Notiziis e avîs
Visite A CIRÎ LIS LIDRÎS ETNICHIS, SOCIOLOGJICHIS E CRISTIANIS DAL FRIÛL
24 di Setembar 2015Sabide ai 17 di otubar dal 2015
A CIRÎ LIS LIDRÎS ETNICHIS, SOCIOLOGJICHIS E CRISTIANIS DAL FRIÛL
Visite
a Zui ae Mostre sui Celts,
a Dinvilin ae basiliche paleocristiane dal Cuel di Çucje,
in Guart ae Plêf di S. Marie e al museu.
Si partìs aes 8.00 in coriere di Vençon (plaçâl des Scuelis); fermadis: aes 8.15 al Hotel Carnia e aes 8.30 a Tumieç (in Via 25 Aprile denant de pissine).
Aes 9.00 a Zui tal museu civic visite ae mostre sui Celts. Tor lis 11.00 a Dinvilin sul Cuel di Çucje visite ae basiliche paleocristiane.
Si guste insieme in Aplis. Dopomisdì visite ae Plêf di S. Marie in Guart e al museu.
Si partìs par tornâ a cjase tor lis 6.00 sore sere.
A coriere complete, gustâ, bigliets e guide de mostre comprendûts, si spindaràn sui 30 euros parom.
Par metisi in note visâ pre Roberto (tel. 0432 985032; cel. 3498024017; e-mail: xyybe@tin.it) o pre Romano (tel. 0432 956010; cel. 3336708704)
40sin di Glesie Furlane
27 di Lui 2015Domenie ai 23 di avost, aes 6 sore sere
a Zui inte Plêf di Sant Pieri
a sierâ il 40sin di Glesie Furlane:
cjantâts Gjespui, a vignaràn presentadis
lis ativitâts di chest an e i progjets pal 2016.
La serade si concludarà lì de Polse di Cougnes.
Avôt dal Friûl ai Sants Ermacure e Furtunât
01 di Lui 2015Domenie ai 19 di Lui, aes 6 sore sere
si cjatarìn a Aquilee inte Basiliche Mari
pal avôt dal Friûl ai Sants Ermacure e Furtunât.
Al presiedarà la concelebrazion bons. Giordano Cracina, prevost di Zui.
La liturgjie e sarà compagnade dal coro "Rosas di mont" de Plêf di Guart.
LA FABBRICA DEI PRETI di Giuliana Musso alla Corte di Osoppo
18 di Mai 2015"Glesie Furlane" in colaborazion cun "Aná-thema Teatro"
e à il plasê di invidâus
te sale "La Corte di Osoppo", a Osôf in vie XXII Novembre 3
vinars ai 5 di jugn 2015, as 20.30
a la rapresentazion di Giuliana Musso
"LA FABBRICA DEI PRETI".
Il biliet al coste 10 euros e si puè prenotâlu telefonant al 0432 985032.
Incuintris di Vençon: TAL VIII ANIVERSARI DI PRE ANTONI BELINE
08 di Avrîl 2015Domenie ai 26 di avrîl dal 2015, as 4 sore sere a Vençon inte sale Patriarcje Bertrant
la prof. Liliana Ferrari, de Universitât dai Studis di Triest,
e presentarà
il libri di Mauro Della Schiava: “Restâ cu la int”,
che al conte l'esperience di “Glesie Furlane" juste tal 40esim de nassite dal grop.
Inte ocasion a vignaràn presentadis ancje lis ultimis dôs publicazions
de Opera omnia di pre Antoni Beline: “Tiere di confin” e “Letaris 1”.
As 17.30 in domo la messe tal VIII anniversari de muart di pre Antoni.
Incuintris di Vençon
03 di Març 2015A Vençon, Domenie ai 22 di març dal 2015
Il prof. Gabriele Pelizzari, de Universitât dai Studis di Milan,
al presentarà:
GLESIE DI POPUL O DI INDIVIDUIS?
Riflessions e cautelis sul gnûf umanisim cristian.
As 3.00 dopomisdì si cjatarìn in domo pai Gjespui cjantâts;
as 3.30 e sarà la relazion te sale Patriarcje Bertrant in canoniche.
IL FRIÛL CHE ANZIT. L’Agâr (2002-2006)
07 di Novembar 2014Il President de Provincie di Udin on. Pieri Fontanini al à il plasê di invidâLu ae presentazion dal libri publicât di Glesie Furlane:
IL FRIÛL CHE ANZIT. L’Agâr (2002-2006) di Duili Cuargnâl
Vinars ai 28 di Novembar aes 17,00
sale consiliâr de Provincie palaç Belgrât a Udin
Presentazion
prof. Raimont Strassolt di Graffemberg, Professôr universitari di sociologjie
A intervignaran
S. E. Bons. Andrea Bruno Mazzocato, Arcivescul di Udin
on. Pietro Fontanini, President de Provincie di Udin
av. Sergio Bolzonello, Vice president de Regjon Autonome F-VJ
dr. Lionello D’Agostini, President de Fondazion Casse di Sparagn di Udin e Pordenon
prof. Paolo Pascolo, Diretôr dal Centri interdipartimentâl di ricercje su la culture e la lenghe dal Friûl de Universitât dai Studis di Udin
dr. William Cisilino, Diretôr de ARLeF Agjenzie regjonâl pe lenghe furlane
Bons. Roberto Bertossi, President di Glesie Furlane
Al fasarà di moderadôr il dr. Roberto Pensa, diretôr dal setemanâl La Vita Cattolica
Incuintris di Vençon
27 di Otubar 2014Domenie ai 14 di dicembar dal 2014
il prof. Agnul Vianello, pro-retôr de Universitât di Udin
al presentarà:
“L’Universitât di Udin: de Regjon o dal Friûl?”
As 3.00 dopomisdì si cjatarìn in domo pai Gjespui cjantâts;
as 3.30 e sarà la relazion te sale Patriarcje Bertrant in canoniche.
Incuintris di Vençon
27 di Otubar 2014Domenie ai 16 di novembar dal 2014
Il prof. Agnul Floramo, diretôr de Biblioteche Guarneriane di San Denêl,
in riferiment al centenari de prime vuere mondiâl,
al presentarà
“Come feride inte cjar vive: la soference dal popul furlan inte Gande vuere”
As 3.00 dopomisdì si cjatarìn in domo pai Gjespui cjantâts;
as 3.30 e sarà la relazion te sale Patriarcje Bertrant in canoniche.
VISITE A LUBIANE TAI 2000 AGNS DE FONDAZION
27 di Avost 2014Sabide ai 27 di setembar dal 2014 a Lubiane
TAI 2000 AGNS DE FONDAZION DI EMONA
VISITE AI MONUMENTS DE CITÂT ANTIGHE, DE ETE DI MIEÇ E MODERNE
CUN RIFERIMENTS AES OLMIS LASSADIS DAL CRISTIANISIM AQUILEIÊS E DAL PATRIARCJÂT.
Si partìs in coriere di Vençon (plaçâl des Scuelis) aes 7 in pont e dal parc dal Stadi Friûl di Udin (denant de bilieterie) aes 7,30. Si varès di rivâ a Lubiane tor 10,30.
Visite tal museu civic ae mostre pai 2000 agns de fondazion de citât. Si guste insieme. Dopomisdì visite ai monuments dal centri storic.
Si partìs par tornâ dongje tor lis 6 sore sere e, se dut al va ben, a cjase tor lis 9.
Par metisi in note telefonâ o visâ:
pre Roberto, canoniche di Vençon, tel. 0432985032; – pre Romano, canoniche di Vilegnove, tel. 0432956010; – pre Sef o pre Laurinç, canoniche di Luincis, tel. 043360358.
PAL 40esin di GLESIE FURLANE
05 di Avost 2014Pal 40sin di “Glesie Furlane”
o vin il plasê di invidâus
a Zui inte Plêf di Sant Pieri
joibe ai 28 di avost, aes 6 soresere.
Cjantâts Giespui,
al vignarà presentât il document “fondatîf”
e o concludarìn la serade lì de Polse di Cougnes.
Domenie ai 13 di Lui aes 6.00 sore sere te Basiliche di Aquilee solenitât dai Sants Ermacure e Furtunât
13 di Lui 2014La basiliche mari di Aquilee nus spiete ancje chest an 2014 pal avôt dal Friûl Domenie ai 13 di Lui aes 6.00 sore sere inte solenitât dai Sants Ermacure e Furtunât. Al presiedarà la concelebrazion bons. Rizieri De Tina, plevan di Nimis.
INZORNAMENT dai 05.09.2014:
Su la Patrie di Avost o podês lei la predicje di bons. Rizieri De Tina: fracait chest LINK
E je ore di dâsi une dreçade!
02 di Lui 2014Urge un rilancio delle politiche regionali per la lingua friulana
Trascorso ormai un anno dall’insediamento della nuova Giunta regionale guidata da Debora Serracchiani e alla vigilia della discussione in Consiglio regionale sulle variazioni di bilancio 2014 – uno dei momenti cardine per valutare concretamente gli indirizzi e le priorità dell’Amministrazione regionale – riteniamo utile, ancor prima che doverosa, un’analisi sulle politiche per la lingua friulana attuate fino a oggi dall’esecutivo regionale.
L’associazionisim militant furlan adun al domande ae Regjon une “rivoluzion culturâl” pe lenghe furlane
27 di Jugn 2014Alessio Persič al presente: IL STAMP AQUILEIÊS DE SPIRITUALITÂT DI SANT MARTIN DI TOURS
06 di Avrîl 2014Domenie ai 25 di mai, as 3 dopo di misdì te glesie di San Martin di Guart (Davâr) dopo dal cjant dai Gjespui il prof. Alessio Persič al presentarà: Il stamp aquileiês de spiritualitât di Sant Martin di Tours e, finide la conference, visite al sît archeologjic de basiliche paleocristiane
A Vençon MESSE PAR PRE ANTONONI BELINE e presentazion di doi libris
06 di Avrîl 2014Domenie ai 27 di avrîl dal 2014, as 6 sore sere a Vençon in Domo Messe tal setim anniversari de muart di pre Antononi Beline e presentazion dai siei libris de opera omnia: “Par amôr o par fuarce?” e “…dal vanzeli seont la int”.
“PREDIS” une comedie par une gnove vite sot di une buine stele
14 di Març 2014Incuintris di Vençon. Domenie ai 23 di març dal 2014, as 4 dopo di misdì, intal Auditorium des Scuelis a Vençon, la compagnie teatrâl “Il Tetro Incerto” (F. Fantini, E. Scruzzi, C. Moretti)
a presentarà: une comedie par une gnove vite sot di une buine stele "PREDIS". Ingres libar e sore nuie.
Conference di Remo Cacitti: “ATHEI IN HOC MUNDO” IL SCANDUL DE FEDE SECONT P. P. PASOLINI
15 di Fevrâr 2014Domenie ai 2 di març dal 2014 in domo a Vençon, as 3 dopo di misdì: cjant dai Gjespui; as 3.30, te sale Patriarcje Bertrand in canoniche: il prof. Remo Cacitti, de Universitât dai Studis di Milan, al presentarà: “ATHEI IN HOC MUNDO” IL SCANDUL DE FEDE SECONT P. P. PASOLINI
CD CJANTIS DI GLESIE DAL POPUL FURLAN
09 di Zenâr 2014Al è stât publicât “Cjantis di glesie dal Popul Furlan” un dopli CD cun valôr didatic. Un supuart par ogni comunitât, parochie, plevan o laic adet a sostignî il cjant liturgjic. Une vuide e esempli par imparâ e insegnâ il patrimoni musicâl corâl dal cjant liturgjic di ande furlane e no dome.
La racuelte e cjape dentri i cjants, a struture semplice e corâl, par ducj i timps liturgjics e par ogni celebrazion.
Al è l'esit finâl di une lungje ricercje dai cjants de tradizion patriarcjine di Aquilee che pre ‘Sef Cargnello al à fat, ancjemô tai agns 60 dal secul passât.
Une ricercje minuziose e la regjistrazion, vocâl, ator pai paîs dal Friûl di ducj chei cjants che i vecjos cantôrs di glesie a conservavin ancjemò te lôr memorie. Un patrimoni orâl, duncje no scrit, che al riscjave di murî insieme cantôrs, e che Iis riformis liturgjichis a vevin butât vie di corse, cun masse premure. Pre ‘Sef al à salvât in timp tesaurs e perlis che se no a saressin pierdudis par simpri.
Di chescj cjants antîcs e je stade fate la trasliterazion: la traduzion par furlan, cu la stesse metriche dai tescj liturgjics latins, e permet di cjantâ ancjemò chestis melodiis al dì di vuê che il latin nissun no tu mastie plui.
In cheste maniere, recuperant la melodie e ancje il test liturgjic te lenghe vive dal popul, si rive a dâ ancjemò dignitât e misticitât a lis nestris liturgjiis masse spes massacradis di conzonetis e di banalitâts.
INCUINTRIS DI VENÇON
15 di Novembar 2013DOMENIE 1 DI DICEMBAR DAL 2013
te sale Patriarcje Bertrant in canoniche a Vençon dopo dal cjant dai Gjespui fat in Domo a 3 dopo di misdì il prof. Agnul Vianello proretôr de Universitât dal Friûl al presentarà:
RENATO JACUMIN: UN STUDIÔS E UN AMÌ
DOMENIE 15 DI DICEMBAR DAL 2013
tal Domo di Vençon a 3 dopo di misdì
TE TRADIZION PATRIARCJINE UNE PROPUESTE PAL GNÛF CJANT LITUGJIC FURLAN
presentazion dal CD “Cjantis di Glesie dal popul furlan” cun esemplificazions dal coro “Rosas di Mont” di Guart e celebrazion dal Missus.
I LIBRIS DI GLESIE FURLANE TES BIBLIOTECHIS DAI COMUNS DAL FRIÛL
30 di Otubar 2013Glesie Furlane e je un Associazion che e opere di passe 40 agns sul plan culturâl. I prins agns si lavorave cun tante passion, cun impegn seguitîf, cun profonts ideâi, ma cun risorsis economichis pluitost scjarsis, fasint par altri sintî simpri la nestre vôs e la nestre presince.
Plui in ca, grazie a la sensibilitât de Regjon, de Provincie di Udin, e de Fondazion CRUP, che tal fratimp a vevin ancje capît il valôr di une culture e di une lenghe milenarie di difindi midiant di leçs apropriadis e finanziaments, cu la stesse passion, impegn e ideâi o vin podût produsi studis, analisis, ricercjis, riflessions… publicant cun plui costance e cure libris e un sît internet www.glesiefurlane.org par difondi e svilupâ une cussience e une cognossince simpri plui profonde de nestre identitât e de nestre storie.
Di chest o vin agrât ancje ai Ents publics nomenâts parsore e ae Fondazion CRUP che nus àn permetût di lavorâ in maniere plui professionâl.
Grazie a la colaborazion de Provincie di Udin, cumò o vin il plasê di furnî lis Bibliotechis dai Comuns dal Friûl di une part de nestre produzion leterarie par che tante int dai nestris paîs e puedi vê plui struments di cognossince de nestre storie e dal patrimoni di culture, vite e pinsîr dal nestri popul.
Sigûrs che cheste nestre iniziative e cjati bon acet, o saludìn cuntun biel mandi.
Patrie dal Friûl – Vilegnove di S. Denêl, ai 30 di otubar dal 2013
GJITE DI STUDI “SU LIS OLMIS DI AQUILEE”
05 di Setembar 2013Il grop di Glesie Furlane al organize ancje chest an une gjite di studi tai sîts storics dal Patriarcjât di Aquilee.
Sabide, ai 5 di otubar dal 2013, compagnâts di pre Sef Cjargnel, o visitarìn in Carinzie:
– a Villach la mostre “Im Auftrag des Patriarchen” – La Carinzie viodude dal cronist patriarcjâl Santonino dopo des incursions dai turcs (sec. XV);
– a Globasnitz il museu ch’al documente il sgjâf archeologjic des basilichis paleocristianis di stamp aquileiês sul Hemmaberg;
– a Eberndorf la glesie abaziâl fondade dai patriarcjis di Aquilee e dal cont Cacelin (sec. XII).
Si partìs di Vençon, plaçâl des scuelis, as 8.00 di buinore;
a Villach, finide la visite al museu, di misdì as dôs timp libar par gustâ e visitâ il centri storic;
si torne cjase cul lâ amont dal soreli tor 7.00 sore sere.
Si larà a spindi sui 25/30 euros, a pullman complet (cence il gustâ).
Par prenotâsi (al è di dâ non, cognon e numar di telefon o di celulâr), telefonâ
a pre Sef (0433 60358)
o a pre Roman (0432 956010; 333 6708704)
o a pre Roberto (0432 985032; 349 8024017)
Si racomande di segnâsi jentri vinars 27 di chest mês.
Puartâ cun sé un document di identitât valit.
E sarà une zornade di amicizie, spiritualitât e culture.
AVÔT DAL FRIÛL
13 di Jugn 2013La Glesie mari di Aquilee nus invide ancje chest an a la solenitât dai Sants Ermacure e Furtunât. La messe e vignarà celebrade te Basiliche Domenie ai 21 di Lui a 6,00 sore sere.
CONFERENCE: PRE CHECO PLACEREAN E PRE ANTONI BELINE: NOTIS PAR UNE TEOLOGJIE
17 di Mai 2013Domenie ai 9 di jugn dal 2013, a Vençon: as 3,00 dopo di misdì: cjant dal Gjespui in Domo; as 3.30, te sale Patriarcje Bertrant in canoniche conference di pre Federico Grosso, Priôr di Ospedalet e docent dal Studi Teologjic Interdiocesan di Udin, dal titul:
PRE CHECO PLACEREAN E PRE ANTONI BELINE: NOTIS PAR UNE TEOLOGJIE
TAL SEST ANIVERSARI DE MUART DI PRE ANTONI BELINE
08 di Març 2013Joibe ai 25 di avrîl dal 2013, tal sest aniversari de muart di pre Antoni a Vençon, inte Sale Patriarcje Bertrant in canoniche, as 6 sore sere presentazion dai siei libris:
– FURTUNÂT IL POPUL CHE IL SIGNÔR AL È IL SO DIU
– SUL AT DI VOLTÂ PAGJINE
As 6 e miege, Messe in Domo
CONFERENCE: DAI A CESAR CE CHE AL È DI DIU
28 di Fevrâr 2013Domenie ai 17 di març dal 2013 a Vençon in canoniche te sale Patriarcje Bertrant dopo dal cjant dal Gjespui fat in Domo as 3,00 dopo di misdì, conference di Remo Cacitti, de Universitât dai Studis di Milan, dal titul: DAI A CESAR CE CHE AL È DI DIU Castantin e la teologjie politiche di Eusebi di Cesaree.
Teatro: “Il Sium di une Patrie” di e con Fabiano Fantini
27 di Fevrâr 2013Stagione Teatrale 2012-2013 “Il Sium di une Patrie” di e con Fabiano Fantini_sabato 2 marzo ore 20.45_Teatro Plinio Clabassi a Sedegliano.
Pre Checo Placereani, un prete-contro, irruente, di potente parola biblica e, per molti versi, ostracizzato in vita e rimosso in seguito, fu pioniere della coscienza culturale friulana e protagonista di tante battaglie per la difesa della lingua, per la creazione dellUniversità di Udine, per la valorizzazione del Patriarcato di Aquileia, contro le servitù militari. Il ritratto di Pre Checo viene rievocato attraverso un monologo in cui il protagonista dialoga con se stesso e con personaggi immaginari, toccando i punti salienti del suo pensiero: dalla critica al potere ecclesiastico alla difesa di un popolo povero ed emarginato, dalla necessità della Bibbia in friulano alla predica di Aquileia nel post terremoto, in cui spronava i friulani a prendere in mano le redini del proprio futuro.
TEATRO: LA FABBRICA DEI PRETI di e con Giuliana Musso
21 di Fevrâr 2013TEATRO CLUB UDINE – AKRÓPOLIS.13 PERCORSI DI TEATRO CIVILE presenta mercoledì 27 febbraio ore 21, Teatro Palamostre Udine
LA FABBRICA DEI PRETI
titolo ispirato da La fabriche dai predis di Don Pierantonio Bellina di e con Giuliana Musso.
Con la collaborazione di Massimo Somaglino, assistenza tecnica Claudio Parrino, ricerche fotografiche Tiziana De Mario, montaggio video Gigi Zilli, scenografia Francesca Laurino, ricerche bibliografiche Francesca Del Mestre con la collaborazione di Riccardo Tordoni
Una produzione La Corte Ospitale Rubiera
Entriamo assieme nella grande fabbrica silenziosa. Prima, però togliamo il cappello e fermiamoci un attimo a pregare per tanta manovalanza sacrificata e rovinata in tutti questi anni e secoli.
E, facendo uno sforzo, spendiamo un requie anche per le maestranze.
Forse anche loro vittime di un sistema che uccideva luomo illudendosi di onorare quel Dio che laveva creato a sua immagine e somiglianza.
Da La fabriche dai predis di Don Antonio Bellina
I seminari degli anni 50 e 60 hanno formato una generazione di preti che sono stati ordinati negli anni in cui si chiudeva il Concilio Vaticano II e si apriva lera delle speranze post-conciliari. Una generazione che fa il bilancio di una vita. Una vita da preti che ha attraversato la storia contemporanea e sta assistendo al crollo dello stesso mondo che li ha generati.
La dimensione umana dei sacerdoti è un piccolo tabù della nostra società sul quale vale la pena di alzare il velo, non per alimentare morbose curiosità ma per rimettere lessere umano e i suoi bisogni al centro o, meglio, al di sopra di ogni norma e ogni dottrina. I seminari di qualche decennio fa hanno operato per dissociare il mondo affettivo dei piccoli futuri preti dalla loro dimensione spirituale e devozionale. Molti di quei piccoli preti hanno trascorso la vita cercando coraggiosamente uno spazio in cui ciò che era stato separato e represso durante la loro formazione si potesse riunire e liberare. A questi preti innamorati della vita ci piacerebbe dare voce e ritrovare insieme a loro la nostra stessa battaglia per tenere insieme i pezzi.
Giuliana Musso
LA GNOVE PATRIE TI SPIETE!
20 di Fevrâr 2013Cu la finanziarie regjonâl 2013 La Patrie dal Friûl E Glesie Furlane e scuegnìn frontâ une riduzion cence preavîs di cirche il 40% dal contribût rispiet al 2012.
«Se a Triest a crodevin di taiâ lis gjambis ai furlaniscj, ridusint i bêçs dal contribût regjonâl al nestri gjornâl, chest sfuei, i siei gjornaliscj, i siei letôrs, i siei amîs, a àn decidût di rispuindi cu la fuarce de reson, cu la inteligjence des ideis, cul spirt dal riviel.»
(Dree Valcic, diretôr da La Patrie dal Friûl)
LA GNOVE PATRIE TI SPIETE!
Sabide ai 23 di Fevrâr aes 5 dopomisdì li dal bar dal Visionario (secont plan) di vie Asquini 33 a Udin. Presentazion dal gnûf progjet grafic da La Patrie dal Friûl
A presentaran la gnove vieste dal mensîl
Dree Valcic, diretôr da La Patrie dal Friûl
Dree Venier, responsabil dal gnûf progjet
bons. Duilio Corgnali, diretôr da la Vita Cattolica dal 1978 al 1999
Ae fin ghiringhel cuntun tai insiemit par discuti, viodisi, fevelâ insiemit di progjets pal Friûl di doman, un Friûl plui furlan.