç dal lôr paron
di violence e di falsetât.
Cuintri di Gjerusalem
10 Al sucedarà in chê dì - sentence dal Signôr -:Berlis, davuei ch'al rive de puarte dai Pes,
ciuladis dal cuartîr gnûf
e grant sunsûr dai cuei,
11 craçons de int dal Pestel.
E jè fruçade dute la int di Canaan,
a son svinidrîz duc' chei ch'a pèsin l'arint.
12 E al sucedarà in chê volte:
O sgarfarai par Gjerusalem cui ferâi,
o larai a cjatâ chei cence fastidis,
chei che si làssin lâ a lis baracadis,
chei ch'a pènsin in tal lôr cûr:
«Il Signôr nol pò fânus ni ben ni mâl».
13 La lôr robe e sarà rafade
e lis lôr cjasis sdrumadis;
a fasaran sù cjasis ma cence lâ a stâ dentri,
a plantaran vignâi, ma cence cerçâ il vin.
La sornade dal Signôr e jè sornade di rabie
14 E jè dongje la grande sornade dal Signôr;
e jè dongje e a rive tun marilamp.
Berli mareôs de sornade dal Signôr:
un vuerîr ch'al dà sù il berli di vuere.
15 Sornade di rabie, chê sornade,
sornade di spavent e di tribulazion;
sornade di burlaç e di tampieste,
sornade di scûr e di fumate;
sornade di nûl e di scuretât,
16 sornade di sunôrs di trombe e di batae,
su lis sitâz rinfuarçadis
e su lis toressis di cjanton.
17 Jo ju ridusarai te stremee lôr a cloparan come vuarps,
parceche e àn pecjât cuintri dal Signôr;
il lôr sanc al sarà sparniçât come il pulvin
e la lôr cjâr come il ledan.
18 Ni l'arint ni l'aur
nol podarà salvâju.
Te dì de rabie dal Signôr,
dal fûc de sô passion,
la tiere e sarà glotude!
Difat al fruçarà, ansit al svinidrissarà
dute la int de tiere.
Cjapitui: 1 > 2 > 3 >