Notiziis e avîs

Vençon, ai 06 di avost dal 2006, tal aniversari de dedicazion dal domo di sant Andree de bande dal patriarcje Bertrant di Sangenêt. La predicje di pre’ Antoni Beline.

Si cjatìn, pal boncûr di Diu, ancjemò une volte a celebrâ l’aniversari, il 668m, de consacrazion dal nestri domo fate di chel grant e sant om che nissun vençonas nol po dismenteâlu e no sintîlu come so protetôr, il patriarcje Bertrant di Sangenêt. No vuei fermâmi suntune pagjine di storie, paraltri degne di memorie, che e tramande il fat, ma sul significât, sul valôr, su l’impuartance dal lûc ch’al ven consacrât e dedicât a Diu onipotent e al so famei, l’apuestul sant Andree. Fevelant di une glesie, di un lûc dedicât a la preiere, a la celebrazion dai misteris, a la rievocazion e sigurazion di une presince particolâr, fuarte, dal Signôr, nus vegnin tal cjâf lis peraulis che Jacop, plen di pôre, al à proferidis dopo dal sium de scjale ch’e colegave il cîl e la tiere: “Quam terribilis est locus iste!”. “Ce trement ch’al è chest santuari! Cheste e je propit la cjase di Diu e la puarte dal cîl!” (Gjen 28, 17). E ce che al à dit il Signôr Gjesù a proposit dal templi di Gjerusalem, profanât di dut chel trafic di palanchis e di marcanzie: “Domus mea domus orationis vocabitur”. “La mê cjase e sarà clamade cjase di preiere; vualtris invezit le vês fate deventâ un landri di laris” (Mt 21, 13).

Ce ese la preiere? Al è stât dit tant e ancjemò tant al sarès di dî sun cheste ativitât, disposizion, opare (vêr “Opus Dei”, opare di Diu) dal om. E je il respîr e il suspîr da l’anime. E je l’onipotence dal om e la debolece di Diu. Un om ingenoglât denant dal misteri di Diu nol à nuie di umiliant, ma al cuiste une grandece morâl e une dignitât straordenarie. O rivi a dî che plui l’om si sbasse denant dal misteri di Diu e de sô volontât e mancul si sbasse denant dai oms, comprendûts i plui grancj e prepotents. La preiere e je scuele e strade di dignitât e di libertât interiôr. Un’altre domande vonde banâl e usuâl che si sint atôr e je cheste: “Ce servissie la preiere?”. E parcè varessie di servî? Parcè vino simpri di cjalâ al aspiet utilitaristic e egoistic di une robe? Parcè no fâ une robe juste pal fat che nus plâs? Parcè vino di jessi simpri pitocs, simpri a calcolâ, invezit di fâ i siôrs, i parons? A proposit di servî, tropis des robis che o fasìn servissino par dabon e tropis no sono invenzions e scusis nestris? A la domande sun ce che e servis la preiere, o rispuint cuntun’altre domande: “A ce servissial tirâ flât e fâ sfadiâ i palmons e il cûr?”. A nuie. Ma provait a no respirâ e o viodarês lis sorpresis e lis conseguencis. Lis stessis sorpresis negativis e conseguencis che o viodìn te nestre societât che no pree, no medite, no si vierç al trassendentâl. Une societât asfitiche, tisiche, paralizade, vueide, sterpe.

Ducj nô, a partî dai predis, o fevelìn masse di Diu, o fevelìn pôc e nuie cun Diu e soredut no lassìn che Diu al feveli tal nestri cûr e te nestre vite. Bisugne tornâ a cheste dimension fondamentâl de vite. No us puarti fûr un pari o un dotôr de glesie o un document des congregazions romanis, ma un pari e profete de umanitât, il Mahatma Gandi. “Se cuant che si met in muel lis mans tal cjadin da l’aghe, se cuant che cul soflet si sabore il fûc, se cuant che si met in rie colonis interminabilis di numars tal propit taulìn di contabil, se cuant che si è scotâts dal soreli, se si è impaltanâts tal mieç de risere, se cuant che si è in pîts denant de fornâs dal fonditôr no si realize propit la stesse vore religjose come che se si fos in preiere tun monasteri, il mont no si salvarà”. E al zontave: “No soi un leterât né un sienziât. O cîr dome di jessi un om di preiere. Cence la preiere o sarès lât fûr di cjâf. Se no ai pierdude la pâs da l’anime, cun dutis lis provis, al è parcè che cheste pâs mi ven de preiere. Si po vivi cualchi zornade cence mangjâ, ma no cence preâ. La preiere e je la clâf de buinore e il clostri de sere” (Autobiografie).

Duncje la cjase de preiere ch’al fevele il Signôr e je la glesie, o il templi, ma e je prin di dut la nestre anime, là che lui al è sentât come ospit e mestri, la nestre cjase, là che o sin invidâts a celebrâ une messe no mancul grande ma plui lungje e fadiose di chê dal predi, tal lavôr, te salût, te malatie, te colme de vigurie fisiche e tal sprofondament de flaperie e de inativitât, di cuant che al nas il soreli sul scomençâ de zornade e de vite a cuant che al va a mont sore sere o te nestre ultime sere. Se la preiere e je il respîr e il suspîr, par dut là che si respire e si suspire, si gjolt e si tribule, li al è presint cun nô il Signôr e nô cun lui.

Intal gno cûr o ai memorie di tante int che e preave. Int che no simpri e veve il sostentament dal cuarp ma che no si lassave mancjâ il sostentament da l’anime. E la fuarce spirtuâl e rinfuartive ancje il fisic e ju judave a frontâ provis che vuê nancje no si crôt. Cu la fuarce di adalt, cul jutori dal cîl, cu la fede te provedence di Diu a rivavin a acetâ e a sopuartâ cualunche contrarietât e berdei. Mi stoi ancjemò domandant cemût che e à fat mê mari a nudrînus e a viestînus e a tirânus sù. Mê mari, come sô mari e come tante int de Cjargne e dal Friûl, e viveve preant e e preave vivint. I predis mi àn fevelât di Diu e a àn cirût di spiegâmal miôr o piês ch’a àn podût. Ma mê mari m’al à mostrât presint e operant ogni moment de sô vite. Come che no pues dismenteâ cuant che o ai viodût puar gno pari a cjalâsi atôr, par no jessi viodût, e a segnâsi e a preâ. “Se lui, ch’al è grant e fuart come un rôl, al à dibisugne di preâ, al vûl dî che denant di Diu ducj si è fîs e ducj si è piçui ” o ai pensât.

Ma al è un lûc particolâr là che la nestre int e à sbrocade la sô anime in ben e in mâl. A son lis nestris glesiis sparniçadis pai borcs o rimpinadis sù pes monts. E al è chest domo splendit, là che o vignin di simpri a celebrâ la ligrie e il dolôr, la fadie e la sperance, la vite e la muart. Culì o sin nassûts te grande famee dai fîs di Diu. Culì o vin nudride la nestre anime cul pan de vite. Culì o vin sintude la presince tonificant dal perdon dai pecjâts e culì o vin confermade, ancje se cun pocje coerence, la nestre fede. Culì a son nassudis lis nestris fameis e culì si è sierât o si sierarà il libri de nestre vite. Se o pues zontâ un particolâr par me impuartant, culì e je nassude la mê gole o matetât di deventâ predi. E je nassude sun chescj scjalins dal coro, cu la lûs matutine che e indorave lis vereadis, cul cjant des laudis di Diu e cu la celebrazion dai siei misteris. Ma al jere un alc che nol leve. Diu al capive ce che nô i disevin, ma nô no capivin nuie. Si sa che Diu al è misteri, ma almancul alc si scuen capî. E mi soi impegnât, cu la gracie di Diu, judât di amîs cjârs e brâfs, a tradusi dute la peraule di Diu te nestre lenghe, come ch’al veve pensât e scomençât pre Checo. E je vignude fûr la Bibie e, come puar gno pari cu lis luianiis cuant che al purcitave, un daûr l’altri al è vignût fûr il lezionari e po il libri cul cjant dai salms responsoriâi. Ma al mancjave alc. Al mancjave il plui: il messâl. Lu vin dât dongje cun passion e fadie; o vin stât a dutis lis regulis, ancje discutibilis e stupidis che chei di Rome a àn metût. Ju vin ubidîts e rispietâts plui di chel che a mertavin, ma lôr no nus àn rispietâts par nuie. Denant di un popul ch’al brame l’aghe vive de preiere par ristorâ la propie anime e vivificâ la propie storie, a tirin fûr dome fufignis e rimpins. No àn timôr di Diu e no àn dûl de int che e spiete, cun dut il dirit, di podê metisi denant di Diu cu la totalitât de propie identitât e culture.

La preiere che vuê mi permet di fâi al patriarcje Bertrant, che al è stât pari e pastôr di cheste glesie e di cheste comunitât, e je di judâ la sô int a ripiâ la strade de fede e de sapience, a riscuviergi la vene vitâl de preiere personâl e comunitarie. Lui che in vite al à lotât cuintri dai nemîs de sô glesie e dal so popul, che nus difindi cumò de prepotence di une struture gleseastiche arogant, acentradorie, insensibil a lis esigjencis sacrosantis dai popui e preocupade dome di mantignî il monopoli de religjon, inludintsi di vê il monopoli di Diu e da Spirt.

In cheste biele fieste, in chest lûc di storie e di religjon, domandìn che il popul furlan al torni a sintî la brame, la dibisugne, la fuarce, la bielece de preiere. No par sbassâ Diu o par doprâlu come un pipinot, ma par alçâsi ducj nô al nivel de nestre dignitât umane e cristiane e par sintî, ancje tai timps calamitôs e stimolants che si cjatìn a vivi, la fuarce benedete dai siei braçs che nus strengin come une mari. Che inte coralitât dai popui no mancji mai la vôs de nestre culture e il respîr de nestre anime. Amen.

Vençon, ai 06 di avost dal 2006, tal aniversari de dedicazion dal domo.

pre Antoni Beline, vençonas

O vin za dit plui voltis che salacor il 2006 al rapresente un an une vore particolâr pe lenghe furlane. Tal aiar si sint un ciert eletric che dal sigûr al lassarà il segn tai lunaris.
Di fat dongje dal inovâl pai 10 agns de leç 15 dal 1996, a son cetantis iniziativis ta chescj mês, tacant propit dal grup di lavôr nomenât di pueste de Regjon pe revision de normative cuadri di riferiment. Ma no dome lis istituzions laichis a son in vore. Come che nus à contât pre Romano Michelotti, plevan di Vilegnove, un dai components di Glesie furlane e colaboratôr atîf par cont de Diocesi te iniziative in argoment, a son aromai mês che al stât mandât jù a Rome ae atenzion de Cei (Conference episcopâl taliane) ancje il messâl in lenghe furlane: la prime traduzion in marilenghe che e ten cont de ultime edizion latine dal test, ven a stâi la “editio typica tertia” dal 2002.Glesie furlane e je une associazion nassude tai Agns ’70 e no je fate dome di religjôs, ancje se tancj siei components a son oms di glesie. Tes sôs finalitâts e je la promozion e la tutele de culture e de lenghe furlanis, des tradizions locâls e la sô azion e je dedicade in particolâr ae tematiche religjose, fondantle sui principis che a son stâts fissâts ancje dal Concili Vatican II li che la glesie, tra l’altri, e à metût in bande il latin, par celebrâ la messe te lenghe dal popul. In dute Italie chest principi al à significât l’inizi dal ûs dal talian ad implen vie pes celebrazions, ma intune vision plui complete, pal Friûl chest al vûl dî il dirit di doprâ la marilenghe tes messis di chenti.
Duncje une ativitât che e va indevant di cetancj agns ancje cuntune atenzion particolâr ai tescj di doprâ in glesie e che e à za puartât la traduzion sedi de Biblie sedi dal Lezionari. L’ultin pas in ordin di timp al sarès il messâl, che par dî la veretât al è za stât voltât e consegnât a Rome ae Cei pal parê necessari par podê dopo presentâlu ae Congregazion vaticane pal cult divin e pal bon ordin dai sacraments, che e varà la ultime peraule pe aprovazion de traduzion. Magari cussì no però chest passaç al è inmò lontan, ancje se aromai a son agns che Glesie furlane, ma no dome, e je daûr a lavorâ su chest test. Di fat, za tal 1998 a jerin stâts fats i prins pas pe traduzion dal messâl, ma il moment fondamentâl al è stât tal 2002 cuant che e je stade publicade la “editio typica tertia” dal messâl latin, il test di riferiment par dute le glesie dal mont e che al è stât la fonde ancje pe traduzion furlane. Cun di plui, come che si diseve, il lavôr al è il risultât di une comission interdiocesane nomenade dai trê vescui des diocesis furlanis di Udin, Gurize e Concuardie Pordenon.
Cumò però il timp al è passât e Glesie furlane, la anime fuarte di cheste comission fate di plui predis ma ancje cu la partecipazion di laics come Giovanni Frau, docent de Universitât dal Friûl, e je convinte che si à spietât avonde.E cussì e je intenzionade a sburtâ par che la cuestion si smovi fûr di cheste paralisi cence spiegazions. E lu fâs riclamant i principis che al veve plui voltis marcât ancje pre Bepo Marchet, cuant che al diseve che la nestre tiere e à la sô fonde te culture di popui e tal rispiet de diviersitât, comprendude la culture furlane, une des cuatri che a caraterizin cheste regjon di confin nassude, cressude e madressude fin dai timps dal Patriarcjât di Aquilee intune misture e convivence di plui identitâts ancje linguistichis.
Glesie furlane e je duncje rispietose di chei che a son i passaçs che a coventin par otignî il ricognossiment di un test come il messâl, che al pues jessi considerât come un dai strument plui alts che si puedi dâ al popul intune opare di inculturazion de fede. Ma dongje chest rispiet pe jerarchie eclesiastiche, e je une posizion ferme par domandâ che al vegni dât un ricognossiment di un dirit dovût e no dome un sempliç plasê di bande dal Vatican. E nol è dome chest, che za al sarès avonde par une soluzion in curt de cuestion. Daûr di cheste domande a son tancj elements no dome simbolics. Ducj si visin des peraulis dal Pape Zuan Pauli II cuant che tal 1992 in visite in Friûl, intal so discors a Udin al disè “Fradis Furlans: us saludi te vuestre marilenghe e us invidi a tignî dûr, cu lis tradizions, la fede cristiane e i valôrs dal fogolâr e a fâju cressi tal cûr dai vuestris fîs”. Peraulis che a marchin il rispiet pes minorancis come vie pe pâs e che a àn la fonde tal vanzeli li che al ven riclamât il principi de cure pai piçui e pai indifês. E par ultin, ma no par impuartance, no si à di dismenteâ il trentesim aniversari dal Taramot dal 1976. Podê rivâ ae aprovazion dal messâl in marilenghe al volarès dî puartâ insom il procès di ricostruzion ancje spirituâl di une tiere che e à savût resurî di un montafin cence paragons. Chest al darès duncje il just ricognossiment ae nestre nazion che vie pai secui e à dât dimostrazion di fede e rispiet ancje par sieltis discutibilis. Cun chest no si fevele di nostalgjiis patriarcjâls che a cjalin indaûr cence futûr: tes peraulis di pre Romano si sint clare la cussience che la tradizion de Glesie di Aquilee e je la lidrîs che e puartarà gnovis pomis al morâr de glesie dal Friûl. Parcè che intun mont globalizât, une concezion romanocentriche dal catolicisim no je atuâl par vie che al volarès dî sierâ i voi denant di une realtât, che simpri di plui si manifeste te diviersitât e te convivence necessarie dai popui, des culturis, des tradizions e des lenghis intun spirt di pâs e tolerance.

Christian Romanini

pre Antoni Beline

Don Corrado,

non è mio costume nè mia competenza esprimere giudizi sulle attività espressive del prossimo. Ritengo che ognuno abbia diritto di esprimere le proprie idee in assoluta libertà. Il lettore ha la possibilità di accettarle, rigettarle, confrontarsi con esse per trarne giovamento o liberarsene al più presto per evitare ogni forma di nocumento. Ritengo altresì condizione pregiudiziale di ogni opera la chiarezza del pensiero e la correttezza della forma. Tutte qualità che ho riscontrato nel Suo libro: “Verità eretiche di un prete”. Quindi lo ritengo un libro positivo. Se non altro per il coraggio, al limite dell’incoscienza o dell’impudenza, di esprimere con tanta crudezza dei giudizi pesanti, ed inusuali anche nel mondo dei cosiddetti “lontani”, su “Dio, Bibbia, Chiesa, Storia”. Le fa onore anche un’altra circostanza. Di solito certi libri di contestazione radicale vengono pubblicati con pseudonimi o ricorrendo all’anonimato. Lei, in sintonia con il Suo temperamento che non rifugge dal confronto e dallo scontro, ha voluto firmarsi, ben sapendo che tale gesto non Le avrebbe aumentato il numero degli osannanti, ma avrebbe ulteriormente ridotto il numero dei simpatizzanti. Ma questa non sembra la Sua preoccupazione primaria.

Ho letto il libro in poco tempo, concentrandomi con più attenzione su certe parti e scorrendo con più celerità altre, soprattutto quando, come nel caso della Bibbia e della storia della Chiesa, l’impianto accusatorio e demolitorio era ben chiaro. Non escludo la possibilità di rileggerlo con più calma, anche per poter afferrare meglio il Suo pensiero. Trattandosi di un’opera composita, nel senso di essere formata da più sezioni abbastanza diversificate nel contenuto e nel tempo, e di un susseguirsi continuo di osservazioni e precisazioni all’interno delle singole sezioni, non è facile e non credo nemmeno possibile darne un giudizio globale. Bisognerebbe avere la Sua preparazione culturale, la Sua documentazione bibliografica e la Sua esperienza personale diretta e protratta per una lunga e travagliata esistenza. Inoltre bisognerebbe rispondere argomento per argomento, inciso per inciso, riga per riga. Un’impresa insensata ed inutile. Mi accontenterò di farLe presenti, per iscritto come da Lei richiesto, alcune considerazioni, osservazioni, confidenze che mi suscita la lettura del Suo libro, senza nessun intento accusatorio od assolutorio e senza nessuna pretesa di completezza, ma come un fratello o, se preferisce anche per ragioni anagrafiche (mia mamma era dal 1912), come un figlio al proprio padre. In carità e libertà.

La parte “teologica”, che occupa uno spazio notevole nel libro e che avrebbe dovuto interessarmi maggiormente per ragioni professionali o di bottega, mi ha incuriosito parecchio per l’arditezza ed inusualità delle tesi ivi esposte con dovizia di particolari e con una lista infinita di citazioni una più dotta e puntuale dell’altra, ma non mi ha emozionato. Non mi sento di darLe torto nè ho argomentazioni per ribattere punto su punto. E’ tutta l’impostazione che mi ha lasciato perplesso. Lei parte dal principio che Dio è mistero e tutto quello che diciamo con i nostri poveri ragionamenti, con i pronunciamenti magisteriali e con la stessa Bibbia è assurdo, insostenibile, illogico, sballato. E fin qui posso anche convenire. Ma noto in Lei un accanimento razionalistico martellante per dimostrare la Sua tesi e mi accorgo che, alla fine della Sua demolizione, ci troviamo felici e contenti su un mucchio di rovine. Può darsi che per Lei, usato o condannato a sfide insostenibili da superuomo, tutto questo Le dia un brivido di esaltazione, come chi finalmente ha trovato la chiave del mistero. A me tutto questo fa paura e pietà, perchè la chiave non apre nessuna porta, essendo caduta non solo la porta ma anche la parete e la casa. Scorrendo le Sue implacabili argomentazioni mi prende un senso di freddo, come quando tramonta il sole o la vita esce da un corpo goccia a goccia.

Non è questo il Dio che m’interessa, davanti al quale presentarmi in tutta la mia nudità e chiedergli umilmente di essere coperto e riscaldato dalla sua misericordia. Il Dio dei filosofi, dei nichilisti, degli intellettuali, dei libri, non m’interessa affatto. Non lo cerco e non lo voglio. Perchè è morto. Perchè è un idolo partorito dalla mia intelligenza o logica, all’altezza della mia comprensione e dunque non più grande di me.

Dal momento che ognuno è inesorabilmente autobiografico, la mia vicenda umana è stata ed è totalmente diversa dalla Sua e non solo per questioni di date. Lei è un uomo forte, che non teme assolutamente alcuna sfida, sia essa una prigionia lunghissima e dolorosa in territorio russo, sia una battaglia ideologica contro gran parte della Sua comunità infetta da preconcetti o illusioni di matrice sinistroide, per Lei ovviamente “l’eresia di tutte le eresie”, come avrebbe detto del modernismo l’ignorante ed intollerante Pio X, autore o connivente di un gulag teologico che ha paralizzato gran parte del secolo appena trascorso. Anch’io mi sono trovato, senza volerlo, a lottare contro lo strapotere e l’incomprensione vescovile, come Lei. La differenza è che io sudavo freddo ad ogni lettera o telefonata che mi arrivava dalla curia e passavo notti insonni e giorni di agonia, perchè mi sentivo impari alla lotta. Dalle Sue lettere questa paura non traspare. Può darsi che la mia impressione sia errata, ma mi sembra quasi di scorgervi un senso di vittoria, di soddisfazione, anche se amara. Oppure le prove immani cui la vita L’ha assoggettato hanno avuto su di Lei l’effetto che il gelo invernale (o infernale) ha sugli alberi. Per resistere devono perdere ogni fiore e foglia e tenero germoglio e dotarsi di una scorza impenetrabile. In questo caso, il lettore è preso da un senso di sincera ammirazione, ma che raramente si trasforma in affettuosa partecipazione, in calore umano. Essere ammirati può essere stimolante; essere amati è più consolante. Sono un romantico inguaribile, un modernista incorreggibile. All’albero maestoso che sfida i flagelli del vento preferisco l’umile viola che cerca di rannicchiarsi ancor di più, per sopravvivere. Al Dio glaciale e matematico o metafisico degli studiosi e dei dubbiosi e dei fanatici dell’assoluto, preferisco il Dio un po’ kitsch, banalotto, rassicurante, insostenibile, illogico della povera gente. Lei, per parlarmi di Dio, mi porta una valigia di libri e di citazioni e di prove o controprove. Io preferisco andare a cercarlo nelle contraddizioni, nella semplicità, nell’umanità dei miei fedeli così infedeli ed impresentabili. Se devo farmi un’idea di Dio (di più non è permesso nè lecito), non vado in biblioteca, ma mi rivolgo con umile confidenza alla vecchietta che confonde la Trinità con chissà quale astruseria ma che riesce ad affrontare con serenità la fatica del vivere. Dio non lo si dimostra, ma semplicemente si mostra.

Tra le note della Sua interessante e per certi versi unica esperienza, vedo che Lei ha conosciuto persone di altissima levatura almeno gerarchica e frequentato un’infinità di luoghi. Mi riferisco al futuro Paolo VI, al card. Donato Sbarretti, a Tardini, a Casaroli, al chiacchierato Baggio, notoriamente ultraconservatore e nemico implacabile (naturalmente in buona fede. Quanta buona fede e quanta poca fede!) della teologia della liberazione e persecutore di un martire del calibro di mons. Romero . Ha frequentato la Roma dell’algido Pacelli segretario di Stato e di Pio XI, il papa dei concordati più disastrosi del secolo. Ha conosciuto, purtroppo, la Russia con tutte le atrocità staliniane e con le sofferenze di quel popolo grande e sfortunato, la povertà e corruzione di Cuba, gli intrecci ed intrallazzi politico-caritativi della Pontificia Opera di Assistenza, la cura pastorale, l’insegnamento scolastico, gli splendori della Parigi vacanziera, il mondo piccolo borghese e piccolo cattolico del Veneto.

Benchè vissuto in tempi di maggior mobilità e possibilità economiche, il mio curriculum è vergognosamente ridotto e provinciale e si esaurisce all’interno della mia diocesi, in minuscole comunità ai margini di una regione già marginale. Ho trascorso 14 anni in Carnia, a mille metri di altezza, e gli ultimi 21 a Basagliapenta, un paese che le automobili attraversano accelerando. Ho fatto solo due puntate esterne o estere. Una settimana in Palestina, nel 1995, e l’anno seguente, un salto a Santiago de Compostela. A Roma non ho mai messo piede e non conosco alcuna personalità. Un‘esistenza banale ed insignificante che mi ha permesso una discreta navigazione o, se preferisce, un decente cabotaggio, compatibilmente con la mia salute precaria e le mie paure ricorrenti ed incombenti. Eppure mi sento sereno e realizzato perchè ho potuto attendere ad una comunità, aiutare della povera gente a vivere e a sperare ed essere aiutato da loro. Ho avuto la fortuna di poter leggere e scrivere, ma anche qui tutto a livello artigianale, paesano, in una lingua che pochi parlano ed ancora meno leggono, ma che mi ha permesso di dire cose grandi e profonde. Con simili trascorsi, non sono ammirato nè invidiato da alcuno. In compenso credo, o mi illudo, di godere dell’affetto sincero dei miei parrocchiani e di alcuni amici. Non Le racconto questo per esaltare un’esistenza rispetto all’altra ma solo per farLe capire che, con strade così diverse, non possiamo avere la stessa concezione della vita e nemmeno gli stessi gusti in fatto di religione, pur appartendendo entrambi alla stessa ditta, come direbbe il grande don Milani. Avrà certamente intuito che alla Chiesa dei Pii, dei Merry del Val e degli Ottaviani, condannati a far la parte del drago che custodisce un tesoro sotterraneo, un museo delle cere, un mausoleo o una biblioteca morta di verità morte, preferisco la temerità e l’incoscienza di un papa Giovanni che, ad un’età normalmente collegata all’arteriosclerosi ed alla demenza senile, si permette di scendere in mare e, con mano tremolante, spingere la barca o la baracca apostolica in alto mare, con il rischio reale di venire sommersa ad ogni istante, vuoi per la veemenza dei flutti vuoi per l’inadeguatezza del nocchiero. Ci avrà fatto girare un po’ la testa e sommuovere i visceri, ma almeno abbiamo potuto vedere finalmente qualcosa di nuovo…

Considero una grazia straordinaria, forse la più grande che ho avuto nella mia vita, la possibilità non solo di passare giorni e mesi sulla Bibbia ma di poterla tradurre in friulano. Se, in qualche modo, ho fatto un regalo al mio popolo offrendo una sorgente inesauribile di vita e di sapienza ed una guida luminosa per la verità tutta intera (anche se per Lei tutto questo può sembrare un’autentica castronaggine), il vero regalo è stato fatto a me. Mi è stato aperto questo scrigno accecante di perle e mi è stato permesso di bere a questo fiume che ristora l’anima fin nei suoi angoli più remoti e riarsi.

Naturalmente, anche se non con la Sua preparazione culturale e la Sua notevole erudizione, mi sono reso conto che tante cose non quadravano, che la logica (torniamo a questa stramaledetta categoria) non era la sua peculiarità principale, che c’erano un’infinità di contraddizioni e di incoerenze riguardo alle date, ai racconti, alle successioni cronologiche, alle scoperte archeologiche o alle scienze comparate. E chi se ne frega? O, meglio, non è questo che vado a cercare con ossessione nella Bibbia. Posso farlo più avanti, con libertà e senza il gusto sadico o sadomasochistico di aver fatto finalmente cadere l’impalcatura.

Mi sono accostato alla Bibbia cercando quello che la Bibbia poteva darmi e di cui avevo bisogno: un nutrimento sostanzioso dello spirito, un orientamento nella notte dell’esistenza personale e collettiva degli uomini, un barlume di quella luce inaccessibile che chiamiamo Dio. Mi sono accostato al Libro santo con l’avidità e la voracità del bambino che si attacca al seno della madre e ne succhia ingordamemente il latte fino a quando gli cola dalle labbra fin sul mento impataccandosi senza pudore. Passût e imbeverât. Certo che se quel marmocchio insolente e saccente, prima di accostarsi alle floride mammelle della sua nutrice, avesse preteso tutti gli esami batteriologici e chimici e profilattici del latte e della madre, per vedere se il latte era giusto, se conteneva tutte le sostanze necessarie e nella giusta dose, se lei era di sana e robusta costituzione e non c’era alcuna malattia incubante, beh! quel disgraziato sarebbe morto di fame. O comunque non avrebbe meritato un dono così vitale e gratuito.

Lei si accosta alla Bibbia per nutrirsi o per fare analisi? Vuol crescere in sapienza ed in umiltà ed in umanità o vuol semplicemente diventare un ottimo anatomista, anche se scettico? Quando ha scoperto che l’uomo habilis non combina con la storiella di Adamo e che l’esercito imponente del faraone non poteva essere sconfitto da una banda impotente di schiavi fuggiaschi, che beneficio spirituale ne ha tratto? Personalmente invece mi consolo e mi commuovo pensando che la nostra polvere è divina e che Dio si batte sempre per il debole contro il prepotente e per la libertà contro ogni forma di tirannide. Come mi commuove il fatto che Dio sceglie sempre le persone peggiori e più sballate perchè non ci si possa ingannare sul vero artefice della storia della salvezza. Una storia piena di contraddizioni e di ricadute e quindi ancora più affascinante ed imprevedibile, come affascinante, imprevedibile e misterioso è Dio. Un Dio potente e debole, un Dio che potrebbe ridurci in briciole e che si lascia inchiodare, perchè non ci venga la tentazione di usarlo ma solo di accettarlo com’è e di voler diventare come lui, accettando che la strada della vita passi per la morte e che la vittoria conosca prima l’amarezza e la notte della sconfitta.

Trovo poi inspiegabile che un uomo tremendamente lucido come Lei, che mi scarta i Vangeli, a conclusione di questa sua immane e dolorosa fatica di ricerca della verità, opti per le apparizioni di Lourdes, Fatima e addirittura Medjugorie, sulla cui banalità più che sulla autenticità mi risparmio ogni commento e facile ironia.

Sul capitolo relativo alla prigionia non mi permetto alcuna chiosa. Si tratta di un’esperienza troppo personale e sofferta. Così come non ribatto sulle Sue affermazioni relative al comunismo ed alla dottrina marxista-leninista ed alle Sue posizioni dichiaratamente destrorse. Personalmente appartengo ad un’altra parrocchia e non mi lascio incantare da nessun miraggio di grandezza nazionale o di ordine, soprattutto quando questa grandezza passa sull’umiliazione delle persone e l’ordine è soltanto un disordine camuffato. Sono un sentimentale, un romantico, un ingenuo e mi batto sempre per le galline, mai per le aquile, siano esse bicipiti o tricipiti. Ritengo che comunismo e nazismo e fascismo appartengano alla stessa pianta malefica e che siano ugualmente diabolici. Per cui non capisco come il papa abbia potuto stringere la zampa di Mussolini e di Hitler e scomunicare i fanatici del Baffuto. Questo sì che è un mistero!

Non Le nascondo che la parte più gustosa, più provocante, più evangelicamente scandalosa sia quella relativa alla corrispondenza con la curia e segnatamente con il vescovo Cocolin. Sono pagine drammatiche, incoscienti, splendide, coraggiose ed oltraggiose, che si divorano con avidità. Anch’io mi sono trovato in conflitto con i miei gerarchi e qualche volta ho calcato la penna, pentendomi un istante dopo. Non per quello che avevo detto, che ritenevo vero, ma per le conseguenze cui andavo incontro e che mi trovavano impreparato. Perchè io sono fondamentalmente un timido e, se il vescovo lo avesse intuito, mi avrebbe stritolato senza alcuna fatica. Lei invece è forte come una roccia e sembra che le avversità, lungi dal fiaccarLo, Le facciano profitto. La Sua invidiabile lucidità intellettuale e prestanza fisica, ad un’età ben oltre i confini biblici, ne è una conferma evidente.

Detto questo e reso omaggio al Suo ardimento, per me e per la maggior parte dei mortali irraggiungibile, mi permetto di sussurrare che, sotto sotto, un po’ della mia simpatia va anche all’incolto ed ingordo Cocolin, che non ha mai brillato per la sua intelligenza e che ha speso i suoi onesti risparmi pe comprare bottiglie d’annata, scartando decisamente la produzione letteraria a favore di quella vinicola. Dico questo non solo perchè il buon don Rino è stato a trovarmi, con il suo segretario Baldas, nel mio eremo ed esilio carnico, ma perchè, con il suo “cuore ottimo, stomaco di struzzo e palato finissimo”, ha regalato qualche ora di allegria ai suoi commensali che non avevano grandi ambizioni intelellettuali. C’è gente che non ti aiuta molto, ma che ti fa star bene in compagnia. C’è gente che ti aiuta e ti stimola, ma la cui frequentazione è faticosa perchè troppo perfetta e conscia della propria ragionevolezza e rettitudine.

Credo che ci salvi la nostra umanità, non la nostra virtù. Di più, credo che nessuno si salvi ma che tutti siamo salvati da Colui che è l’unico giusto. Che cos’è la nostra giustizia e la nostra ragione? Nessuno è tanto santo da meritare il premio e nessuno è tanto perverso da essere escluso dalla sua misericordia. Lui, che ha saputo rintracciare un coniglio come Giona nel ventre del pesce (altra balla!), saprà trovare anche Cocolin e gli altri suoi rappresentanti infingardi, machiavellici, pusillanimi, fedifraghi, bricconcelli eccetera. In questo mi sento totalmente aquilejese ed alessandrino, abbracciando con Origene la splendida verità o prospettiva della salvezza universale.

Don Corrado, sono giunto alla fine (ma potrei continuare) di questa mia chiacchierata piuttosto confusa e disordinata. Ho precisato che si tratta di impressioni, più che di ragionamenti. Ho l’impressione di una personalità fuori del comune e quindi condannata fin dal principio ad essere elemento di divisione ed oggetto di incomprensione. Lei stesso lo afferna in un passaggio del Suo libro. Credo nella Sua rettitudine e Le dò ragione in tutte le Sue ragioni ed obiezioni. Solo vorrei vederLa più in là o in alto. Meno virtuoso e più umano, comprensivo, conciliante. Non si arriva a 90 anni e con tante peripezie senza capire che tutto è mistero, tutto è relativo, tutto è grazia. La Sua dirittura morale e la coscienza chiara delle Sue qualità intellettuali e della Sua spiccata personalità probabilmente L’hanno trattenuta da quelle debolezze che normalmente infangano e rovinano le nostre prosaiche esistenze. Ma che me ne faccio di una virtù accigliata, di una verginità glaciale, di una santità museale o funeraria? Preferisco mille volte un peccatore simpatico ad un santo antipatico, se mai esiste santità senza gioia e serenità interiore.

La ringrazio per quello che ha scritto, anche se non condivido gran parte del contenuto e soprattutto del metodo. Ha avuto del coraggio, qualità sempre più peregrina. Le auguro un po’ di calore e, per tutti noi, il dono della fede. Non di arrivare a combinare i pezzi sconnessi che Dio ha seminato sulla sua e nostra strada, ma di accettare questa incongruenza ed illogicità. Non di risolvere l’enigma ma di fidarsi lo stesso, di allungare la mano anche a rischio che non ci sia nessuno che la stringa, di intraprendere una strada che forse non porta da nessuna parte. Ma ci permette di muoverci, di andare avanti, di scaldarci, di avvicinarci a Lui e tra di noi.

Di queste mie osservazioni, o farneticazioni, ingenue, imprudenti o forse offensive anche contro la mia volontà, faccia l’uso che ritiene più opportuno. Se Le servono le legga; se sono sbagliate le compatisca; se Le creano fastidio o sofferenza le distrugga. Il fatto che abbia vergato, sia pure in modo scombinato, cinque pagine, vuol dire che la Sua opera e persona non mi è indifferente.

Termino queste righe in questo Mercoledì delle Ceneri. Fra poco andrò in chiesa a ripetere ancora una volta l’invito accorato di Gioele a ritornare a Dio con tutto il cuore. Perchè tutti siamo fuori strada e tutti dobbiamo ritornare o rientrare. Ed i sacerdoti, i ministri di Dio, ancora una volta pregano per la loro comunità e per tutti gli uomini: “Parce, Domine, parce populo tuo”. E’ questo il nostro unico compito: gridare e piangere e chiedere perdono per la nostra povera gente e per la nostra povera Chiesa e per la nostra povera umanità. Voglio sperare che questo sole ormai rafforzato vinca le ultime resistenze dell’inverno e ci regali un po’ di calore ed un anticipo di gioia pasquale. Mandi.

5 marzo 2003

pre Antoni Beline

No rivi a capî il parcè che Romeo Patat, in art “Romeo da Conte”, al ven fint a Visepente, di un biât predi malât e cence nissune voe di fotis, a mostrâi un libri di sflocjis o barzaletis e ancjemò al pratint che lu presenti ai siei tancj fans sparniçâts par ducj i paîs e paisuts de Cjargne e ancje ator pal Friûl. Forsit lu à fat par tirâmi sù di cuarde e chest al è un pinsîr une vore uman e cristian. Parcè che, lu san ancje i miedis che no batin lis glesiis e lis canonichis, par frontâ in maniere positive il mâl fisic, nissune midisine plui adate de serenitât interiôr e di un sclip di fede. Tant a dî che, par stâ ben, no baste une pirule o un flebo. E covente ancje une buine ridade e magari une preiere. Cheste veretât cussì clare, che nissun no le veve capide fin cumò, e sta cjapant pît no dome in Americhe, là che a son simpri i prins in dut, comprendudis lis monadis, ma ancje chi di nô. Di fat, in tancj ospedâi, sore dut là che a tribulâ e je la part plui delicade e preziose de umanitât, la canae, a scomencin a fâ jentrâ ancje un cjanut e un clown cun tant di nâs ros, par fâ ridi chês animutis che no àn propit resons o voe di ridi. E la robe e funzione. Parcè il ridi al è liberant. O cirarai duncje di provâ par prin su la mê piel l’efiet terapeutic di Romeo e des sôs contis.
Ma il contestoriis di Dimponç al è vignût di me par un’altre reson. Parcè che al jere za stât la prime volte e al sa che, sul moment, i dîs la porche, parcè che no ai né timp né voe, ma dopo mi pintis e, come un macaco, i dîs di sì. Di fat o soi culì a ripeti la comedie di cualchi an indaûr, in ocasion de prime racolte di barzaletis intitolade “la realtât de Cjargne cjalade in clâf umoristiche”. Un libri che al à vût un acet fenomenâl. Mi contin che lu vevin metût a vendi dongje dai librons de Filologjiche, dute robe petenade e par studiâts, e la int e à sfulminât lis barzaletis e sbeleât i libris serios. No stait a pretindi che us disi se la int si è palesade svelte o stupide. Po stâi che, in chel moment, e vedi pensât che une biele ridade e vâl plui di un modon plen di nons e di datis. Paraltri ancje tal libri di Pinochio si lei che al à vendût il silabari, che so pari Sefut i veve comprât vendint la sô stiriane, par lâ a viodi il teatro dai pipinots. A contavin venti sù par Cjabie che, par vieri, un om al veve vendût il stali par comprâsi l’armoniche. I plaseve plui la musiche che no il fen, lis vacjis e il ledan. Al jere un artist e un romantic, ancje se la int lu cjapave par un poltron e un pucefadìe. Ma il ridi, la ligrie, la serenitât, un piç di matetât a coventin. Lu disevi ancje inte presentazion al prin mac di contis: “Il ridi, su di sé e sul prossim, al fâs ben a dut, tant al cuarp che a l’anime, e al covente come il pan. Un che nol rît mai al è trist o malât. E un che nol vai mai, al fâs vaî chei dongje. Il ridi al è tant naturâl (o starès par dî necessari) pal om che une des definizions di chest imprest imparentât cu la simie al è “animal ridens, “un nemâl ch’al rît”. Veramentri ancje un cjanat salvadi brut e soç lu clamin jena ridens ma, plui che ridi, la jene e sghignis. Jo o vevi un cjan ch’al rideve, ma a àn tacât a dîmi che nol jere just e alore i ai improibît di ridi denant de int, parcè che la int e je mate e invidiose e nol è ce fidâsi”.

Il ridi, come sfogo salutâr e come segnâl di armonie interiôr, di une persone che e vîf in maniere positive il rapuart cun se stesse, cui oms, cul mont e cun Diu, al è une gracie di domandâle ogni dì a la Madone e ai sants, ancje lôr animis contentis pal fat ch’a jerin inocentis e buinis. Vêso mai viodût un sant rabiôs? Puedial un rabiôs e un salvadi jessi considerât un sant? Cui laressial a impiâ une cjandele e a domandâi la gracie a un sant o une sante cuntune muse di disperât e une cuarnadure di fâ spavent? Par chel o dîs che, sore dut tai timps calamitôs e grivis di vuê, là che si à dut e no si è contents di nuie, une biele racolte di barzaletis e di contis gjoldibilis come chês di Romeo e je un regâl preziôs, une midisine spirtuâl, une gracie. Ancje pal fat che nus fasin ridi cence nissune tristerie e cence ofindi nissun, ch’e je la vere maniere di cjapâ l’ironie e la satire. Fâ ridi la int cence fâ vaî o inrabiâ l’interessât. E Romeo, bon come il bon pan, anime legre e libare, nol sarès bon di fâi mâl a une moscje e in plui, robe rare, prime di fâ ridi cu lis sôs storiis, cul so mût di contâ sclet e saurît, al fâs ridi cui siei vôi, spieli trasparint di un’anime in pâs. Lis ridadis che lui al fâs fâ ai siei scoltadôrs o letôrs a partissin prime di dut de simpatie e de pâs e de contentece che lui al trasmet di dute la sô persone. Une persone biele, splendide, benedete.

Nol è il câs, culì, di passâ lis contis une par une. Jo o ai dome di presentâ il libri, no di jentrâ tal merit des sengulis pagjinis e storiis. Se no al sarès come meti su la taule un biel gei di mêi o di lops dopo di vêur dade une roseade. Al è just e biel che ognun al cerci, al supi, al gjoldi chest ben di Diu tirât fûr de vite di ogni dì. Come chê altre volte, i protagoniscj des nestris storiis, gjavant i triestins e i garbenîrs, a son int ch’e vîf e e opere sù pes monts, tes borgadis e tai paîs de nestre biele e cjare Cjargne. No ai capît se chest al è un compliment o une ofese, un at di stime o un at di disistime. Romeo tirial fûr i siei personagjos dai paîs parcè che a son ancjemò indaûr rispiet a la creme o mafie tumiecine o parcè che dome lassù al è restât alc di gjenuin? I oms e lis feminis des valadis dal But, dal Cjarsò, dal Dean e dal cjanâl Petec sono int fûr dal mont, restade fûr de storie e condanade a une emargjinazion simpri plui marcade e e penalizant o ben sono i unics ch’a an ancjemò un mont, un stîl di vite, une caraterizazion, une personalitât, une identitât, une muse? Sono indaûr lôr o sino fûr nô? Sono di compatî o di invidiâ? Sono i plui stupits o i plui furbos? Domandis che al è just fâlis, par vê un orientament e un pont di riferiment, une unitât di misure dal om e de civiltât.

Dant une cjalade a cheste biele racolte di situazions tragjicomichis, mi soi inacuart che Romeo al privilegje, fra lis tantis, dôs categoriis di personis: i cjocs e chei che a fasin (o a subissin) i cuars. Grant part des barzaletis, lis plui bielis e spassichis, a son propit chês dai cjocs e dai putanîrs, dôs categoriis di personis simpatichis par chei altris ma no par chei che ju provin e a scuegnin fâ i conts cun lôr. Int che ti fâs spreçâ la panze a fuarce di ridi cuant che a son in cjase di chei altris, ma che ti fasin sclopâ di gnervôs e di displasê se tu ju âs in cjase tô. Di fat lis dôs plui grandis disgraciis che a podevin capitâ tune famee a jerin un om cjoc, che al mangjave ducj i siei sudôrs e ancje il pan de femine e dai fruts par bevi, e un sarcandul che al ruvinave la sô famee e chês altris par sbrocâ lis sôs golis e lis sôs purcitariis. Dôs tragjediis che no si savarès cuâl ch’e je la piês. Forsit la prime, parcè che, a une certe etât, i imprescj no ti funzionin plui, cu la cuâl che la sêt no cale ma e cres. E je la storie dolorose di chei doi oms sfurtunâts ch’a vevin cjoltis dôs feminis pôc di sest. Une e faseve la sdrondine e chê altre e scolave. Intivâts dopo agns e domandât cemût ch’a levin lis robis, i rispuint il prin: “Cjale mo, copari. Graciant Idiu, cu l’etât e à smetût”. “E la mê – i rispuint chel altri – e bêf plui di simpri”.
A son doi argoments une vore delicâts, ch’a àn segnât e fat tribulâ tantis fameis de nestre Cjargne e dal Friûl. Forsit al sarès il câs di domandâsi il parcè che un om o une femine si ruvinin in chê maniere, pierdint la salût e l’onôr. Cence volê fâ il miedi o il psicanalist, o crôt che pierdintsi tal bevi o lant a pelandonâ e a scraç, une persone e cîr, par stradis sbaliadis, di risolvi un probleme vêr: la mancjance di afiet e di comprension. Se tante int butade malamentri e ves cjatât plui afiet, forsit e sarès vuaride o no si sarès pierdude cussì a la svelte e cussì in profonditât. La barzalete e je il spieli de vite, parcè che e je rigjavade de vite. E si fasarès ben, dopo di vê ridût, a fermâsi un lamp a rifleti cun serietât e cun onestât sun chestis disgraciis.
Jo o ai vût mût di cognossi, tai miei agns di Cjargne, tant chei che si ruvinavin e a ruvinavin la famee cul bevi che chei che si ruvinavin e a ruvinavin la famee lant a passon là che no varessin vût di lâ. E no mancjavin i câs ridicui. Come chel che, sintint a rivâ l’om, al jere scjampât pal barcon cuntun pâr di bregons cjapâts sù di corse e a scûr, crodint che a fossin i siei e invezit al è rivât te ostarie cuntun pâr di bregons di garbenîr, cun tant di strissule rosse. Lu àn clamât par dute la vite “il maressial”. O come chel che al leve a passonâ tune cjase crodint che di fâle francje, ma l’om tradît, ch’al saveve dut e al faseve il barbîr, cuant che si è presentât il … cugnât, cence dî né eri né beri, cu la machignete lu à rocât a forme di crôs, come i mus.
Ma il câs plui curiôs lu à contât il gno predecessôr pre Bastian, in glesie, intant ch’al spietave che si des dongje la int pe messe grande. Al jere za parât. Al jere li, tai prins bancs, un trop di femenutis devotis e peteçonis e lui ur domande: “Vêso savût di chel câs di Pordenon, di chê femene che i faseve i cuars al om?”. “Po no che no vin sintût. Ce esal sucedût po, siôr plevan?”. Alore pre Bastian al conte di une femine zovine e murbinose che e tradive l’om e lu faseve dispes, parcè che lui al jere simpri vie cul camion. Une brute dì, l’om al ven fermât dai pulizais parcè che nol à la patente. Al torne di corse a cjase par procurâsi i documents e no ti cjatial la femine in vore cuntun sarcandul? Il bec al scjampe come il fum, ma la femine e reste come paralizade, che no s’e spietave. L’om, cul gnervôs che lu ardeve e cu l’umiliazion che lu consumave, cence stâ a cincuantâ, al cjape sù une tace, le jemple di diserbant e i e fâs bevi a la femine. ”Joi, puare! – a suspirin lis devotis. – Ese muarte?”. “Po no no! – al dîs pre Bastian. – I è dome colât dut il pêl. E cumò tachìn la messe, che o sin in ritart”.
Riguart ai cjocs, mi visi che e jere muarte une sante viele e la int e jere in vegle pal rosari. Sul tart, Viers miegegnot, cuant che si faseve la polente e si dave fûr il salamp e il formadi, al jentre un cjoc, par compagnâ ancje lui la preiere. I parincj de muarte, par creance, i esibissin un tai di vin. Lui lu alce cun solenitât e, cjalant atôr pe stanzie plene di int, al dîs: “Auguri e vuê un an!”.
Un altri câs al è capitât te ostarie dal Relio, a Val. Al jere un timp crût e doi cjochelis a vevin passade la zornade poiâts tal banc a scolâ. Intant al veve tacât a neveâ ma lôr no si jerin scomponûts. Sore sere, il Relio, stuf, ju mandà fûr par podê sierâ e stâ in pâs. Par disdete, si jere ingrumade tante di chê nêf che si stentave a lâ indenant e cussì i doi cjochelis, fats i prins pas, si inçopedarin tal grum di nêf e a colarin a bas. E li si indurmidirin di capot. Dopo une biele dade, un si svee e al cjate, distirât in bande di sé, chel altri. “Copari! – i dîs stiçât – Mi pâr che tu ti cjapis masse confidencis cun me. Cui ti aial dât il permes di vignî a durmî intal gno jet?”.

L’auguri che i fâs di cûr a Romeo al è di podê contuinuâ a fânus il regâl de sô ligrie inocente e contagjose. La Cjargne e à dibisugne, vuê plui di simpri, di tornâ a cjapâ chê grinte, chê vivarositât, chê fuarce interiôr che i à permetût di frontâ in maniere positive sfidis tremendis. Cumò e sta passant un moment grivi parcè che la int e cale e, cul sierâsi des glesiis, des scuelis e des cjasis, ancje la int si siere simpri di plui. Bisugne tornâ a ridi, a reagjî, a ripiâ il gust di vivi e di scombati. O vin ridût cui pedôi, cu la miserie, cu lis disgraciis incrosadis, parcè che no vino di ridi cumò? Al è un sfogo liberant. E je une midisine psicologjiche straordenarie. Jo o ai vivût in Cjargne i agns plui stimolants de mê vite e lassù o sint che a son e a restin lis mês lidrîs. O vuei che la Cjargne e resti vive e fuarte, ciniche e ironiche, furbe e maliciose. Che e conservi come un patrimoni straordenari e unic la tante sapience, la tante passience, la tante fuarce, la tante santitât ingrumade tai secui. Che e puedi continuâ a sperâ, a lotâ, a cjantâ. A ridi. Par no fâsi ridi.

Visepente, ai 11 di fevrâr dai 2006, tal gno 65 an di scombatiment.

pre Antoni Beline

Mi è stât domandât di butâ jù cuatri riis di presentazion a un libri ch’al trate di religjon popolâr e, in particolâr, dal mût di preâ dai nestris vons e paris, dismetût cu la modernizazion e secolarizazion che e à cjapât pît tal nestri mont ocidentâl e duncje ancje culì di nô. Di fat chestis preieris, ch’a àn nudride l’anime furlane par secui e fra mil traviersiis e conseguencis, vuê no fasin plui part dal nestri vivi cotidian, de robe di ûs e consum che o tignìn simpri a puartade di man. A son un alc ch’al parten al passât, come une relicuie, une memorie, o ancje une realtât muarte e soterade.

Denant di une robe muarte e soterade, come di gran part de nestre tradizion peade a un timp e soredut a un model di vite ben determinât, chel contadin, si po fâ une dople sielte. La prime, che le fasin la pluritât di lôr, comprendûts o tacant di tancj inteletuâi pôc inteletuâi, e je chê sugjeride dal vanzeli, ancje se intun altri contest: “Lasse che i muarts a soterin i lôr muarts” (Lc 9, 60). Tant a dî: “No sta vignî fûr cun pantianis che no àn plui nissun rapuart cu la nestre vite di vuê. postmoderne, tecnologjizade, mondializade”. Chescj sioruts a dismentein une robe di fonde: che la vite e je novitât ma te continuitât. Che si à di cirî, preseâ, doprâ la novitât ma cence fâ sparî dal dut la tradizion. Doprant un paragon vonde comprensibil, chel dal arbul, lis fueis e lis rosis e lis pomis a son ogni an simpri gnovis, ma il tronc e soredut la lidrîs e je simpri chê. Se nô, cun grande superficialitât e stupiditât, o taìn lis lidrîs e o seìn il tronc, o podin ben spietâ fueis e rosis e pomis!

Alore, lis personis cussientis, inteligjentis e sensibilis a fasin un’altre operazion, plui fadiose ma ancje plui meretorie. A fasin come ch’e faseve mê none tai dîs di ploe, cuant che e leve sul cjast a fâ la cernite des robis di salvâ e chês di scartâ. “Parcè che – e diseve te sô savietât – se o ten dut, il cjast si jemple e se o buti vie dut, al reste vueit”. Tradusût in tiermins culturâi: se nô o butìn vie dut il patrimoni dai nestris viei no vin continuitât, tradizion, memorie, vite. Se nô o scartìn dut il gnûf par tignî dome il vecjo, no vin progrès né novitât, ma dome inmobilitât.

Cheste vore di ricercje curiose, afetuose e passionade des preieris e dal mont religjôs dai nestris viei e je claramentri sun cheste seconde lungjece culturâl: chê di recuperâ il miôr, la flôr de nestre tradizion religjose e devozionâl par salvâ un patrimoni splendit di autentiche culture e ispirazion e ufrîlu a lis gnovis gjenerazions par che a vedin almancul la curiositât di leilu e di gjoldilul, se no varan il sintiment e la gracie di doprâlu par sostentament de lôr anime.

Parcè sono vignûts di me, puar predi di campagne, a domandâmi un coment? Parcè che si trate di religjon e duncje di ”robe di predis” o parcè che o ai passion pe culture furlane? Mi plâs pensâ che lu vedin fat par ducj i doi i mutîfs. Parcè che il predi, ogni predi, al reste l’om de preiere, de orazion e de contemplazion, l’om dal misteri e de comunicazion cun Diu e di Diu cun nô. No il paron de religjon e dal misteri, ma il servidôr de religjon e dal misteri. Chel che al dediche la sô vite, il so timp, la sô inteligience, la sô anime al mont straordenari dal trassendent, a la ricercje di un sens al di là dai sens, di une reson ancje cuant che la reson e falìs, di une rispueste alte e altre ancje cuant che lis rispuestis umanis si palesin inadeguadis. Se dutis lis personis che si dedichin al prossim in cualunche cjamp a àn une funzion impuartante e benefiche, o vuei sperâ che ancje il predi al sedi considerât in cheste categorie, parcè che al dediche cuarp e anime a fâi rivâ al mont, e al om, chel “suplement di anime” che il mont al à dibisubgne e al va cirint, magari par trois ingredeâts e sbalâts.

Al è stât dit, cun tant velen e cuntune ponte di veretât, che la religjon e je “l’oppio”, la durmiole, l’incuniment e l’inçussiment dai popui. Po stâi che une certe forme di religion, no di sigûr la miôr e la plui gjenuine, e vedi tignût l’om in sclavitût e in perpetue sotanance cul ricat dal pecjât e cu lis farneticazions sessuofobichis. Ma no je dome la religion che e ten sclâfs i popui. Che di fat, là che a sin rivadis lis teoriis ateis e materialistichis che a vevin di liberâ l’om di ogni cjadene e fâlu gjoldi il paradîs in chest mont, li e je capitade la plui grande opression e il plui orent disicjant. Magari se a fossin dome i predis e i fraris a doprâ e a imbroiâ la int, ancje se e je simpri une carognade!

Ma, lu dîs cun convinzion e provis, la religjon e à zovât plui di ce che si crôt e si vûl ameti. Ancje se tantis voltis e jere dome consolatorie, e à permetût di passâ par tribulazions cence numar e crôs di ogni dimension. Se no vessin vude la religjion, e la preiere, cemût varessino podût lis nestris nonis frontâ covadis di mularie, debits incrosâts, oms che si pierdevin tal vin o pal mont, malatiis, carestiis, pestilencis? Cemût podevial il popul furlan frontâ lis sfidis tremendis de sô storie, fatis di migrazion, taramots, invasions, profugancis, sotanancis, umiliazions, provis fisichis e morâls? Se, te lôr puaretât, a àn fat sù dutis chês glesiis e gleseutis e statuis, al vûl dî che a vevin capît la lôr impuartance. No jerin cussì stupits di butâ vie bêçs, che non vevin.

Ma cheste ricercje puntiliose e à ancje un valôr culturâl. No nus presente dome un spieli de nestre anime, ma ancje un riflès de nestre muse. S’al è vêr che ogni popul al à un so mût di resonâ e di vivi, te grande solidarietât e universalitât de famee umane, al è ancje vêr che ogni popul al pant une sô peculiaritât, che e devente unicitât e duncje raritât. Se i furlans a àn un puest peculiâr tal mont, a varan ancje un mût peculiâr, dut lôr, di rapuartâsi cun Diu e cui siei misteris. No dîs che Diu al è furlan. O dîs che i furlans a prein il Diu di ducj cuntune lôr sensibilitât specifiche. La preiere furlane no je come la preiere taliane o todescje, parcè che la lôr esperience di vite e je diferente, ancje se si trate simpri di preiere. O vin ripiade, par furtune, la sensibilitât pal nestri patrimoni culturâl. Ancje in gracie de disgracie dal taramot, il Friûl al à riscuviertis lis sôs lidrîs, i siei percors, i siei tesaurs, cuntun lavôr pazient e inteligjent di ricostruzion de nestre identitât. Lu provin lis publicazions, tantis e bielis, di storie, di leteradure, di art. Ma, usance il vanzeli, “l’om nol vivarà dome di pan, ma di ogni peraule ch’e ven fûr de bocje di Diu” (Mt 4, 4). Ve, alore, che dongje de ricostruzion matereâl, la int e à capît che e covente une ricostruzion spirtuâl, par podê puartâ indenant, tal timp, no dome il “cuarp” dal nestri Friûl, ma ancje “l’anime”. E, cuant che o feveli di “anime”, no mi riferis tant o dome a la part religjose, ma ancje e prin di dut a la part culturâl. E la religjon e je culture. E la religjon popolâr e je culture popolâr, spieli de nestre anime. Come che no podin inmagjinâ un Friûl cence lis sôs glesiis e mainis e anconis e pituris devozionâls in ogni contrade, cussì no podin inmagjinâ une culture furlane cence la component religjose, che e cjape dentri in primis lis preieris e lis pratichis di pietât e lis tradizions religjosis ch’a àn sostentade l’anime furlane dilunc i secui e, o soi sigûr, a varan di sostentâ ancje l’anime dal Friûl di doman. Ancje, anzit magari, cun formis gnovis, creadis des gnovis gjenerazions pes gnovis preocupazions e problematichis. Come tun cuarp vivent che si rigjenere restant simpri chel. E cuant che nol rive plui a rigjenerâsi, al è segnâl evident e avilient di un declin inesorabil e di une muart no lontane.

Fevelant di culture, o sosten che no esist une culture minôr e une maiôr, une cul sanc blu e une cul sanganel di purcit. O e je culture o no je culture. La culture e je simpri grande e mai ordenarie, come che une rose e je simpri rose, al di là o al di ca di trop ch’e je alte o largje. Cui si sintaressial di sustignî, cun serietât e serenitât, che une viole e je mancul rose di une dalie o di une orchidee? Anzit, cuant che tu viodis une violute dute imbramide di frêt, tu sâs che e je vere, cu la cuâl che, intivanti tun mac sproposetât di rosis, al po vignîti il scrupul che no sedin veris, come chei braçs di rosis di plastiche o, miei, chei grums di plastiche che si viodilis, magari cussì no, ancje tai simitieris, tal lûc de veretât e de serietât.

Chestis preieris, dadis dongje de fede sclete e sauride de nestre int a son violutis, margaritutis, pestelacs, rosis di prât o di rivâl, che a permetevin di rompi la monononie e la fadie dal lôr vivi. E jere la lôr forme primarie di puisie, la lôr vision poetiche de vite, tant plui meretorie tratantsi si une vite tribulade. E o soi sigûr che il Signôr, la Madone e i sants, a àn cjalât cun voli di agrât plui chês preierutis li che no tancj tratâts teologjics plui precîs e rigorôs, ma frêts come il nâs dal cjan.

Dant un scandai al contignût di cheste publicazion, si viôt l’impuartance particolâr che la nestre int e à riservât tai secui a certs lûcs là che e sintive plui fuarte e sigure la presince di Diu e dai siei sants e garantide la sô disponilitât a scoltâ il berli de sô anime e a dâ chel confuart, chê rispueste, chê gracie che jê e domandave. Mi riferis ai santuaris, che ogni religjon e cognos e e venere. La storie dai santuaris e varie di un al altri e, par solit, la fantasie popolâr e je plui fuarte de precision storiche. Ma, cuant che si trate di fede, la storie e passe in secont o ultim plan. No si crôt parcè che si è sigûrs di un fat, ma parcè che si è sigûrs che Diu nus scolte e nus jude al di là de storicitât dal fat. La fede no si poe sui claps o sui documents o sui monuments, ma su la gratuitât de paternitât di Diu.

Inte bibie, si fevele dal santuari di Betel, là che Jacop al à viodude la scjale de tiere fint in cîl cui agnui che a levin sù e jù. Cjapât dal spavent pe rivelazion e de comozion par tante gracie, il patriarcje al dîs: “Ce trement ch’al è chest santuari! Cheste e je propit la cjase di Diu e la puarte dal cîl!” (Gjen 28, 17). I furlans a àn simpri crodût, cence ombre di dubit, che Diu e la Madone e i sants a vessin metude la lôr cjase sui çucs plui biei de nestre tiere, a protezion e benedizion dal nestri teritori e de nestre int. Ma ancje tai lûcs plui poetics, ad ôr da l’aghe o dai boscs, framieç dai cjamps. Si po fevelâ di une gjografie religjose dai furlans, là che a levin in avôt in ocasion di une ricorence o perdon dal sant o di une emergjence plui marcade. La vite de nestre int e jere ce che di plui prosaic si po pensâ e cjatâ. Lis unichis evasions e escursions, bramadis e ricuardadis, a jerin i pelegrinagjos, a piduline o cui cjars, di bessôi o in cumitive, segnâts sul lunari o sul cûr dal pelegrin stes.

Se lis cjasis, lis cjamaris, lis stalis dai nestris viei a jerin fodradis di Signôrs, Madonis e sants, lis scjasis di vuê, soredut lis cjamaris de zoventût, a a àn picjâts sui mûrs, in grant, altris sants e santis e signôr e madonis. Mi riferìs a ducj i posters di atôrs, cjantants, coridôrs, stars di grandece plui o mancul gjenuine e mertade. Cuntune diference. No sai se a judin plui o mancul dai sants di une volte. O sai però che a durin di mancul, parcè che la religjon di vuê e fâs e e disfe i siei idui tal gîr di une stagjon. Nissun di lôr, nancje il plui gjetonât e idolatrât nol durarà come sant Antoni dal purcit o san Roc. E cussì e je gambiade ancje la gjeografie. I gnûfs santuaris a son lis Maldivis, lis Seichelles, l’Egjit… No ai rabie se i miei nevôts a puedin permetisi un viaç plui lunc e plui gjoldibil di chel di Madone di Mont o di Gracie. O dîs però che, seont la teorie dai cors e dai ricors e seont l’esperience cotidiane, e restarà simpri intate, se no reonzude, la fadie dal vivi e sore dut la dibisugne di cjatâ un pont di riferiment e di sostentament pai dîs di ploe e di burlaç, cuant che i protagoniscj di Beautiful no judin cui sa ce. O soi convint, o soi sigûr che la int e tornarà ai siei santuaris. Parcè che nissun nol po eliminâ dal dut e par simpri la sêt e la fan di trassendent che l’om al à dentri di sé.

Ma, passant il libri sfuei par sfuei, si inacuargisi di un’altre consolant realtât. Che la pluritât des preieris, peadis a la vite o ai moments plui fuarts dal an liturgjic, a àn come suage no la glesie, che no intint molâ il so latin nobil e incomprensibil e la privative dal cult des mans ai predis, ma la famee, la cjase. Il concili Vatican II, finît juste corant’agns indaûr, al à dedicadis bielis riflessions a la famee, clamantle “glesie domestiche” e disint che “l’avignî dal mont al è sui genôi dal pari e de mari”. Tant a dî, prime de glesie di clap di e di struture, prime de liturgjie cui siei misteris, prime di dut l’armamentari cultuâl e culturâl de religjon, e je la cjase, là che si vîf, si scombat, si tribule, si gjolt, si nas e si mûr. Une religjon no peade al templi, ma a la vite cui siei misteris gaudiôs e dolorôs. Chest lu vevin capît i nestris viei cul lôr tant preâ in ogni ocasion e in ogni ore dal dì e de gnot, cul jemplâ la cjase e la stale di Signôrs, di Madonis e di sants, a partî di sant Antoni dal purcit e, par no movi gjelosiis, ancje di chel di Padue o di Glemone, cul gî in man. No scomençavin mai une zornade cence invocâ il jutori di Diu e no le finivin cence il ringraciament e la domande di une buine polse e di une muart serene e cristiane. No simpri e no ducj a vevin ce meti sot dai dincj, ma simpri e ducj a vevin il timp e la passion e la passience di dî une part di rosari, magari zontant lis cent recuiis. Cetant ch’a àn preât i nestri viei! Si sa che il fum, e plui ancjemò il cjalìn, al jentre tai mûrs e s

i stente a parâlu fûr. O crôt che ancje i mûrs des nestris cjasis a sedin imbombâts, fodrâts di rosaris. O crôt che, se o vessin buine orele e un’anime racolte, o rivaressin a sintî ancjemò il revoc des Avesmariis e des letaniis des nestris nonis. Cjasis di preiere, par frontâ lis sfidis de vite. E a rivavin!

Une dì, fevelant fra predis, un predi anzian al à dit, rugnant: “Cetant che si preave in timp di vuere e cuant che si veve miserie!”. I vin rispuindût sustâts: “Varessino di tornâ a vê i bregons imblecâts o i todescs e i partigjans par tornâ a preâ?”. No vuei, par dut l’aur di chest mont, bramâ ch’a tornin chei agns di miserie e di fastidis. Cumò si sta cetant miôr, ancje se si lamentìn intune. Però… se si tornas a preâ un freghenin di plui, se si tornas a stiçâ tes nestris fameis chel fugorut di religjon e di fede che nus sclipive e nus inluminave, se si podès vê un piç di timôr di Diu in plui! No par tornâ indaûr, ma par lâ indenant. E indenant ben.

Cuant che o soi partît dai miei prins amôr di predi, Val e Rualp e Treli, in Cjargne, mi soi permetût di mandâur un scrit. Fra lis altris, ur racomandavi: “No stait a dismenteâsi de strade de glesie. No stait a lassâ lâ in cjasai la glesie. Né chê glesie ch’o vin sul plaçâl di san Martin e biel jentrant di Treli né chês gleseutis ch’a son lis vuestris fameis. Cirît che ogni pari e ogni mari a sedin il predi de lôr famee e il mestri e l’amì dai lôr fruts. E cuant che al va sù, sore sere, il fum dal spolert, ch’al vadi sù, di ogni cjase, ancje il fûc dal sacrifici, dal afiet e de preiere. Come Abel. Che si sinti tes fameis la presince di Diu. No dome chê de television e dal gjrediscos. Alore o frontarês serens ben e mâl, ploe e bontimp, furtune e disgraciis. Parcè che al sarà Diu il cjantonâl de cjase e dal paîs” (Sul at di voltâ pagjine…, p. 173).

No mi reste che ringraciâ Anita Salvador pe passion e passience doprade fin cumò e augurâi al nestri Friûl che nol mancji mai, in nissune cjase e in nissune anime, chel respîr benedet e tonificant che si clame preiere. Par respirâ a plens palmons e vivi in plenece e in bielece. Nus al fâs capî, tal so lengaç simbolic e mistereôs, ancje il seont dai trê regâi che i sapients i àn fat al frut di Betlem: l’incens.

Visepente, ai 6 di genâr dal 2006 – Pasche Tafanìe

pre Antoni Beline

A son moments tant grancj, inte vite, che la sapience, la prudence, la nestre stesse limitatece nus puartarès, nus oblearès a tasê, par no doprâ peraulis inutilis o inadeguadis e che in ogni câs no nus judin cui sa ce a fâ lûs dentri di nô. La muart, soredut la muart di une persone cjare, zovine e buine, e je un di chescj. Ma denant di tant dolôr al sarès un delit se no cirissin di cjatâ almancul une lusute che nus impedissi di colâ tal scûr plui font e angossiant e un troi par lâ indenant. E nô, come cristians che a cjapin il non e la fuarce e l’autorevolece di Chel che prime di nô al à patît, o lin a cirî propit in chei libris sants, tai libris di Diu, ce che lui si è indegnât di rivelânus, di mostrânus, di fânus cognossi a nestri amaestrament e a nestri confuart.

O vin sielzût, par dâi il cumiât a la nestre sûr Rosalbe, lis leturis de liturgjie de gnot di Nadâl e de prime zornade dal an, di chel an che jê lu à scomençât e a pene cerçât. La sielte dal Nadâl no je casuâl. Par plui resons. Prin di dut parcè che il Nadâl nus riclame une presince, une solidarietât, un afiet profont e totâl di Diu che si fâs cjar come nô e par nô. Cjar umane, cjar fragile, cjar dolorant. Cheste solidarietât di Diu cul om nus fâs capî che no sin di bessôi, ma in buine companie. Che no sin cjastiâts par colpis che no vin, ma che o sin clamâts a la mistereose vocazion al dolôr come strade pe consolazion e pe vite. Il frut che o vin contemplât in chest Nadâl al è il stes che, cressût, al vignarà inclaudât sul len de crôs. Parcè che, te dì che ognun di nô al vierç i vôi su la tiere, e ven segnade ancje l’ore de nestre muart. Muart e vite, te concezioni cristiane, si incuintrin e si incrosin. Crist al nas e al mûr par che nô o podìn vê la vite. E ancje la nestre muart, in lui, e devente strade pe vite. Par chel la glesie e costume clamâ Nadâl no la dì che o vignin al mont, ma la dì che o bandonìn il mont, la dì de nestre muart. E Rosalbe e fâs il so prin, vêr, grant Nadâl.

La peraule di Isaie e je consolant come dutis chês dal grant profete de sperance. “Il popul ch’al leve indenant tal scûr al à viodude une grande lûs; sun chei ch’a jerin a stâ tune tiere scure e à lusît une lûs” (Is 9, 1). Cui esal chest popul ch’al va indenant tal scûr? E je l’umanitât interie, clamade o condanade a lâ indenant te insigurece, te mancjance di ponts di riferiment, fra mil dubits, tentazions e ilusions, soredut cuant che si scuintre cu la fadie, il pês, l’assurditât dal vivi. In chest moment o sin ducj nô, clamâts a vivi un moment delicât cun cheste famee grande e sventurade. Ma a son soredut chei che a sintin su la piel il dolôr che la malatie di Rosalbe e à provocât e che la sô muart e à lassât. Tal scûr al è prin di dut Gianni, che al à dividût cu la femine dai siei siums e de sô vite, come ogni om di peraule e di cûr, la ligrie e il dolôr. Pocjis voltis al è capitât di intivâsi tun mâl trement che al colpìs l’om e la femine, là che al femine e cîr di platâ il so mâl par no fâ tribulâ l’om, e l’om al cîr di minimizâ i siei disturbs par no impensierî la femine. Ducj i doi malâts, ducj i doi provâts e ducj i doi rissolûts a pensâ prime al altri e dome dopo a se stes, tun amôr veramentri eroic, fat plui di peraulis tasudis che ditis, di lagrimis glotudis che di sbrocs liberants. E vuê nol è chi cun jê e cun nô, a saludâle e a augurâi un bon viaç.

Ma grant scûr al è tal cûr e tal cjâf dai fîs, Carlo e Carla, che a scugnaran domandâsi ce che a puedin vê fat di mâl, lôr o i lôr gjenitôrs, par mertâsi un distin dal gjenar. Che, par tante fede ch’a vedin, a scuegnin domandâsi ce sorte di pari ch’al è un Signôr che al mande, al permet tante tribulazion. Nô, che o sin puars e triscj, no fasaressin mai patî in cheste maniere un dai nestris fîs. E lui? A di chescj doi brâfs fruts o volarès augurâur di no fâsi masse domandis, soredut chês domandis che a son plui grandis di nô e che no varan mai une rispueste. Diu al è pari, ma pari a mût so e no a mût nestri. Se no al sarès un pari vonde puar e piçul. Disìn che al è un pari che ogni tant nus dà la man e nus mene là che nô no savin e forsit no volin, Ma lui al sa e nô o fasìn ben a slungjâ la man e a lâ cun lui come cuant che, di fruts, o sin lâts tantis voltis cul papà e cu la mame, contents ancje se nus menavin dal miedi o tal ospedâl. E je simpri chê man, al è simpri chel cûr. Il fat di no capî nol vûl dî no fidâsi, ma dome che o sin masse piçui denant dal misteri. O vuei sperâ che no pierdaran la fiducie e la sperance e che a savaran fevelâur ai lôr fruts, Mattia e Annalisa, de none tant buine che no je plui cun lôr cul so cuarp, ma che no ju bandone.

Ma il scûr nol è mancul profont inte famee di Vilecjasse, che le à viodude a nassi come albe colôr rose, a cressi come frute biele, serene e timorade e che i à furnît chê arcje di cualitâts umanis, spirtuâls e religjosis che e veve di puartâ te sô cjase di adozion a Rivote. E no sveli nessun segret se o dîs che in chest moment il scûr nol plui profont, il dolôr plui lancinant al è tal cûr di Nile, la mari. La bibie nus conte de passion dal patriarcje Abram e lu puarte come esempi di fedeltât a Diu parcè che al jere disponût a ufrîi al autôr e paron de vite so fî Isac. Poben cheste femine no une, ma dôs voltis e je stade clamade a fâ la stesse robe e o pues testemoneâ che no je mancul grande la sô fede e la sô disponibilitât al volê mistereôs e cualchi volte dûr di Diu.

Preìn che chest scûr al sedi inluminât de lûs che nus ven de fede e che la presince su la tiere dal Diu fat om cun dolôr e par amôr e trasformni il nestri dolôr in amorose consolazion. Nol è che la fede nus sclarissi dut. Però nus fâs lûs tal scûr; nus jude a viodi alc là che la reson no viôt nuie; nus permet di cjatâ simpri la strade drete e juste ancje in plene gnot. Par chel la fede e je un regâl, tant plui preziôs cuant che plui cjalcjade e je la crôs che nus segne lis spalis.

Il vanzeli sielzût al è, come ch’o ai dit, chel de messe pal prin dal an, fieste de circuncision dal Signôr. Nus conte dai pastôrs che ” a lerin in presse e a cjatàrin Marie, Josef e il frut pognet inte grepie” (Lc 2, 16). Po a contàrin ce che a vevin viodût. “Marie e tignive cont di dutis chestis robis meditantlis tal so cûr” (v 19). A la fole di parincj, amîs e cognossints che a son vuê a fâi corone a Rosalbe e a palesâ la lôr fraterne e cristiane solidarietât a chescj nestris fradis tal dolôr, mi permet di no strassâ un moment cussì grant, ma di puartâ a cjase e inte vite di ogni dì l’ereditât spirtuâl di cheste femine, la sô fuarce tal frontâ une malatie mortâl, il so pinsîr e il so cûr par chei altris fint al ultim, la sô voe di vivi e di operâ cundut che il mâl al cjonçave cence remission la glagn de sô esistence. Di contâ a ducj ce che o vês sintût e viodût in chest câs. La fuarce morâl di cheste famee che il dolôr no le pare in sfas, come che si sint masse voltis, ma le rinsalde. Di contâ di chescj fîs cussì tacâts ai lôr gjenitôrs, cussì disponibii dì e gnot, cussì afetuôs e premurôs. Si sint di tantis bandis di fîs che a copin i gjenitôrs. Cjalìn e contìn ancje dai fîs che a onorin, a servissin, a jemplin di consolazion e di braure il cûr di lôr pari e di lôr mari. Contìn chescj esemplis positîfs, che nus judin a vivi e a frontâ ancje nô cun positivitât chês liendis che la vite e podarès presentânus. Imparìn di chescj che a son i modei juscj, i sants di vuê, che a cjamin su lis nestris stradis e a inluminin il nestri cîl.

Vignint chi, ancje par preparâmi spirtualmentri a chest moment no facil, o scoltavi in machigne la passion seont Zuan di Johann Sebastian Bach. E o ai sintût, ripertût par trê voltis, il berli di Gjesù su la crôs: “Es ist vollbracht”, “Al è dut fat” (Zn 19, 30). Tal sens che Rosalbe e je rivade a finî la sô vore tune etât relativamentri zovine, come un che al finis la sô cumierie prime di chei altris. Ognun di nô al à un so timp e un so lavôr di fâ e di fâlu ben, di finîlu come che Diu al domande e al comande. Rosalbe e je stade brave e o sin sigûrs che Diu al savarà dâi il premi chei lui al distine pai siei fameis che si mostrin fedêi. Ancje chest al à di servînus di insegnament. Nol è tant impuartant trop a lunc che si vîf, ma rivâ a finî il toc di storie che lui nus à consegnât.

Al è rivât il moment di metile tes mans misericordiosis di Diu, di saludâle e di domandâi, pe famee e par ducj nô che le vaìn e le saludìn, i regâi dal Nadâl, jê che e à fat il prin e vêr Nadâl. Jê, che e je te lûs, che nus fasi vê lûs. Jê, che e je te pâs, che nus fasi vê pâs. Jê, che e je te vite, che nus fasi vê la gole di vivi e la voe di lâ indenant cun serenitât e buine volontât. Amen.

pre Antoni Beline

pre Pieri Antoni Beline