Notiziis e avîs

Glesi Furlane a 50 agns dal Concili Vatican II e propon trê incuintris par capî miôr chel grant Event de glesie e valutâlu midiant la strade e l’esperience fate.

I incuintris a saran a Vençon in canoniche te sale Patriarcje Bertrant dopo il cjant dai Gjespui fat in domo as 3.00 dopo di misdì.

* Domenie 21 di otubar dal 2012

Relatôr, pre Dino Pezzetta:

“Une mentalitât gnove: lis sperancis che il Concili al à puartât te glesie e tal mont”.

* Domenie 11 di novembar dal 2012

Relatôr, bons. Rinaldo Fabris:

“La Bibie consegnade a la int: une gnove maniere di intindi la peraule di Diu”.

* Domenie 9 di dicembar dal 2012

Relatôr, bons. Nicolino Borgo:

“Une pastorâl rinovade par vivi la fede in forme partecipade, eclesiâl”.

Chescj incuintris a proponin des riflessions sul Concili inte curnîs de nestre glesie locâl.

Il grop di Glesie Furlane al organize ancje chest an une gjite di studi tai sîts storics dal Patriarcjât di Aquilee.

Sabide, ai 29 di Setembar dal 2012, compagnâts di pre Sef Cjargnel, o visitarìn in Carinzie: il “Stift” benedetin di Millstatt, la glesie paleocristiane di Laubendorf e il sît archeologjic sul Magdalensberg.

Si partìs dal plaçâl des scuelis di Vençon as 8.00 di buinore; si guste tal ristorant di Caruline sul Magdalensberg; si torne cjase cul lâ amont dal soreli tor 7.00 sore sere. Si larà a spindi sui 50 €uros a pullman complet.

Par prenotâsi, telefonâ a pre Sef (0433 60358)

o a pre Roman (0432 956010; 333 6708704)

o a pre Roberto (0432 985032; 349 8024017)

Si racomande di segnâsi jentri joibe 20 di chest mês.

Par prenotâsi al è di dâ non, cognon e numar di telefon o di celulâr.

E sarà une zornade di amicizie, spiritualitât e culture.

La basiliche mari di Aquilee nus invide ancje chest an 2012 a la solenitât dai Sants Ermacure e Furtunât.

La Messe e vignarà celebrade te Basiliche domenie 15 di lui as 6.00 sore sere.

Al presiedarà pre Loris Della Pietra Diretôr dal Ufici liturgjic de diocesi di Udin.