Notiziis e avîs

Claudia Giordani, autore de Il Cristianesimo egiziano di Aquileia.
Il libri al presente une des ipotesis plui interessantis in stât di riscrivi la storie de difusion dal cristianisim tal alt Adriatic.
Une gnove forme di interpretazion des figuris enigmatichis di un mosaic dal III secul dopo Crist e puartarès a une comunitât gnostiche rivade dal Egjit come une des testemoneancis plui antighis de presince cristiane in Friûl e tal alt Adriatic.
Si ricjape, cun gnovis cognossincis e fonts, une teorie interessant in stât di riviodi in maniere pardabon straordenarie la storie dal cristianisim prime di Costantin.
Claudia Giordani: studiose di gnosi antighe e des corints dal prin cristianisim, e à publicât di resint la monografie Il cristianesimo egiziano di Aquileia (Udin 2020) in riferiment a la discutude atribuzion a cristians eterodòs che a vignivin di Alessandrie di part dai mosaics dal complès basilicâl aquileiês.
E je stade funzionari culturâl a Bologne e Triest; tai agns e à tignût diviers seminaris e incuintris sul pinsîr e la opare di Simone Weil, lant a font, in particolâr, de sô leture de filosofie platoniche e de sience antighe in rapuart al prin cristianisim.
E je a stâ a Aquilee dal 2018 e e fâs part dal Grop Archeologjic Aquileiês, curant diviersis rassegnis su temis relatîfs al antîc Egjit, ancje jê e à curât il catalic e la relative mostre Bestie e Mostri ad Aquileia. Uso e persistenze delle figure animali tra natura e simbolismo dall’età romana al Rinascimento.
Con: Regione Autonoma Friuli Venezia Giulia e Arlef

Locandine