EVENT BIBIE PAR UN POPUL AL TEATRI “GIOVANNI DA UDINE”
20 di Mai 2012Il President di Glesie Furlane, geom. Giovanni Pietro Biasatti
Il President de ARLeF, dr. Lorenzo Zanon
Il President de Provincie di Udin, on. Pietro Fontanini
LArcivescul di Udin, bons. Andrea Bruno Mazzocato
a àn organizât par domenie 27 di Mai dal 2012 al Teatri Gnûf Giovanni da Udine oris 20.30 levent
BIBIE PAR UN POPUL
La iniziative e celebrarà i 1.127 letôrs volontaris che un an indaûr a àn rindût pussibil un event straordenari: la Leture continue de Bibie par furlan, un dai pôcs câs al mont di leture integrâl dal test sacri in une des passe 500 lenghis che al è stât tradusût.
A Intervignaràn
Bons. Dino De Antoni
President de Conference Episcopâl dal Trivenit
e Arcivescul di Gurize
Bons. Andrea Bruno Mazzocato
Arcivescul di Udin
On. Pietro Fontanini
President de Provincie di Udin
Dr. Lorenzo Zanon
President de ARLeF
Geom. Giovanni Pietro Biasatti
President di Glesie Furlane
PROGRAMMA
Leture di tescj sacris antîcs par vôs dal atôr Franco Castellano
Esecuzion dai Discjants Aquileiês duet Daniele DAgaro e Mauro Costantini
Esibizion dal Côr dai Fruts de Scuele di Musiche Diocesane di Mortean
Presentazion dal portâl YouTube la che e je publicade la intere registrazion de Leture continue
de Bibie par furlan, iniziative che e fâs deventâ la lenghe furlane prime al mont.
Preseade Letore/Preseât Letôr, o sin contents che o vedis confermade la partecipazion al event BIBIE PAR UN POPUL promovût di Glesie Furlane, cul sostegn de Arlef – Agjenzie Regjonâl pe Lenghe Furlane e in colaborazion cu la Arcidiocesi di Udin e la Provincie di Udin.
La iniziative si davuelzarà domenie ai 27 di Mai dal 2012 li dal Teatri Gnûf “Giovanni da Udine” scomençant aes 8 e mieze di sere.
Us informìn che des 7 di sere, tal Foyer dal Teatri, si podarà ritirâ il Cofanut che al à dentri il CD personalizât cu la regjistrazion video dal pas let di ogni letôr. Eventualmentri si podarâ ritirâlu ancje par cont di altris letôrs che no puedin partecipâ al event, daûr di presentazion de deleghe scrite. La distribuzion e larà indevant ancje a fin serade. O tignìn a marcâ che si jentre tal Foyer dome se si à il biliet di jentrade.
Cemût jentrâ tal Teatri
Par ritirâ i biliets di jentrade gratuite si podarà lâ li de bilietarie dal Teatri Gnûf “Giovanni da Udine”, vie Trent, 4 – Udin cun chest orari:
di lunis ai 21 di Mai a sabide ai 26 di Mai
des 4 dopomisdì aes 7 di sere
domenie ai 27 di Mai: des 7 di sere.
Impuartant:
Cuant che o ritirais il biliet o vês di dî in maniere esate il non che o vês dât tal moment de prenotazion.
Tal câs di prenotazions fatis dal referent dal grup, al è preferibil che il referent dal grup al ritiri i biliets par ducj chei dal so grup. Se chest nol è pussibil e i letôrs a van di persone un par un a ritirâ il biliet, al sarà impuartant dî in bilietarie il non dal referent dal grup.
Se no vês za proviodût, us preìn di segnalâ a la Segretarie dal event la necessitât di un puest par disabii in carocele.
Fruts: a podaran jentrâ in Teatri dome i fruts che ur vês fate la prenotazion e a varan di vê za ritirât il biliet di jentrade.
Par ogni altre informazion, contatait:
Segretarie dal event BIBIE PAR UN POPUL
Di lunis a vinars: des 9 di buinore a 1 dopomisdì
Email: bibieparunpopul@caltpr.it
Tel 0432 229127