“Prime lis fabrichis, dopo lis cjasis, po lis glesiis” – «Prima le fabbriche, poi le case, poi le chiese»
02 di Fevrâr 2026
Tacant di martars ai 3 di Fevrâr dal 2026, la serie documentarie “Prime lis fabrichis, dopo lis cjasis, po lis glesiis” e larà in onde ogni martars aes 21.20, cun repliche ogni vinars aes 20.40, cun scjadince setemanâl su RAI 3 BIS, canâl 810 dal digitâl terestri, e e sarà disponibil ancje su RaiPlay.
“Prime lis fabrichis, po lis cjasis, in fin lis glesiis”, e je une serie documentaristiche che e conte il teramot dal Friûl dal 1976 par mieç di une prospetive origjinâl e profontamente inlidrisade tal teritori: il rôl che al à vût il cleri furlan te gjestion de emergjence e intal procès di ricostruzion sociâl ed economiche dal Friûl colpît dal sisma.
A partî de gnot dal 6 di mai dal 1976, ch’al à sdrumât paîs intirs e e gambià par simpri la muse de regjon, la serie e conte une stagjon dulà che la ricostruzion no jere dome materiâl, ma ancje culturâl e civîl. Intun Friûl za segnât di emigrazion e di margjinalitât, la pôre di pierdi par simpri la sô int e devente il grop centrâl dal racont. Di chê consapevolece e nass une vision che e segnarà dut il procès di rinassite: la ricostruzion e à di partî dal lavôr, par permeti ae int di restâ, cun dignitât e cuntun avignî. Il titul de serie al pant il sproc che al è deventât il simbol di chel percor – “Prime lis fabrichis, po lis cjasis, in fin lis glesiis” – espression di une sielte etiche e pulitiche che e à contribuît ae nassite dal cussì clamât “Modêl Friûl”. Chel slogan al è nassût dal document Ai furlans che a crodin, scrit e presentât dai predis di Glesie Furlane inte assemblee ordenade dal vescul Alfredo Battisti ai 11 di mai dal 1976, a pôcs dîs dal teramot.
Par savê di plui frache cà
PRIMA PUNTATA: “AL COLE DUT” (CADE TUTTO) con Pre Romano Michelotti
Don Romano Michelotti era un giovane cappellano a San Daniele del Friuli nella notte drammatica del 6 maggio 1976. Racconta con profonda emozione ciò che accadde davanti ai suoi occhi in quelle ore.
Venne mandato immediatamente a benedire le vittime che arrivavano dai paesi vicini – Osoppo, Buja, Forgaria.
È un ricordo che segna per sempre: la violenza del sisma rendeva evidente, in modo crudele, la fragilità della vita.
Pre Romano Michelotti, al jere un zovin capelan a San Denêl in chê gnot drammatiche dal 6 di mai dal 1976. Al conte cun grande emozion ce che al sucedeve denant dai soi voi, in chês oris.
Mandât a benedî i muarts che a rivavin al obitori dai paîs dongje – Osôf, Buje, Forgjarie.
Al è un ricuart che nol si dismente: la violenze dal taramot ti faseve capî, in maniere violente, la fragjilitât de vite.
Per saperne di più clicca qui