Trasfusions
di
La nestre piēule comunitāt e ą vivude une grande zornade: il perdon dal Rosari e il 35m dai donatōrs di sanc. Une fieste dople ma unificade di chź armonie fra cuarp e anime, fra vite spirtuāl e vite matereāl che no ą mai di mancjā, come che no mancje tai cuindis misteris di Crist e di Marie.Cjalant il coro furnīt di 42 bandieris, lis viodevi come un grant rosari, fat cui grignei de solidarietāt. E biel che o alēavi il cjaliē cul vin, no podevi no pensā che il sanc dāt de nestre int al č un segnāl inmņ plui significatīf e stralusint dal misteri. Un misteri, chel dal sanc di Crist e dai donatōrs, lą che al sparis ogni aspiet cruent par lassā place al amōr. No si pņ dā alc di sč, che al č il regāl plui vźr, cence amōr.
I furlans a an simpri dāt il sanc. O in vuere o pal mont o ancje in cjase. Plui che dāt, ur al an cjolt, supāt come lis sanguetis. Par chel o crōt che il nestri popul, cun ducj i siei difiets e la normalizazion di chescj agns sul model talian, al sedi in debit tai confronts di un stāt che lu molē cence misure e cence creance, fasint dividi lis spesis e i dovźs di solidarietāt ma no i vantaēs e i dirits di paritāt.
A chescj fradis, cristians di fat ancje se no simpri di non, ur disarčs che la plui grande sperance par un popul al č il popul stes e che, par tant pastrocjade che e sedi la situazion, chel che al ą voe di fā il ben al pņ fālu ancje vuź. Grazie alore pes trasfusions di sanc, che a cirin di ripuartā salūt tun cuarp malāt.
Ma la salūt e je alc di plui larc e profont dal jessi a puest cul colesterolo e cui trigliceridis. Ancje il purcit, biāt, al sclope di salūt. Par chel o dīs che, dongje des trasfusions dal sanc, a coventin, par ducj nō, altris trasfusions.
Par esempli trasfusions di culture. Un popul che nol rive a meti, in tal cjaruē incolm de spese, ancje un libri o che nol ą timp di cognossi, stimā, tramandā la sō culture, storie, lenghe, esperience, nol č san. O al č san dome cul cuarp e duncje in pericul di jessi doprāt come un mus, che si lu preferis san. Un popul che nol dopre il so cjāf, al ven doprāt.
Ma ancje trasfusions di prejere, di contemplazion, di riflession, di profonditāt. O preģn masse pōc e in famee o vin il terōr di fermāsi un lamp a preā, a lei une rie di vanzeli, a sgambiāsi pinsīrs spirtuāi. E nancje in glesie no sintģn il sens de essenzialitāt, de eternitāt, dal misteri, di chel Supremo che al ą simpri indreēade la nestre storie e la nestre cussience.
E a coventin ancje trasfusions di afiet, di solidarietāt, di sant interes di un par chel altri, tacant dai tancj che a muerin di solitudine framieē de fole anonime.
O zontarčs, se mi č permetūt, ancje une trasfusion di coragjo, di otimisim, di sperance. Un popul come il nestri, che and ą viodudis e vivudis di ogni pźl e al č lāt in crise plui cui bźēs che cui debits, plui cui lussos esagjerāts e inutii che cu la puaretāt dignitose, nol pņ vź pore se lis robis si comedaran, se si tornarą a vź il franc misurāt. E reste, intate, la libertāt dal spirt, de fantasie, dal inzegn, dutis perlis nostranis che a semein sparidis.
Che la Madone e fasi il meracul di peā dute la nestre int cul fīl de sperance e dal amōr come une inmense corone. Alore il nestri voli al tornarą clār e ancje il cūr al sintarą un biel clip.