Notiziis e avîs

Dal 1 di Fevrâr fin ai 17 di Març PREDIS: LA NAZIONE NEGATA di Massimo Garlatti-Costa al è in programazion in dut il Friûl, proietât in cetantis salis cinematografichis.

Chi il calendari des proiezions:

Te suaze dai Incuintris di Vençon dopo il ciant dai Gjespui in domo,
Domenie ai 22 di Dicembar aes 15,30 te Sale Patriarcje Bertrant,
par onorâ sant Jeroni tal MDC de muart o varìn une conference cun titul:
“La rusticitas aquileiese di Gerolamo: retorica esegetica, teologica, monastica. Un ricordo a 1600 anni dalla sua morte”.
​Relatôr al sarà il prof. Alessio Peršič, de Universitât Catoliche di Milan

Metafore de vite, tradizions e simbul dal Friûl, lis Rogazions a rapresentin la vite, il simbul reâl di un mût di jessi, vêr e sclet dal popul furlan, dulà che la culture materiâl e spirtuâl si incjarne inte tiere, inte vite su la Tiere".

Ospit de Universitât de Etât Libare di Murùs, che o ringrazìin pal invît, pre Roman Michelot al tignarà une conference su lis Rogazions, presentant il volum di pre Antoni Beline.

Apontament JOIBE ai 21 di NOVEMBAR dal 2019 aes 20.45 inte Sale dal Consei Comunâl intal Municipi di Murùs.

Al modere l'incuintri Christian Romanini.

CJALE L'EVENT SU FB

Te suaze dai incuintris di Vençon, dopo gjespui in domo, domenie ai 3 di Novembar aes 15.30, te sale Patriarcje Bertrant o varìn la conference cun titul TUTTO È LECITO: IL RADICALISMO EVANGELICO DEI CORINZI DI FRONTE ALLA MORALE RELIGIOSA DI PAOLO.

Relatôr al sarà il dot. STEFANO DE FEO de Universitât dai Studis Statâl di Milan.

Sabide ai 5 di Otubar Glesie Furlane e organize un Pelegrinaç tal santuari di Maria Luggau.

Aes 6.00 la coriere de SAF e partìs di Udin, dal parc dal stadi e aes 6.45 di Vençon dal parc des Scuelis.

Il viaç al durarà 3 oris e mieze/4. Si fasarà une soste, passade Sapade, a Sant Stiefin.

Si previôt di rivâ a Maria Luggau tor 10,30/11. Messe o Cjant di Seste in glesie e gustâ te mense dal santuari.

Tornant, tor 3/3.30, visite a S. Candido/Innichen.

Si conte di rientrâ par ore di cene, tor 8.

A coriere complete si varès di vignî a spindi tor dai 50 euros, dut comprendût.

Par prenotâsi visâ o telefonâ a

• pre Roberto: +39 349 8024017; 0432 985032; robertossi@hotmail.com

• pre Romano: +39 333 6708704; 0432 956010; roman.michelotti@alice.it

Ai 17 di setembar al cole l’aniversari de muart di pre GjIlbert Pressac.

Glesie Furlane a intint ricuardâlu

a Vençon, domenie ai 29 di Setembar, aes 15,30 dopo Gjespui in Domo 

inte sale Patriarcje Bertrant, cuntune conferencee di GABRIELE PELIZZARI:

“Luci nella notte della Chiesa di Aquileia: l’architrave romanico di Monopoli e le ipotesi di Gilberto Pressacco. Verso una prima conferma monumentale”.

O vin il plasê di invidâus:
Domenie ai 25 di Avost dal 2019 aes 18.00 te Plêf di Sant Pieri a Zui
45n ANIVERSARI DI FONDAZION DI GLESIE FURLANE.

Vie pal incuintri a saran dadis ancje impuartantis anticipazions:

– Massimo Garlatti-Costa al fevelarà dal so ultin documentari PREDIS ispirât ae figure e aes oparis di pre Josef Marchet, pre Francesc Placerean e pre Antoni Beline;

– pre Roberto Bertossi al informarà su lis prossimis iniziativis de associazion.

Infin, ai partecipants e sarà consegnade une copie dal Anuari 2018.

O vin agrât a Ulderica Da Pozzo pes fotos dal Anuari 2018 e par chê di chest avîs.

O vin il plasê di invidâus:
Domenie ai 14 di Lui dal 2019, aes 18.00 inte Basiliche Mari di Aquilee

pal AVÔT DAL FRIÛL AI SANTS ERMACURE E FURTUNÂT.

Al celebre pre Vigji Gloazzo, plevan di Paulêt e diretôr de Caritas diocesane e dal Ufici diocesan pe cooperazion missionarie di Udin

Domenie ai 28 Avrîl dal 2019
Aes 16.00 – Sale Patriarcje Bertrant
Il gjornalist Roberto Pensa al presentarà il libri di pre Antoni “Un timp di passion pe nestre glesie” publicât di Glesie Furlane pe “Opera Omnia”.
Aes 17.00 – Plêf di Sant Andree Apuestul: Messe par pre Antoni

Glesie Furlane – Comun di Basilian – Grop amîs di pre Toni

Ricuart di pre Toni Beline tal 12m aniversari de muart
Ancje chest an il “Comun di Basilian”, “Glesie Furlane” e il “Grop amîs di pre Toni”, in continuitât cun ce che al è stât fat tai agns passâts, a intindin onorâ la memorie di pre Toni Beline tal 12m aniversari de muart.
Par mantignî simpri vîf il so ricuart, e par continuâ a pandi il straordenari patrimoni di fede, di umanitât, di sapience, di culture e di profezie che nus à lassât in ereditât, a son stâts programâts e metûts adun moments di preiere, di incuintri e di riflession par cognossi simpri miôr lui e l’atualitât dal so pinsîr.

Visepente
Martars ai 23 Avrîl 2019
Aes 18.30 – Plêf di Sante Marie Assunte
Messe par pre Toni
Finide Messe, visite tal cimitieri par preâ lì se sô tombe.
Par cure di: Plêf di Sante Marie Assunte e Grop amîs di pre Toni. Visepente
 

Sabide ai 27 di Avrîl dal 2019
Aes 15.30 – Lì dal cjamp di balon in vie Friûl 3e Cjaminade libare “Pai trois di pre Toni” pe stradis di cjamp di Visepente. Dilunc la strade si fasaran leturis gjavadis da lis oparis di pre Toni e cjantis dal repertori religiôs furlan. A la fin de cjaminade intal
curtîl de canoniche al sarà un moment dedicât ai fruts (e no dome).
Par cure dal Grop amîs di pre Toni.
 

Vençon Domenie ai 28 Avrîl dal 2019
Aes 16.00 – Sale Patriarcje Bertrant
Il gjornalist Roberto Pensa al presentarà il libri di pre Antoni “Un timp di passion pe nestre glesie”
publicât di Glesie Furlane pe “Opera Omnia”.
Aes 17.00 – Plêf di Sant Andree Apuestul
Messe par pre Antoni
Par cure di Glesie Furlane

Basilian Joibe ai 16 di Mai 2019
Aes 20.30 – Biblioteche Civiche “Pre Toni Beline”
2e Cunvigne “Pre Toni al vîf” par ricuardâ il pinsîr e l'opare di pre Toni Beline.
“Pre Toni: vite e vore di un om marcât dal dolôr”
Il dolôr e la malatie a àn marcade e condizionade fin da pît la vite di pre Toni. Nol à mai molât e al à cirût di vivi cun sapience e cun fede chel mâl fisic e morâl che ducj, prin o dopo, nus tocje. A son peraulis sôs:
“Ancje tai moments plui grivis no ai molât di lavorâ, di lei, di pensâ, di scrivi. La malatie mi à obleât a fermâmi e il fermâmi mi à obleât a lâ in sot inte mê anime”. Dut chest i à dade une sensibilitât uniche par
svicinâ il cûr da la int e par scrivi lis paginis straordenaris che nus à lassât.
A intervignaran:
• Franco Fabbro: professôr ordenari di Neuropsichiatrie Infantîl de Universitât dal Friûl,
• Don Federico Grosso: docent di Teologjie Fondamentâl e diretôr dal Istitût Superiôr di Sciencis
Religjosis Sants Ermacure e Fortunât,
• Guido Sut: diretôr didatic.
Par cure di: Comun di Basilian, Grop amîs di pre Toni. Cu la poie di Glesie Furlane e de Societât Filologjiche Furlane che e à metût l’event inte Setemane de Culture Furlane 2019.

Ai 13 di Avrîl aes 20.30 a Murùs tal Auditorium "Riedo Pup" pe #FiesteDalFriûl proiezion dal documentari Missus – Predis di Massimo Garlatti-Costa, organizade dal Comun di Murùs

DOMENIE AI 7 DI AVRÎL DAL 2019
Aes 15.00 – Domo di Vençon: Gjespui cjantâts
Aes 15.30 – Sale Patriarcje Bertrant, dongje dal Domo
Conference “Fortunaziano di aquileia fra i pionieri dell’esegesi biblica latina”.
Relatôr: prof. Gabriele Pelizzari.

5X1000
OCJO, CONDIVIDILU ANCJE TU:
DANUS UNE MAN CHE NO TI COSTE NUIE
5 x 1000 a GLESIE FURLANE
Visiti che te declarazion dai redits tu puedis dâ il to 5×1000 a Glesie
Furlane: no ti coste nuie e tu nus judis. Baste che tu metis il
CF 94035000309 di Glesie Furlane te caselute e tu firmis.

Ai 3 di Avrîl aes 20.30 a Aquilee te sale dal Consei pe #FiesteDalFriûl proiezion dal documentari Missus – Predis di Massimo Garlatti-Costa, organizade dal Comun di Aquilee

A Flambri aes 17,30 Domenie ai 31 di Març tal Teatri dai Piçui il Comun di Talmasson al organize "Popul gno dulà vâstu?", te suaze des celebrazions de Fieste dal Friûl

DOMENIE AI 24 DI MARÇ DAL 2019
Aes 15.00 – Domo di Vençon: Gjespui cjantâts
Aes 15.30 – Sale Patriarcje Bertrant, dongje dal Domo
Conference “Fortunaziano “redivivo”, primo Padre aquileiese: il vescovo e lo scrittore”.
Relatôr: prof. Alessio Peršicˇ.

5X1000
OCJO, CONDIVIDILU ANCJE TU:
DANUS UNE MAN CHE NO TI COSTE NUIE
5 x 1000 a GLESIE FURLANE
Visiti che te declarazion dai redits tu puedis dâ il to 5×1000 a Glesie
Furlane: no ti coste nuie e tu nus judis. Baste che tu metis il
CF 94035000309 di Glesie Furlane te caselute e tu firmis.

Vinars al 1n di Fevrâr aes 17.30 li de sale Paulin di Aquilee in vie Trep a Udin,

PRESENTAZION DE BIBIE PAR FURLAN seconde edizion.

Us metìn chi dulà e cuant cjatâ il DVD di MISSUS di Massimo Garlatti-Costa:
(in alt la date plui dongje):

• 16/12/2018 Osôf: marcjât di Nadâl des 10.00 aes 18.00 li dal Teatri Cort di Osôf
• 12/12/2018 Plovie (Glemone): fieste di Sante Luzie aes 20.45
• 15/11/2018 Murùs: conference aes 20.00 in Municipi
• 11/11/2018 Vençon: incuintri aes 14.00 in Sale Bertrant

PAR INFO, mandinus une EMAIL

Miercus ai 28 di Novembar a Basilian aes 20.30, te sale des conferencis de biblioteche "pre Antoni Beline", e sarà la presentazion dal prin numar de riviste di leterature religjose taliane.

Il prin numar de riviste al è in part dedicât a pre Antoni Beline.

Salûts di:
Marco Del Negro, Sindic di Basilian
Claudio Baldini, Assessôr ae culture di Basilian
Intervents di:
Claudio Griggio – Universitât di Udin
Renzo Rabboni – Universitât di Udin
Gabriele Zanello – Universitât di Udin

La Universitât de Etât Libare di Murùs e à invidât Glesie Furlane par une serade culturâl che si tignarà joibe ai 15 di Novembar dal 2018 aes 20.00 li de Sale Consiliâr dal Municipi di Murùs.

L'incuintri al è “I RECITATÎFS LITURGJICS, in memoria di pre 'Sef. Viaç te musiche tradizionâl patriarchine di Aquilee al Friûl di vuê”.

Reladôr al sarà pre Roman Michelot, vicepresident di Glesie Furlane, che nus menarà ae scuvierte dal patrimoni musicâl tradizionâl di origjin patriarcjine traviers de ultime opare realizade di pre 'Sef Cjargnel, musicolic e studiôs atent de musiche liturgjiche, che e fonde lis sôs lidrîs in Aquilee.

I cjants metûts adun te racuelte “I Recitatîfs Liturgjics” cjantâts dal Coro Rôsas di Mont de Plêf di Guart (Davâr) a son stâts ancje doprâts tal documentari “Missus” di Massimo Garlatti-Costa.

Al modere la serade Christian Romanini, segretari di Glesie Furlane.

Par comprâ une copie dal CD "I RECITATÎFS LITURGJICS" mande une email a info@glesiefurlane.org.

INCUINTRIS DI VENÇON – DOMENIE AI 11 DI NOVEMBAR SI CJATARÌN A VENÇON
Aes 15.00 – in Domo par cjantâ Gjespui
Aes 15.30 – te sale Patriarcje Bertrant par confrontâsi su la domande “Puedie nassi une gnove zornade pe Glesie?”, o scoltarìn il teolic PRE DINO PEZZETTA che al propon une riflession pastorâl a 30 agns de publicazion di chel document.

+++ IL DVD DI MISSUS +++
Finalmentri al è rivât il dvd di Missus!
Par vêlu in anteprime, us spietìn DOMENIE AI 11 DI NOVEMBAR a Vençon li de Sale Bertrant des 14.00 aes 15.00 prime de conference "Puedie nassi une gnove zornade pe Glesie a 30 dal document"

In colaborazion cu la Plêf arcipretâl dai Sants Pieri e Pauli di Mortean
Mortean, ai 14 di Otubar 2018
aes 17.00 te Glesie de SS. Trinitât

Presentazion des oparis di pre ‘Sef Cjargnel:
“I RECITATÎFS LITURGJICS” e “50 CORÂI DE TRADIZION TODESCJE VOLTÂTS PAR FURLAN”.
Al presente il prof. Gabriele Zanello.
A partecipin il Coro "Rôsas di mont” di Davâr e l’organist Daniele Mecchia.
Al interven pre Loris Della Pietra, diretôr dal Ufici Liturgjic de Arcidiocesi di Udin

Chest an la visite culturâl anuâl di Glesie Furlane e sarà in Cjargne a Çurçuvint a viodi "La Bibie sot il cîl".
L'apontament al è par SABIDE AI 29 DI SETEMBAR DAL 2018

PROGRAM:
aes 08.30 li dal Stadi Friûl, di front de bilietarie par cjapâ la coriere;
aes 09.15 a Vençon li dal plaçâl des scuelis par cjapâ sù i partecipants
aes 10.00 si rive a Çurçuvint e prime part de visite de Bibie piturade pal paîs
aes 12.00 gustâ convenzionât
aes 13.00 seconde part de visite
aes 16.00 incuintri cui Cantôrs di Çurçuvint
aes 17.00 fin de visite culturâl
aes 17.15 partence par tornâ a cjase
aes 17.30 fermade a Vençon
aes 18.30 si rive a Udin

CUOTE DI PARTECIPAZION E DA DIRIT A: traspuart in coriere, visite e gustâ convenzionât tipic cjargnel.

PAR ISCRIZIONS DOME PAR EMAIL:
Par cuistions organizativis, par plasê mandait une mail DENTRI DI SABIDE AI 15 DI SETEMBAR a info@glesiefurlane.org cun ogjet: GJITE GF 2018 cul non dai partecipants e relatîfs recapit telefonic di ognidun.

www.unabibbiaacieloaperto.it

foto di Ulderica Da Pozzo

O vin il plasê di invidâus:
Domenie ai 26 di Avost dal 2018 aes 18.00 te Plêf di Sant Pieri a Zui
44n ANIVERSARI DI FONDAZION DI GLESIE FURLANE.

Vie pal incuintri a saran dadis ancje impuartantis anticipazions:

– Gabriele Zanello e pre Roman Michelot a inzornaran su la prossime gnove edizion de Bibie par furlan, revisionade e che e sarà publicade par cure dal Istitût Pio Paschini, cu la colaborazion di Glesie Furlane.e la poie de Arcidiocesi di Udin;

– Massimo Garlatti-Costa al fasarà il pont sul so ultin documentari par furlan dedicât al autonomisim e ae funzion che a àn vût predis tant che pre Josef Marchet, pre Checo Placerean e pre Antoni Beline;

– pre Roberto Bertossi al informarà su lis ultimis novitâts in mert ae traduzion dal Messâl Roman par furlan, pront dal 2006.

Infin, ai partecipants e sarà consegnade une copie dal Anuari 2017.

Cu la partecipazion dai Soliscj dal Coro “Rôsas di Mont” de Plêf di Guart

O vin il plasê di invidâus:
Domenie ai 15 di Lui dal 2018, aes 18.00 inte Basiliche Mari di Aquilee
pal AVÔT DAL FRIÛL AI SANTS ERMACURE E FURTUNÂT.

Cu la partecipazion dai Soliscj dal Coro “Rôsas di Mont” de Plêf di Guart

+++ OCJO, CONDIVIDILU ANCJE TU: DANUS UNE MAN CHE NO TI COSTE NUIE +++
Ancje chest an cu la declarazion dai redits tu puedis JUDÂ GLESIE FURLANE destinant il 5×1000.
Baste meti chest numar 94035000309 te caselute juste e firmâ.
FÂS ANCJE TU CUSSÌ, grazie!
www.glesiefurlane.org/popup_5.per.mille.2017.pdf

Città di Codroipo, Società Filologica Friulana, Glesie Furlane, Grop amîs di pre Toni, Caffè Letterario Codroipese, SOMSI
hanno il piacere di invitarvi
Mercoledì 13 giugno alle ore 20.30
presso la Biblioteca Civica “Don G. Pressacco” di Codroipo (Ud) all’incontro curato da Michele Guerra, che sarà introdotto da un breve saluto degli organizzatori, sui temi trattati nell’ambito della mostra fotografica
10 Tavole
diario eretico di una guerra invisibile contro le centrali dell’omologazione
di Paolo Youssef
uno spazio di confronto tra il Friuli di oggi e il pensiero di pre Toni Beline.
In sala sarà presente l’autore.

DOMENIE AI 27 DI MAI aes 5 dopomisdì
a Davâr te Plêf di Guart
in memorie di pre ‘Sef Cjargnel
Presentazion dal CD “I Recitatîfs liturgjics”

a intervegnin:
pre Roberto Bertossi, president di Glesie Furlane
pre Loris Della Pietra, diretôr dal ufici liturgjic diocesan,
Massimo Garlatti-Costa, regjist dal documentari “Missus”
Ulderica Da Pozzo, fotografe
il Coro “Rôsas di Mont”