Notiziis e avîs

Glesie Furlane – Comun di Basilian – Grop amîs di pre Toni

Ricuart di pre Toni Beline tal 12m aniversari de muart
Ancje chest an il “Comun di Basilian”, “Glesie Furlane” e il “Grop amîs di pre Toni”, in continuitât cun ce che al è stât fat tai agns passâts, a intindin onorâ la memorie di pre Toni Beline tal 12m aniversari de muart.
Par mantignî simpri vîf il so ricuart, e par continuâ a pandi il straordenari patrimoni di fede, di umanitât, di sapience, di culture e di profezie che nus à lassât in ereditât, a son stâts programâts e metûts adun moments di preiere, di incuintri e di riflession par cognossi simpri miôr lui e l’atualitât dal so pinsîr.

Visepente
Martars ai 23 Avrîl 2019
Aes 18.30 – Plêf di Sante Marie Assunte
Messe par pre Toni
Finide Messe, visite tal cimitieri par preâ lì se sô tombe.
Par cure di: Plêf di Sante Marie Assunte e Grop amîs di pre Toni. Visepente
 

Sabide ai 27 di Avrîl dal 2019
Aes 15.30 – Lì dal cjamp di balon in vie Friûl 3e Cjaminade libare “Pai trois di pre Toni” pe stradis di cjamp di Visepente. Dilunc la strade si fasaran leturis gjavadis da lis oparis di pre Toni e cjantis dal repertori religiôs furlan. A la fin de cjaminade intal
curtîl de canoniche al sarà un moment dedicât ai fruts (e no dome).
Par cure dal Grop amîs di pre Toni.
 

Vençon Domenie ai 28 Avrîl dal 2019
Aes 16.00 – Sale Patriarcje Bertrant
Il gjornalist Roberto Pensa al presentarà il libri di pre Antoni “Un timp di passion pe nestre glesie”
publicât di Glesie Furlane pe “Opera Omnia”.
Aes 17.00 – Plêf di Sant Andree Apuestul
Messe par pre Antoni
Par cure di Glesie Furlane

Basilian Joibe ai 16 di Mai 2019
Aes 20.30 – Biblioteche Civiche “Pre Toni Beline”
2e Cunvigne “Pre Toni al vîf” par ricuardâ il pinsîr e l'opare di pre Toni Beline.
“Pre Toni: vite e vore di un om marcât dal dolôr”
Il dolôr e la malatie a àn marcade e condizionade fin da pît la vite di pre Toni. Nol à mai molât e al à cirût di vivi cun sapience e cun fede chel mâl fisic e morâl che ducj, prin o dopo, nus tocje. A son peraulis sôs:
“Ancje tai moments plui grivis no ai molât di lavorâ, di lei, di pensâ, di scrivi. La malatie mi à obleât a fermâmi e il fermâmi mi à obleât a lâ in sot inte mê anime”. Dut chest i à dade une sensibilitât uniche par
svicinâ il cûr da la int e par scrivi lis paginis straordenaris che nus à lassât.
A intervignaran:
• Franco Fabbro: professôr ordenari di Neuropsichiatrie Infantîl de Universitât dal Friûl,
• Don Federico Grosso: docent di Teologjie Fondamentâl e diretôr dal Istitût Superiôr di Sciencis
Religjosis Sants Ermacure e Fortunât,
• Guido Sut: diretôr didatic.
Par cure di: Comun di Basilian, Grop amîs di pre Toni. Cu la poie di Glesie Furlane e de Societât Filologjiche Furlane che e à metût l’event inte Setemane de Culture Furlane 2019.

Ai 13 di Avrîl aes 20.30 a Murùs tal Auditorium "Riedo Pup" pe #FiesteDalFriûl proiezion dal documentari Missus – Predis di Massimo Garlatti-Costa, organizade dal Comun di Murùs

DOMENIE AI 7 DI AVRÎL DAL 2019
Aes 15.00 – Domo di Vençon: Gjespui cjantâts
Aes 15.30 – Sale Patriarcje Bertrant, dongje dal Domo
Conference “Fortunaziano di aquileia fra i pionieri dell’esegesi biblica latina”.
Relatôr: prof. Gabriele Pelizzari.

5X1000
OCJO, CONDIVIDILU ANCJE TU:
DANUS UNE MAN CHE NO TI COSTE NUIE
5 x 1000 a GLESIE FURLANE
Visiti che te declarazion dai redits tu puedis dâ il to 5×1000 a Glesie
Furlane: no ti coste nuie e tu nus judis. Baste che tu metis il
CF 94035000309 di Glesie Furlane te caselute e tu firmis.

Ai 3 di Avrîl aes 20.30 a Aquilee te sale dal Consei pe #FiesteDalFriûl proiezion dal documentari Missus – Predis di Massimo Garlatti-Costa, organizade dal Comun di Aquilee

A Flambri aes 17,30 Domenie ai 31 di Març tal Teatri dai Piçui il Comun di Talmasson al organize "Popul gno dulà vâstu?", te suaze des celebrazions de Fieste dal Friûl

DOMENIE AI 24 DI MARÇ DAL 2019
Aes 15.00 – Domo di Vençon: Gjespui cjantâts
Aes 15.30 – Sale Patriarcje Bertrant, dongje dal Domo
Conference “Fortunaziano “redivivo”, primo Padre aquileiese: il vescovo e lo scrittore”.
Relatôr: prof. Alessio Peršicˇ.

5X1000
OCJO, CONDIVIDILU ANCJE TU:
DANUS UNE MAN CHE NO TI COSTE NUIE
5 x 1000 a GLESIE FURLANE
Visiti che te declarazion dai redits tu puedis dâ il to 5×1000 a Glesie
Furlane: no ti coste nuie e tu nus judis. Baste che tu metis il
CF 94035000309 di Glesie Furlane te caselute e tu firmis.

Vinars al 1n di Fevrâr aes 17.30 li de sale Paulin di Aquilee in vie Trep a Udin,

PRESENTAZION DE BIBIE PAR FURLAN seconde edizion.

Us metìn chi dulà e cuant cjatâ il DVD di MISSUS di Massimo Garlatti-Costa:
(in alt la date plui dongje):

• 16/12/2018 Osôf: marcjât di Nadâl des 10.00 aes 18.00 li dal Teatri Cort di Osôf
• 12/12/2018 Plovie (Glemone): fieste di Sante Luzie aes 20.45
• 15/11/2018 Murùs: conference aes 20.00 in Municipi
• 11/11/2018 Vençon: incuintri aes 14.00 in Sale Bertrant

PAR INFO, mandinus une EMAIL

Miercus ai 28 di Novembar a Basilian aes 20.30, te sale des conferencis de biblioteche "pre Antoni Beline", e sarà la presentazion dal prin numar de riviste di leterature religjose taliane.

Il prin numar de riviste al è in part dedicât a pre Antoni Beline.

Salûts di:
Marco Del Negro, Sindic di Basilian
Claudio Baldini, Assessôr ae culture di Basilian
Intervents di:
Claudio Griggio – Universitât di Udin
Renzo Rabboni – Universitât di Udin
Gabriele Zanello – Universitât di Udin

La Universitât de Etât Libare di Murùs e à invidât Glesie Furlane par une serade culturâl che si tignarà joibe ai 15 di Novembar dal 2018 aes 20.00 li de Sale Consiliâr dal Municipi di Murùs.

L'incuintri al è “I RECITATÎFS LITURGJICS, in memoria di pre 'Sef. Viaç te musiche tradizionâl patriarchine di Aquilee al Friûl di vuê”.

Reladôr al sarà pre Roman Michelot, vicepresident di Glesie Furlane, che nus menarà ae scuvierte dal patrimoni musicâl tradizionâl di origjin patriarcjine traviers de ultime opare realizade di pre 'Sef Cjargnel, musicolic e studiôs atent de musiche liturgjiche, che e fonde lis sôs lidrîs in Aquilee.

I cjants metûts adun te racuelte “I Recitatîfs Liturgjics” cjantâts dal Coro Rôsas di Mont de Plêf di Guart (Davâr) a son stâts ancje doprâts tal documentari “Missus” di Massimo Garlatti-Costa.

Al modere la serade Christian Romanini, segretari di Glesie Furlane.

Par comprâ une copie dal CD "I RECITATÎFS LITURGJICS" mande une email a info@glesiefurlane.org.

INCUINTRIS DI VENÇON – DOMENIE AI 11 DI NOVEMBAR SI CJATARÌN A VENÇON
Aes 15.00 – in Domo par cjantâ Gjespui
Aes 15.30 – te sale Patriarcje Bertrant par confrontâsi su la domande “Puedie nassi une gnove zornade pe Glesie?”, o scoltarìn il teolic PRE DINO PEZZETTA che al propon une riflession pastorâl a 30 agns de publicazion di chel document.

+++ IL DVD DI MISSUS +++
Finalmentri al è rivât il dvd di Missus!
Par vêlu in anteprime, us spietìn DOMENIE AI 11 DI NOVEMBAR a Vençon li de Sale Bertrant des 14.00 aes 15.00 prime de conference "Puedie nassi une gnove zornade pe Glesie a 30 dal document"

In colaborazion cu la Plêf arcipretâl dai Sants Pieri e Pauli di Mortean
Mortean, ai 14 di Otubar 2018
aes 17.00 te Glesie de SS. Trinitât

Presentazion des oparis di pre ‘Sef Cjargnel:
“I RECITATÎFS LITURGJICS” e “50 CORÂI DE TRADIZION TODESCJE VOLTÂTS PAR FURLAN”.
Al presente il prof. Gabriele Zanello.
A partecipin il Coro "Rôsas di mont” di Davâr e l’organist Daniele Mecchia.
Al interven pre Loris Della Pietra, diretôr dal Ufici Liturgjic de Arcidiocesi di Udin

Chest an la visite culturâl anuâl di Glesie Furlane e sarà in Cjargne a Çurçuvint a viodi "La Bibie sot il cîl".
L'apontament al è par SABIDE AI 29 DI SETEMBAR DAL 2018

PROGRAM:
aes 08.30 li dal Stadi Friûl, di front de bilietarie par cjapâ la coriere;
aes 09.15 a Vençon li dal plaçâl des scuelis par cjapâ sù i partecipants
aes 10.00 si rive a Çurçuvint e prime part de visite de Bibie piturade pal paîs
aes 12.00 gustâ convenzionât
aes 13.00 seconde part de visite
aes 16.00 incuintri cui Cantôrs di Çurçuvint
aes 17.00 fin de visite culturâl
aes 17.15 partence par tornâ a cjase
aes 17.30 fermade a Vençon
aes 18.30 si rive a Udin

CUOTE DI PARTECIPAZION E DA DIRIT A: traspuart in coriere, visite e gustâ convenzionât tipic cjargnel.

PAR ISCRIZIONS DOME PAR EMAIL:
Par cuistions organizativis, par plasê mandait une mail DENTRI DI SABIDE AI 15 DI SETEMBAR a info@glesiefurlane.org cun ogjet: GJITE GF 2018 cul non dai partecipants e relatîfs recapit telefonic di ognidun.

www.unabibbiaacieloaperto.it

foto di Ulderica Da Pozzo

O vin il plasê di invidâus:
Domenie ai 26 di Avost dal 2018 aes 18.00 te Plêf di Sant Pieri a Zui
44n ANIVERSARI DI FONDAZION DI GLESIE FURLANE.

Vie pal incuintri a saran dadis ancje impuartantis anticipazions:

– Gabriele Zanello e pre Roman Michelot a inzornaran su la prossime gnove edizion de Bibie par furlan, revisionade e che e sarà publicade par cure dal Istitût Pio Paschini, cu la colaborazion di Glesie Furlane.e la poie de Arcidiocesi di Udin;

– Massimo Garlatti-Costa al fasarà il pont sul so ultin documentari par furlan dedicât al autonomisim e ae funzion che a àn vût predis tant che pre Josef Marchet, pre Checo Placerean e pre Antoni Beline;

– pre Roberto Bertossi al informarà su lis ultimis novitâts in mert ae traduzion dal Messâl Roman par furlan, pront dal 2006.

Infin, ai partecipants e sarà consegnade une copie dal Anuari 2017.

Cu la partecipazion dai Soliscj dal Coro “Rôsas di Mont” de Plêf di Guart

O vin il plasê di invidâus:
Domenie ai 15 di Lui dal 2018, aes 18.00 inte Basiliche Mari di Aquilee
pal AVÔT DAL FRIÛL AI SANTS ERMACURE E FURTUNÂT.

Cu la partecipazion dai Soliscj dal Coro “Rôsas di Mont” de Plêf di Guart

+++ OCJO, CONDIVIDILU ANCJE TU: DANUS UNE MAN CHE NO TI COSTE NUIE +++
Ancje chest an cu la declarazion dai redits tu puedis JUDÂ GLESIE FURLANE destinant il 5×1000.
Baste meti chest numar 94035000309 te caselute juste e firmâ.
FÂS ANCJE TU CUSSÌ, grazie!
www.glesiefurlane.org/popup_5.per.mille.2017.pdf

Città di Codroipo, Società Filologica Friulana, Glesie Furlane, Grop amîs di pre Toni, Caffè Letterario Codroipese, SOMSI
hanno il piacere di invitarvi
Mercoledì 13 giugno alle ore 20.30
presso la Biblioteca Civica “Don G. Pressacco” di Codroipo (Ud) all’incontro curato da Michele Guerra, che sarà introdotto da un breve saluto degli organizzatori, sui temi trattati nell’ambito della mostra fotografica
10 Tavole
diario eretico di una guerra invisibile contro le centrali dell’omologazione
di Paolo Youssef
uno spazio di confronto tra il Friuli di oggi e il pensiero di pre Toni Beline.
In sala sarà presente l’autore.

DOMENIE AI 27 DI MAI aes 5 dopomisdì
a Davâr te Plêf di Guart
in memorie di pre ‘Sef Cjargnel
Presentazion dal CD “I Recitatîfs liturgjics”

a intervegnin:
pre Roberto Bertossi, president di Glesie Furlane
pre Loris Della Pietra, diretôr dal ufici liturgjic diocesan,
Massimo Garlatti-Costa, regjist dal documentari “Missus”
Ulderica Da Pozzo, fotografe
il Coro “Rôsas di Mont”

Al continue il Missus Tour cu lis proiezions dal documentari di Massimo Garlatti-Costa:

vinars ai 11 di Mai: Ortisei, aes 20.30 Lia Mostra d'Ert;
domenie ai 13 di Mai: Codroip, aes 21.00 li dal Teatri Benois-De Cecco;
joibe ai 17 di Mai: Tumieç, aes 20.30 li dal Cine David;
sabide ai 19 di Mai: Tisane, aes 20.00 li dal Teatri Oden

DOMENIE AI 22 DI AVRÎL DAL 2018
Aes 17.00 – Domo di Vençon S. Messe par pre Antoni, tal XI aniversari
Aes 18.00 – Domo di Vençon, dopo Messe
Presentazion dal libri “Una scuola possibile. Il pensiero e l’esperienza di Pietrantonio
Bellina” di Irene Locatelli

(FOTO di Aldo Taboga www.natisone.it)

DOMENIE AI 15 DI AVRÎL DAL 2018
Aes 15.00 – Domo di Vençon: Gjespui cjantâts
Aes 15.30 – Sale Patriarcje Bertrant, dongje dal Domo
Conference “Brasîl: esperiencis di une glesie che e nas e e cres tal nuie”.
Relatôr: Giacinto Miconi, predi di Fidei Donum in Brasîl par cuarante agns.

A van indevant ancje chest an diviers apontaments tai comuns di Basilian e Listize in memorie di pre Antoni Beline tai 11 agns de muart.

Visepente Sabide ai 14 di Avrîl 2018 Aes 15.00 – 2de Cjaminade libare “Pai trois di pre Toni”

Basilian Sabide ai 21 di Avrîl 2018 Aes 10 – Biblioteche Civiche “Pre Toni Beline”. 1me Cunvigne “Pre Toni al vîf”

Visepente Domenie ai 22 Avrîl 2018 Aes 10 – Cimitieri Visite a la tombe e ricuart di pre Toni e aes 11.15 Plêf di Sante Marie Assunte S.Messe par pre Toni

 Pre Toni 2018 Comunicât pe stampe.pdf

In ocasion de Fieste dal Friûl a son in program diviersis proiezions dal documentari MISSUS di Massimo Garlatti-Costa.

mercoledì 28 marzo GEMONA DEL FRIULI (UD) Teatro Cinema Sociale ORE 21:00
martedì 3 aprile SAN DANIELE DEL FRIULI (UD) Cinema Splendor ORE 19:00 e ORE 21:00
venerdì 6 aprile VALVASONE ARZENE (PN)
sabato 7 aprile SEDEGLIANO (UD) Teatro Clabassi ORE 20:30
giovedì 12 aprile SAN GIORGIO DI NOGARO (UD) ORE 20:30
venerdì 13 aprile TAVAGNACCO (UD) Teatro Bon di Colugna ORE 20:45
sabato 14 aprile Auditorium SAN VITO AL TAGLIAMENTO (PN) ORE 21:00

In ocasion dai INCUINTRIS DI VENÇON, Domenie ai 18 di Fevrâr si cjatarìn a Vençon:

aes 15.00 par cjantâ Gjespui in Domo

aes 15.30 te sale Patriarcje Bertrant, par confrontâsi sul progjet diocesan des colaborazions pastorâls, o scoltarìn PRE RIZIERI DE TINA e PRE CLAUDIO COMO (dal CEP – Coloqui European des Parochiis) che nus contaran ce che al sucêt tes PAROCHIIS IN EUROPE.

INCUINTRIS  DI  GLESIE  FURLANE – Riflessions su lis Colaborazions Pastorâls

Il grop al organize un incuintri a Vençon par domenie 18 di Fevrâr. Aes 3 dopo di misdì Gjespui tal domo e, subit dopo, la conference te sale Patriarcje Bertrant.

A intervignaran pre Claudio Como plevan di S. Quirin e e dal Redentôr a Udin e bons. Rizieri De Tina plevan di Nimis.

La ocasion e je dade dai acorpaments di foraniis e di parochiis che la diocesi di Udin e sta puartant indevant. Il gnûf asset al va sot il non di Colaborazions Pastorâls (CP) e al cambiarà dal dut la muse des circoscrizions e zonis eclesiastichis che di secui a àn segnade la storie dai nestris paîs.

Pre Como e pre Rizieri di agns in ca a partecipin al “Colocui European des Parochiis” (CEP) e a contaran cemût che lis parochiis in Europe si stan organizant te mancjance simpri plui fuarte di predis. L’incuintri al è une buine ocasion par slargjiâ il voli plui in là dal Friûl e par podê valutâ cun miôr atenzion e sens critic ce che al sta sucedint te nestre diocesi.

Il Comun di Basilian nus vise che domenie ai 11 di Fevrâr dal 2018 e sarà la cerimonie di intitulazion de plaçute denant de Canoniche di Visepente a pre Antoni Beline che juste domenie al varès fat 77 agns.

Chi sot us proponìn il comunicât stampe difondût dal Comun di Basilian.

BASAGLIAPENTA, UNA PIAZZA IN MEMORIA DI PRE ANTONI BELINE

Il Comune di Basiliano, su sollecitazione della Parrocchia di Basagliapenta, ha rinominato la piazzetta antistante la Canonica della frazione ‘Piazzetta pre Toni Beline’. La cerimonia di intitolazione si terrà domenica 11 febbraio alle 11:15 al termine delle festività per il santo patrono di Basagliapenta ‘San Valentino’. A presenziare alla cerimonia vi saranno il Sindaco Marco Del Negro e Mons. don Dino Bressan che ricorderanno questa figura di intellettuale e sacerdote friulano. Questo omaggio si aggiunge alle numerose attività che si sono svolte l’anno scorso in occasione del decennale della scomparsa del sacerdote, nato a Venzone l’11 febbraio del 1941 e vissuto nella piccola frazione basilianese.

Domenie ai 14 di Zenâr, cun dôs proiezions, aes 16.00 e aes 18.30, il documentari MISSUS, di Massimo Garlatti-Costa al sarà a Sant Denêl li dal Cinema Splendor.

A saran presints l'Autôr e pre Roman Michelot. Une ocasion di plui ancje par tornâ a scoltâ e a ricuardâ pre 'Sef.

INFO: http://www.splendorsandaniele.it/event/missus/

Serade organizade cul jutori dal Comun di Sant Denêl che o vin agrât.

JENTRADE LIBARE

Savût de muart di pre 'Sef Cjargnel, in ocasion dal funerâl miercus ai 3 di Zenâr aes 14.30 te Plêf di Guart, il prof. Remo Cacitti, docent di storie dal Cristianisim te Universitât Statâl di Milan e president onorari di Glesie Furlane, al à mandât chest telegram a pre Roberto Bertossi:

"Cantore delle cose umane e divine, pre 'Sef è stato una voce alta e limpida della tradizione liturgica e popolare aquileiese. La prego di trasmettere ai familiari e a Glesie Furlane i sensi del mio sconfortato cordoglio. Remo Cacitti".

Pre Josef Cjargnel (Giuseppe Cargnello), plevan di Guart e musicolic, al è tornât te Cjase dal Pari.

IL FUNERÂL AL È MIERCUS AI 3 DI ZENÂR TE PLÊF DI GUART AES 14:30.

Pre 'Sef al jere nassût a Remanzâs, ai 14 di Otubar dal 1940. Ordenât predi dal 1965, al è stât capelan te Parochie dal Carmine a Udin e po, dal 1972, cun bons. Laurinç Dentesan, predi te Plêf di Guart, dulà che, dopo de partence di pre Laurinç (†11.09.2015) al reste plevan, a pâr che tes parochiis di Mion e Rigulât. La sô atenzion aes problematichis dal rispiet e dai dirits de identitât dal Popul Furlan, e partìs ae fin agns Sessante dal Nûfcent. O ricuardìn: partecipazion ae Mozion dal Clericât di Udin (1967); simpri a fin agns Sessante, cun pre Checo Placerean e po cul grup “Cjargnei cence dius”: azion pal ricognossiment dal Messâl Furlan e pal dirit di doprâ la marilenghe pardut, te Glesie e tal Stât; redazion, cun pre Antoni Beline e pre Laurinç Dentesan, trê dîs dopo dal taramot dal 1976, dal document “Dopo taramot. Ai furlans che a crodin”: “prime lis fabrichis e po lis cjasis e lis glesiis”; publicazion dal librut pe Liturgjie “Cjantis di Glesie dal Popul Furlan pes diocesis di Cuncuardie – Pordenon, Udin, Gurisse”, racuelte di cjants liturgjics par furlan, pe plui part cjapâts sù de vive vôs de int; publicazion, cu la riviste “Jucunda Laudatio” dal benedetin Padre Pellegrino Ernetti, di “Canti sacri aquileiesi della tradizione orale”: une largje racuelte “sul cjamp”, di cjants patriarcjins di tradizion orâl, racuelte, cheste ultime, riviodude, completade e ripublicade tal 2007, cul titul “Cjants patriarcjins di tradizion orâl”; publicazion dal libri “Saghe furlane” (ed. Glesie Furlane), racuelte di contis, flabis, mitologjiis furlanis.

Cun pre Antoni Beline al colaborà fin dal inizi al periodic autonomist di Glesie Furlane “Patrie dal Friûl”. Al è un dai promotôrs de leture seguitive de Bibie par furlan, organizade e sostignude de ARLeF, in colaborazion cu la Arcidiocesi e la Provincie di Udin.

Cun bons. Laurinç Dentesan al à metût sù, dongje de antighe Plêf di Guart, il “Museu da Plêf”, par esponi lis testemoneancis storichis de antighe istituzion plevanâl. Il lavôr di ricercje sul Cjant Patriarcjin al à motivât, a so non, il premi Epifanie di Tarcint pal 2016.

(foto: www.natisone.it)