Notiziis e avîs

La Plêf e il Comun di Vençon,Glesie Furlane e La Patrie dal Friûl dutune cui familiârs us invidin a Vençon domenie 22 di chest mês dal 2012 as 5.00 sore sere in vie P. Bertrant li de cjase di pre Antoni, tal cuint aniversari de muart, e vignarà distaponade la lapide in sô memorie.

Subit dopo, te Sale Patriarcje Bertrant dongje de canoniche, presentazion di un CD cuntune interviste a pre Antoni.

Si conclût cu la Messe in Domo as 6.30.

Us visìn che il prossim incuintri di Glesie Furlane al sarà a Vençon domenie 25 di Març dal 2012. Il prof. Agnul Vianello de Universitât dal Friûl, continuant lis riflessions su evoluzion e creazion, al presentarà: Evo-Devo: une gnove prospietive de evoluzion. As 3.00 dopo di misdì si cjatarìn in Domo pai Gjespui cjantâts; as 3.30 e sarà la relazion te sale Patriarcje Bertrant in canoniche.

Domenie ai 19 di fevrâr dal 2012 us invidìn al incuintri di Vençon di presentaziòn dal libri editât di Glesie Furlane apene jessût “Eutanasie di un Patriarcjât” di Antoni Beline cu lis ilustrazions di Gianni Di Lena.

A cjacararàn l’on. Pieri Fontanini, president de Provicie di Udin che e à finanziât la “opare omnia” di pre Antoni Beline, e la prof.se Liliana Ferrari, docente di Storie dal Cristianesim e Storie de Glesie a la Universitât di Triest e president dal Istitût di Storie Sociâl e Religjose di Gurize. L’incuintri al començarâ in Domo as 3.00 dopo di misdì cul cjant dai Gjespui e al continuarâ cu lis relazions te sale Patriarcje Bertrant inte canoniche.