POPUL GNO DULÀ VÂSTU? RECITAL A GJALARIAN IN MEMORIE DI PRE ANTONI

25 di Jugn 2017

Al va indevant il calendari dai apontaments in memorie di pre Antoni Beline, tal decim aniversari de muart.

Domenie ai 25 di Jugn a Gjalarian aes 21.00 li de Cjase de int in Place S. Martin.
“Popul gno dulà vâstu?“ Recital dulà che si leiaran scrits gjavâts des oparis di pre Antoni, compagnâts de musiche di une armoniche e de proiezion di fotografiis dal Friûl e di pre Antoni.
Par cure di: Viviana Mattiussi e Pro Loco di Gjalarian: par info, fracait il link

Chi invezit il PROGRAM COMPLET dai apontaments in memorie di pre Antoni, dai 8 di Avrîl ai 24 di Novembar dal 2017.

IL CAFÈ LETERARI DI CODROIP AL RICUARDE PRE ANTONI BELINE

13 di Jugn 2017

Al va indevant il calendari dai apontaments in memorie di pre Antoni Beline, tal decim aniversari de muart.

Martars ai 13 di Jugn aes 20,30 te sale disore dal Ristorant “Nuovo Doge” di Passarian, il Cafè Leterari di Codroip al organize l’incuintri “Su lis olmis di pre Toni Beline – L’om, il predi, l’inteletuâl”.

Par cure di: Angelo Floramo, Gottardo Mitri, Matteo Venier. Chi il link par plui informazions.

Chi invezit il PROGRAM COMPLET dai apontaments in memorie di pre Antoni, dai 8 di Avrîl ai 24 di Novembar dal 2017.

CUNVIGNE A RUALP IN MEMORIE DI PRE ANTONI BELINE

09 di Mai 2017

Pe Setemane de Culture Furlane inmaneade de Societât Filologjiche Furlane, sabide ai 13 di Mai a Rualp (Comun di Darte) e sarà une cunvigne “Lis peraulis di pre Antoni”.

Fracant chest link o cjatais la LOCANDINE DE CUNVIGNE.

Chi invezit il PROGRAM COMPLET dai apontaments in memorie di pre Antoni, dai 8 di Avrîl ai 24 di Novembar dal 2017.

In memorie di pre Domeni Zannier

06 di Mai 2017

Vuê ai 6 di Mai, aniversari dal Taramot dal 1976, in ocasion de cunvigne di Maian, dedicade a pre Meni Zannier e inmaneade de Societât Filologjiche Furlane dentri de Setemane de Culture Furlane, ancje la nestre associazion e je stade invidade a puartâ un ricuart.

Chi o publichìn l'intervent dal nestri segretari Christian Romanini:

Al è cun grant plasê e onôr, ma ancje cun emozion particolâr, che vuê mi cjati chi cun voaltris a ricuardâ pre Meni Zannier.

A non di Glesie Furlane, dal nestri president bons. Roberto Bertossi e gno personâl us puarti il salût e l'agrât par vênus invidâts a intervignî e par vê sielte cheste date par cheste cunvigne: “Rivade la sere al polse il Friûl, te vite si spere un cîl cence nûl. Ma a colp une scosse e fâs tremâ il mont: la tiere e je rosse cul cîl si confont…” al scriveve intune maraveose poesie pre Meni cualchi setemane dopo di chel 6 di Mai dal 1976.

La nestre, par cui che nol sa, e je une associazion di cristians e furlans che a cirin di lâ a fonts des lôr lidrîs culturâls e religjosis, par podê conciliâ in maniere armoniche la proprie fede cu la proprie identitât culturâl. Vuê si fevelarès di "inculturazion de fede" o di "vanzelizazion de culture".

Un troi segnât tai agns Setante su la sperance che al veve regalât il Concili Vatican II, cuant che ancje la glesie romane, iluminade di chel sant om che al jere pape Zuan XXIII, e veve viert a dutis lis lenghis dal mont par che a puartassin la peraule dal Signôr a ducj i popui te lôr marilenghe. Stant che o sin dongje des Pentecostis, al è just ricuardâsi di chest: magari cussì no, in Friûl chest messaç di sperance al jere stât in part tradît parcè che, lassant il latin, la jerarchie de glesie e veve pensât che la lenghe dal popul di doprâ e veve di jessi il talian, cuant che invezit la plui part de int e fevelave tai nestris paîs par furlan. No vin di dismenteâsi che ancje tal 'seminari di chei agns al jere improibît fevelâ par furlan, e chest al procurave, il plui des voltis, un slontament dal cleric, predi di doman, dal so popul, de sô lenghe e de sô culture, calcolant chest patrimoni come une robe di butâ vie.

Par fortune, a son stâts predis che invezit a àn viodude la impuartance dal nestri patrimoni storic, culturâl, origjinâl musicâl e linguistic. E pre Meni Zannier al è stât un di chescj, ancje se il so percors culturâl personâl nol è stât dentri di Glesie Furlane, ma plui individuâl.

O disarai di plui: pre Meni, mancjât ai 11 di Zenâr dal 2017, dopo passe 60 agns di messe, al veve capît il valôr dai nestris tesaurs dîs agns prime dal Concili Vatican II, viert tal 1962 e sierât tal 1965. Di fat, e dopo di me i relatôrs di vuê nus spiegaran miôr, la Scuele Libare Furlane e je stade inviade di pre Meni za dal 1952.

No vuei jentrâ tai detais sientifics de poetiche di pre Meni e de sô produzion leterarie, ma mi limiti a marcâ trê robis.

La prime e je che pre Meni, e o sotlinei il PRE, al è autorevul rapresentant di chei predis che par agnorums a son stâts i unics “inteletuâi organics” te societât dal Friûl. Ce vuelial dî? Tai nestris paîs la int, che fin a cualchi an indaûr no podeve studiâ, e veve tal predi un riferiment no dome religjôs, ma ancje culturâl. Pre Meni al à interpretât cun dedizion, costance e coerence cheste funzion.

La seconde robe che o vuei dîus e partìs propit de coerence: o savìn che lis lenghis a son vivis e a cambiin tal timp. Lui al à scomençât il so percors di leterât par furlan in agns no facii pe lenghe furlane. Tai agns o sin passâts di une lenghe dal popul, ma improibide, a une lenghe ricognossude ancje des istituzions, prime de Regjon cu la Leç Regjonâl dal 1996 e dopo ancje dal Stât cu la Leç votade dal Parlament tal 1999. Par cheste cressite che e à puartade la nestre lenghe a jessi tutelade, a son rivadis ancje normis e regulis gnovis, che però pre Meni al criticave. Cheste posizion critiche si pues no condividile, come che personalmentri o pensi, ma le rispieti par rispiet dal lavôr e dal percors che pre Meni al à puartât indevant par dute le vite e che al à metût simpri a disposizion de int e dal Friûl. Mi auguri che cumò che nol è plui cun noaltris la sô produzion leterarie no coli in dismintie e che si cjati la maniere par rindi onôr a chest grant inteletuâl.

La tierce robe che o vuei dî e je propit leade ae valorizazion di chest om, predi e leterât. No comenti il fat che a son stadis lis universitât di Innsbruck e Salisburc a candidâlu dôs voltis pal premi Nobel tai agns Otante, candidature rivade de Austrie e no de Italie. Mi limiti a ricuardâ un fat plui resint: cuant che o ai let de propueste di intitulâ a pre Meni la biblioteche comunâl di Maian mi à cjapât une emozion fuartonone. E le ai condividude a colp, propit pes motivazions che si diseve prime. Un inteletuâl che al à regalât al Friûl tant, al è just che al sedi ricuardât cu la intitulazion di un puest dulà che vuê il savê nol è dome lassât tes scansiis dai libris: vuê la biblioteche, massime intun paîs come che a son i nestris, e je deventade il lûc dal studi, ma ancje dal cjatâsi, dal confrontâsi, dal fâ comunitât. Insome, un lûc vîf e no podìn no complimentâsi par cheste sielte.

O sieri cuntun ricuart personâl stant che jessint cressût a Maian ancje jo o ai vude la fortune di cognossi di persone pre Meni. La nestre cognossince e je nassude midiant de Pro Majano che e publiche la riviste Majano Nuova e e je lade indevant cul timp ancje cuant che dopo o soi jentrât in Aministrazion comunâl. La ultime volte che si sin viodûts al è stât in ocasion de ultime edizion dal Premi Merit Furlan. Lui al jere president de Jurie e dal 2016 chest Premi al è stât assegnât al nestri za president pre Roman Michelot.

Ma di là di chescj moments uficiâi dulà che pre Meni al jere simpri a disposizion par un confront mai banâl, lu ricuardi par un consei che mi à dât. Cuant che dal 2006 o ai scomençât la mê ativitât di gjornalist, o soi stât contatât di pre Antoni Beline, altri grant inteletuâl furlan che chest an a son dîs agns che al è mancjât. Mi proponeve di cjatâsi par scomençâ a scrivi su La Patrie dal Friûl. La clamade di pre Antoni mi veve metût sogjezion e o ai domandât proprit a pre Meni un consei. Cence nissun dubi mi à conseât di cjapâ cheste strade che mi puartât a cognossi ancje il grup di Glesie Furlane, une esperience che mi à fat cressi une vore come cristian e come furlan. Par chest e tant altri, come che al varès di fâ dut il Friûl, o dîs GRAZIE PRE MENI.

DECENÂL DI PRE ANTONI: PROGRAM DES INIZIATIVIS

08 di Avrîl 2017

Pai 10 agns de muart di pre Antoni, ve ca dut il program des iniziativis dai 8 di Avrîl ai 24 di Novembar dal 2017.

Discjamait il pdf cun ducj i apontaments.

EVENT DI SOLIDARIETÂT PRO CAPISTERIUM DI NORCIA

07 di Avrîl 2017

Ai 8 e ai 9 di Avrîl o varìn ospit in Friûl SIMONE FRIGNANI, autôr de vuide Amici de Cammino di San Benedetto, par doi dîs di solidarietât.

O continuarìn a cjapâ sù fonts pe ricostruzion dal Ostel Il Capisterium di Norcia, che al à vût dams cul taramot di cualchi mês indaûr: CJALE CHI.

SABIDE ai 8 o sarìn a Basandiele aes 20.00 pe presentazion dal libri di Simone Frignani, li dal Oratori de Parochie

DOMENIE ai 9 o sarìn a Aquilee aes 6.45 pe Cjaminade di solidarietât pro Capisterium. 

PAR ADESION AL EVENT, MANDAIT UNE EMAIL A: info@glesiefurlane.org

Info su FB: CJALE CHI o CJALE IL VOLANTIN ALEGÂT

Par donazions o vin metût a disposizion il Cont Corint cun cheste causâl:

ASSOCIAZION GLESIE FURLANE
IBAN: IT35Y0863763790000023015162
Causâl: Ostel Capisterium di Norcia

CONFERENCE STAMPE a Palaç Belgrât in memorie di pre Antoni

05 di Avrîl 2017

Miercus ai 5 di Avrîl a Palaç Belgrât sede de Provincie di Udin e sarà une conference stampe di presentazion dal calendari di apontaments organizâts par memoreâ pre Antoni Beline (mancjât ai 23 di Avrîl dal 2007) a 10 agns de muart.

Frache chi par lei l'invît de Provincie di Udin.

PAI TROIS DI PRE TONI

03 di Avrîl 2017

In ricuart di pre Toni Beline, a 10 agns da la muart 
Event colaterâl – InFile 2017
Sabide ai 8 di Avrîl aes 3 dopomisdì cjaminade partint di Visepente fin ai Colonos: par info frache il link
Par cure dal grup “amîs di pre Toni” di Visepente

MARTIN LUTAR – OM TRA I TIMPS, A 500 AGNS DE RIFORME PROTESTANTE

26 di Març 2017

Pai INCUINTRIS di Vençon

MARTIN LUTAR –  OM TRA I TIMPS, A 500 AGNS DE RIFORME PROTESTANTE

Domenie ai 26 di Març a Vençon
aes 15.00: Gjespui in Domo
aes 15.30: "A 500 agns de riforme di Martin Lutar": conference di pre Dino Pezzetta te sale "Patriarcje Bertrant" dongje dal Domo

 

PRESENTÂTS I 50 CORÂI DE TRADIZION TODESCJE PAR FURLAN

24 di Març 2017

Vuê ai 24 di Març inte Sale de zonte de Provincie di Udin e je stade presentade la nestre ultime publicazion "50 CORÂI DE CRISTIANITÂT TODESCJE VOLTÂTS PAR FURLAN".

Lait a lei chi il comunicât uficiâl: FRACAIT CHI

O vin agrât ae Provincie di Udin e al so President Pietro Fontanini pal sostegn e pe sensibilitât.

Par vê une copie dal libri, mandait une email a info@glesiefurlane.org

INCUINTRIS DI VENÇON Gjespui e conference di pre Primo Degano

22 di Zenâr 2017

O vin il plasê di invidâus 
INCUINTRIS DI VENÇON
Domenie ai 22 di Zenâr 2017 a Vençon
aes 15.00 Gjespui in Domo
aes 15.30 “Là che al mancje il profete, il popul al va a finîle malamentri” (Salomon): conference di pre Primo Degano te sale “Patriarcje Bertrant” dongje dal Domo

Nicoloso e Pascoli a presentin la ristampe di STORIE SACRE e la SCREE DE MOSTRE

04 di Dicembar 2016

INCUINTRIS DI VENÇON

Mostre presentazion de ristampe “STORIE SACRE” di pre Antoni Beline cun ilustrazions di Emanuela Riccioni: A INTERVEGNIN LAURA NICOLOSO e GIORGIO PASCOLI
Domenie ai 4 di Dicembar dal 2016
aes 14.30 GJESPUI IN DOMO a Vençon
aes 15.00 Scree de mostre e presentazion dal libri cu la ilustradore Emanuela Riccioni.

pre Rizieri De Tina al presente POLSÂ E TORNÂ di pre Antoni Beline

14 di Novembar 2016

INCUINTRIS DI VENÇON
In ocasion de conclusion dal An Sant de Misericordie, us invidìn ae presentazion dal libri “POLS E TORN” di pre Antoni Beline
Domenie ai 20 di Novembar dal 2016
aes 14.30 GJESPUI IN DOMO a Vençon
aes 15.00 Presentazion de riflession sul an gjubilâr di pre Antoni Beline par cure di pre Rizieri De Tina

 

Mostre e presentazion de ristampe “STORIE SACRE” di pre Antoni Beline cun ilustrazions di Emanuela Riccioni: A INTERVEGNIN LAURA NICOLOSO e GIORGIO PASCOLI
Domenie ai 4 di Dicembar dal 2016
aes 14.30 GJESPUI IN DOMO a Vençon
aes 15.00 Scree de mostre e presentazion dal libri cu la ilustradore Emanuela Riccioni.

Glesie Furlane pro Ostel Capisterium di Norcia

04 di Setembar 2016

TARAMOT ITALIE CENTRÂL: GLESIE FURLANE pro OSTEL CAPISTERIUM di NORCIA

Midiant di Radio Francigena, o sin in contat cun Simone Frignani, President de Associazion Amici del Cammino di San Benedetto che nus sta tignint inzornât su la situazion.

A Norcia (par furtune) no àn vût muarts, ma i dams a son tancj. in particolâr l'ostel Capisterium, al sarà sierât par tant timp: al è l'ex 'seminari che la diocesi e à dât in afit e in gjestion a chei zovins che us disevin.

Chescj zovins a àn dome chest lavôr pe ospitalitât ai pelegrins e duncje cumò la lôr ativitât e je ferme.

Cumò l'obietîf primari par lôr al è chel di tornâ a scomençâ la ativitât: cussì a podaran continuâ a lavorâ. Tal 1976 o vin dit "prima lis fabrichis, po lis cjasis, e infin lis glesiis"… cheste no je une fabriche, ma al reste il lôr lavôr.

Considerât che la conte dai dams e je inmò in vie di definizion, la idee e je chê di scomençâ a cjapâ sù fonts e tignîsi in contat par decidi cemût finalizâju te maniere plui eficace par lôr.

Par informazions o podês scrivinus une mail: info@glesiefurlane.org.

Par donazions o vin metût a disposizion il Cont Corint cun cheste causâl:

ASSOCIAZION GLESIE FURLANE
IBAN: IT35Y0863763790000023015162
Causâl: Ostel Capisterium di Norcia

A pre Roman Michelot il Premi Merit Furlan 2016

16 di Avost 2016

Cun gjonde o condividìn la notizie dal conferiment dal Premi Merit Furlan 2016 al nestri amì pre Roman Michelot.

L'apontament al è par sabide ai 3 di Setembar aes 6 sore sere tal Cjistiel di Darcjan disore (Rivis Darcjan)

Congratulazions pre Roman!

A Zui pai 42 agns di Glesie Furlane

14 di Avost 2016

PAI 42 AGNS DI GLESIE FURLANE

Domenie ai 28 di Avost dal 2016, aes 6 sore sere

a Zui te Plêf di Sant Pieri inte memorie de fondazion di Glesie Furlane cjantâts Gjespui, a vignaran presentadis lis ativitâts di chest an e i progjets pal 2017 e o concludarìn la serade li de Polse di Cougnes.

Gjite a Concuardie, Siest e Cordovât

14 di Avost 2016

A CIRÎ LIS LIDRÎS ETNICHIS, SOCIOLOGJICHIS E CRISTIANIS DAL FRIÛL

Sabide ai 24 di Setembar dal 2016

Visite ae catedrâl di S. Stiefin e ae basiliche paleocristiane di Concuardie, ae abazie benedetine di Siest e al centri storic di Cordovât.

Informazions e iscrizions a Zui tal incuintri dal 28 di Avost o telefonant:

  1. a pre Roberto, canoniche di Vençon, 0432985032
  2. a pre Romano, canoniche di Vilegnove, 0432956010

Messe di Avôt pal Friûl ai 17.07.2016 a Aquilee

01 di Lui 2016

Domenie ai 17 di Lui aes 6 sore sere, li de Basiliche, Glesie Mari di Aquilee

Messe di Avôt dal Friûl
pai Sants Ermacure e Fortunât

DISCJAME CHI IL PDF DE MESSE PAL FRIÛL

Finide Messe si cjatarìn li dal Ristorant “Ai Patriarchi” par finî la serade in compagnie.

La Tribù di Levi in Fondazion Crup a Udin

01 di Lui 2016

O vin il plasê di invidâus ae

PRESENTAZION DAL LIBRI
Vinars ai 8 di Lui aes 5 dopomisdì
La Tribù di Levi – vitis di predis

di pre Antoni Beline
te Sale des Cunvignis (g.c) de FONDAZION CRUP
in vie Manin, 15 a Udin

Intervents:
– salûts di Lionello D’Agostini, president de Fondazion Crup, tra i finanziadôrs de publicazion;
– salûts di Pietro Fontanini, president de Provincie di Udin;
– presentazion dal libri Angelo Floramo.

Premi Maqôr Rusticitas a Remo Cacitti

22 di Mai 2016

Al è cun grant plasê che o anunziìn che la associazion PRESSACCO (www.pressacco.org) e à assegnât il premi "Maqôr – Rusticitas 2016" speciâl pai 40 agns dal taramot al prof. REMO CACITTI, president onorari di Glesie Furlane.

L'apontament al è par sabide ai 4 di Jugn, aes 5 e mieze dopomisdì tal domo di Sant Andree a Vençon.

DISCJAMAIT LA LOCANDINE, in zonte.

Liturgjie pal nestri Popul

15 di Mai 2016

Te domenie des Pentecostis o clamade ancje Pasche Fluride, us presentìn une gnove ufierte: LA LITURGJIE PAL NESTRI POPUL.

Te sezion dal Messalin festîf o podês cjatâ ducj i tescj par celebrâ la messe par furlan, compagnade di une coment di pre Antoni Beline (Vanzeli par un Popul: domandaitlu a info@glesiefurlane.org), cu lis leturis de domenie, i cjants dal Hosanna (par info@glesiefurlane.org) e i avîs.
Discjamait il pdf complet: CHI

INCUINTRIS DI VENÇON Gjespui e conference dal prof. Remo Cacitti pai 40 agns dal Taramot

29 di Avrîl 2016

INCUINTRIS DI VENÇON

Domenie ai 8 di Mai
– aes 3 dopomisdì GJESPUI in Venzone Duomo di Sant'Andrea Apostolo
– aes 3 e mieze te sale Patriarcje Bertrant il prof. Remo Cacitti tal 40m dal taramot al presentarà:
PRIME E DOPO, IL PROGJET CULTURÂL DE RICOMPOSIZION DAL DOMO A VENÇON

CJALE L'EVENT SU FACEBOOK

INCUINTRIS DI VENÇON Messe in memorie di pre Antoni Beline – IX aniversari

12 di Avrîl 2016

Domenie ai 24 di Avrîl, aes 6 sore sere in domo:

Messe tal IX anniversari de muart di pre Antoni Beline.

Finide messe, pre Vigij Gloazzo al presentarà il vol. n. 6 di “Cirint lis olmis di Diu”.

 

SCLESIS dai Incuintris di Vençon: Angelo Floramo al presente “La tribù di Levi”

10 di Març 2016

Domenie ai 28 di Fevrâr dal 2016, ospit dai "Incuintris di Vençon" o vin vût il prof. Angelo Floramo che al à presentât "La Tribù di Levi".

Chi sot une "sclese" de presentazion (video realizât di Massimo Garlatti-Costa, Raja Films)

Angelo Floramo | Sclese 1 from Glesie Furlane on Vimeo.

Angelo Floramo al presente “La tribù di Levi” di pre Antoni Beline

10 di Fevrâr 2016

PAI INCUINTRIS di Vençon

DOMENIE AI 28 DI FEVRÂR DAL 2016

ANGELO FLORAMO AL PRESENTE

La tribù di Levi (vitis di predis)

apontament in Domo a Vençon aes 3 dopomisdì par cjantâ Gjespui e dopo scoltâ la presentazion dal libri inedit che al fâs part de Opera Omnia di pre Antoni Beline

Sergio Cecotti pai Incuintris di Vençon

19 di Zenâr 2016

Domenie ai 7 di Fevrâr dal 2016

il prof. SERGIO CECOTTI 

al presentarà:

          L'AUTONOMIE FURLANE.                                                                          DULÀ SINO RIVÂTS?

 

As 3 dopomisdì si cjatarìn in domo pai Gjespui cjantâts;

as 3,30 e sarà la relazion te sale Ptriarcje Bertrant in canoniche.

 

 

 

Incuintris di Vençon

07 di Dicembar 2015

Domenie ai 20 di dicembar dal 2015

tal Domo di Vençon, aes 3 dopo di misdì:

NOVENE DI NADÂL E CJANT DAL MISSUS

sustignude dal

coro "Rosas di Mont" di Guart.

Prime de funzion, pre Loris Della Pietra, diretôr dal Ufizi Liturgjic Diocesan,

al presentarà

"Missus est  –  Celebrazion de Novene di Nadâl"

 

Visite A CIRÎ LIS LIDRÎS ETNICHIS, SOCIOLOGJICHIS E CRISTIANIS DAL FRIÛL

24 di Setembar 2015

Sabide ai 17 di otubar dal 2015

A CIRÎ LIS LIDRÎS ETNICHIS, SOCIOLOGJICHIS E CRISTIANIS DAL FRIÛL

Visite

a Zui ae Mostre sui Celts,

a Dinvilin ae basiliche paleocristiane dal Cuel di Çucje,

in Guart ae Plêf di S. Marie e al museu.

 

Si partìs aes 8.00 in coriere di Vençon (plaçâl des Scuelis); fermadis: aes 8.15 al Hotel Carnia e aes 8.30 a Tumieç (in Via 25 Aprile denant de pissine).

Aes 9.00 a Zui tal museu civic visite ae mostre sui Celts. Tor lis 11.00 a Dinvilin sul Cuel di Çucje visite ae basiliche paleocristiane.

Si guste insieme in Aplis. Dopomisdì visite ae Plêf di S. Marie in Guart e al museu.

Si partìs par tornâ a cjase tor lis 6.00 sore sere.

 

A coriere complete, gustâ, bigliets e guide de mostre comprendûts, si spindaràn sui 30 euros parom.

Par metisi in note visâ pre Roberto (tel. 0432 985032; cel. 3498024017; e-mail: xyybe@tin.it) o pre Romano (tel. 0432 956010; cel. 3336708704)

 

 

40sin di Glesie Furlane

27 di Lui 2015

Domenie ai 23 di avost, aes 6 sore sere

a Zui inte Plêf di Sant Pieri

a sierâ il 40sin di Glesie Furlane:

cjantâts Gjespui, a vignaràn presentadis

lis ativitâts di chest an e i progjets pal 2016.

La serade si concludarà lì de Polse di Cougnes.

 

Chest sît al dopre dai cookie, continuant a navigâ tu acetis di doprâju. Plui informazions.

Questo sito utilizza i cookie per fornire la migliore esperienza di navigazione possibile. Continuando a utilizzare questo sito senza modificare le impostazioni dei cookie o cliccando su "Accetta" permetti il loro utilizzo.

Chiudi