O vin il plasê di invidâus:
Domenie ai 15 di Lui dal 2018, aes 18.00 inte Basiliche Mari di Aquilee
pal AVÔT DAL FRIÛL AI SANTS ERMACURE E FURTUNÂT.
Cu la partecipazion dai Soliscj dal Coro “Rôsas di Mont” de Plêf di Guart
+++ OCJO, CONDIVIDILU ANCJE TU: DANUS UNE MAN CHE NO TI COSTE NUIE +++
Ancje chest an cu la declarazion dai redits tu puedis JUDÂ GLESIE FURLANE destinant il 5×1000.
Baste meti chest numar 94035000309 te caselute juste e firmâ.
FÂS ANCJE TU CUSSÌ, grazie!
www.glesiefurlane.org/popup_5.per.mille.2017.pdf
Città di Codroipo, Società Filologica Friulana, Glesie Furlane, Grop amîs di pre Toni, Caffè Letterario Codroipese, SOMSI
hanno il piacere di invitarvi
Mercoledì 13 giugno alle ore 20.30
presso la Biblioteca Civica “Don G. Pressacco” di Codroipo (Ud) all’incontro curato da Michele Guerra, che sarà introdotto da un breve saluto degli organizzatori, sui temi trattati nell’ambito della mostra fotografica
10 Tavole
diario eretico di una guerra invisibile contro le centrali dell’omologazione
di Paolo Youssef
uno spazio di confronto tra il Friuli di oggi e il pensiero di pre Toni Beline.
In sala sarà presente l’autore.
DOMENIE AI 27 DI MAI aes 5 dopomisdì
a Davâr te Plêf di Guart
in memorie di pre ‘Sef Cjargnel
Presentazion dal CD “I Recitatîfs liturgjics”
a intervegnin:
pre Roberto Bertossi, president di Glesie Furlane
pre Loris Della Pietra, diretôr dal ufici liturgjic diocesan,
Massimo Garlatti-Costa, regjist dal documentari “Missus”
Ulderica Da Pozzo, fotografe
il Coro “Rôsas di Mont”
Al continue il Missus Tour cu lis proiezions dal documentari di Massimo Garlatti-Costa:
vinars ai 11 di Mai: Ortisei, aes 20.30 Lia Mostra d'Ert;
domenie ai 13 di Mai: Codroip, aes 21.00 li dal Teatri Benois-De Cecco;
joibe ai 17 di Mai: Tumieç, aes 20.30 li dal Cine David;
sabide ai 19 di Mai: Tisane, aes 20.00 li dal Teatri Oden
DOMENIE AI 22 DI AVRÎL DAL 2018
Aes 17.00 – Domo di Vençon S. Messe par pre Antoni, tal XI aniversari
Aes 18.00 – Domo di Vençon, dopo Messe
Presentazion dal libri “Una scuola possibile. Il pensiero e l’esperienza di Pietrantonio
Bellina” di Irene Locatelli
(FOTO di Aldo Taboga www.natisone.it)
DOMENIE AI 15 DI AVRÎL DAL 2018
Aes 15.00 – Domo di Vençon: Gjespui cjantâts
Aes 15.30 – Sale Patriarcje Bertrant, dongje dal Domo
Conference “Brasîl: esperiencis di une glesie che e nas e e cres tal nuie”.
Relatôr: Giacinto Miconi, predi di Fidei Donum in Brasîl par cuarante agns.
A van indevant ancje chest an diviers apontaments tai comuns di Basilian e Listize in memorie di pre Antoni Beline tai 11 agns de muart.
Visepente Sabide ai 14 di Avrîl 2018 Aes 15.00 – 2de Cjaminade libare “Pai trois di pre Toni”
Basilian Sabide ai 21 di Avrîl 2018 Aes 10 – Biblioteche Civiche “Pre Toni Beline”. 1me Cunvigne “Pre Toni al vîf”
Visepente Domenie ai 22 Avrîl 2018 Aes 10 – Cimitieri Visite a la tombe e ricuart di pre Toni e aes 11.15 Plêf di Sante Marie Assunte S.Messe par pre Toni
In ocasion de Fieste dal Friûl a son in program diviersis proiezions dal documentari MISSUS di Massimo Garlatti-Costa.
mercoledì 28 marzo GEMONA DEL FRIULI (UD) Teatro Cinema Sociale ORE 21:00
martedì 3 aprile SAN DANIELE DEL FRIULI (UD) Cinema Splendor ORE 19:00 e ORE 21:00
venerdì 6 aprile VALVASONE ARZENE (PN)
sabato 7 aprile SEDEGLIANO (UD) Teatro Clabassi ORE 20:30
giovedì 12 aprile SAN GIORGIO DI NOGARO (UD) ORE 20:30
venerdì 13 aprile TAVAGNACCO (UD) Teatro Bon di Colugna ORE 20:45
sabato 14 aprile Auditorium SAN VITO AL TAGLIAMENTO (PN) ORE 21:00
In ocasion dai INCUINTRIS DI VENÇON, Domenie ai 18 di Fevrâr si cjatarìn a Vençon:
aes 15.00 par cjantâ Gjespui in Domo
aes 15.30 te sale Patriarcje Bertrant, par confrontâsi sul progjet diocesan des colaborazions pastorâls, o scoltarìn PRE RIZIERI DE TINA e PRE CLAUDIO COMO (dal CEP – Coloqui European des Parochiis) che nus contaran ce che al sucêt tes PAROCHIIS IN EUROPE.
INCUINTRIS DI GLESIE FURLANE – Riflessions su lis Colaborazions Pastorâls
Il grop al organize un incuintri a Vençon par domenie 18 di Fevrâr. Aes 3 dopo di misdì Gjespui tal domo e, subit dopo, la conference te sale Patriarcje Bertrant.
A intervignaran pre Claudio Como plevan di S. Quirin e e dal Redentôr a Udin e bons. Rizieri De Tina plevan di Nimis.
La ocasion e je dade dai acorpaments di foraniis e di parochiis che la diocesi di Udin e sta puartant indevant. Il gnûf asset al va sot il non di Colaborazions Pastorâls (CP) e al cambiarà dal dut la muse des circoscrizions e zonis eclesiastichis che di secui a àn segnade la storie dai nestris paîs.
Pre Como e pre Rizieri di agns in ca a partecipin al “Colocui European des Parochiis” (CEP) e a contaran cemût che lis parochiis in Europe si stan organizant te mancjance simpri plui fuarte di predis. L’incuintri al è une buine ocasion par slargjiâ il voli plui in là dal Friûl e par podê valutâ cun miôr atenzion e sens critic ce che al sta sucedint te nestre diocesi.
Il Comun di Basilian nus vise che domenie ai 11 di Fevrâr dal 2018 e sarà la cerimonie di intitulazion de plaçute denant de Canoniche di Visepente a pre Antoni Beline che juste domenie al varès fat 77 agns.
Chi sot us proponìn il comunicât stampe difondût dal Comun di Basilian.
BASAGLIAPENTA, UNA PIAZZA IN MEMORIA DI PRE ANTONI BELINE
Il Comune di Basiliano, su sollecitazione della Parrocchia di Basagliapenta, ha rinominato la piazzetta antistante la Canonica della frazione ‘Piazzetta pre Toni Beline’. La cerimonia di intitolazione si terrà domenica 11 febbraio alle 11:15 al termine delle festività per il santo patrono di Basagliapenta ‘San Valentino’. A presenziare alla cerimonia vi saranno il Sindaco Marco Del Negro e Mons. don Dino Bressan che ricorderanno questa figura di intellettuale e sacerdote friulano. Questo omaggio si aggiunge alle numerose attività che si sono svolte l’anno scorso in occasione del decennale della scomparsa del sacerdote, nato a Venzone l’11 febbraio del 1941 e vissuto nella piccola frazione basilianese.
Domenie ai 14 di Zenâr, cun dôs proiezions, aes 16.00 e aes 18.30, il documentari MISSUS, di Massimo Garlatti-Costa al sarà a Sant Denêl li dal Cinema Splendor.
A saran presints l'Autôr e pre Roman Michelot. Une ocasion di plui ancje par tornâ a scoltâ e a ricuardâ pre 'Sef.
INFO: http://www.splendorsandaniele.it/event/missus/
Serade organizade cul jutori dal Comun di Sant Denêl che o vin agrât.
JENTRADE LIBARE
Savût de muart di pre 'Sef Cjargnel, in ocasion dal funerâl miercus ai 3 di Zenâr aes 14.30 te Plêf di Guart, il prof. Remo Cacitti, docent di storie dal Cristianisim te Universitât Statâl di Milan e president onorari di Glesie Furlane, al à mandât chest telegram a pre Roberto Bertossi:
"Cantore delle cose umane e divine, pre 'Sef è stato una voce alta e limpida della tradizione liturgica e popolare aquileiese. La prego di trasmettere ai familiari e a Glesie Furlane i sensi del mio sconfortato cordoglio. Remo Cacitti".
Pre Josef Cjargnel (Giuseppe Cargnello), plevan di Guart e musicolic, al è tornât te Cjase dal Pari.
IL FUNERÂL AL È MIERCUS AI 3 DI ZENÂR TE PLÊF DI GUART AES 14:30.
Pre 'Sef al jere nassût a Remanzâs, ai 14 di Otubar dal 1940. Ordenât predi dal 1965, al è stât capelan te Parochie dal Carmine a Udin e po, dal 1972, cun bons. Laurinç Dentesan, predi te Plêf di Guart, dulà che, dopo de partence di pre Laurinç (†11.09.2015) al reste plevan, a pâr che tes parochiis di Mion e Rigulât. La sô atenzion aes problematichis dal rispiet e dai dirits de identitât dal Popul Furlan, e partìs ae fin agns Sessante dal Nûfcent. O ricuardìn: partecipazion ae Mozion dal Clericât di Udin (1967); simpri a fin agns Sessante, cun pre Checo Placerean e po cul grup “Cjargnei cence dius”: azion pal ricognossiment dal Messâl Furlan e pal dirit di doprâ la marilenghe pardut, te Glesie e tal Stât; redazion, cun pre Antoni Beline e pre Laurinç Dentesan, trê dîs dopo dal taramot dal 1976, dal document “Dopo taramot. Ai furlans che a crodin”: “prime lis fabrichis e po lis cjasis e lis glesiis”; publicazion dal librut pe Liturgjie “Cjantis di Glesie dal Popul Furlan pes diocesis di Cuncuardie – Pordenon, Udin, Gurisse”, racuelte di cjants liturgjics par furlan, pe plui part cjapâts sù de vive vôs de int; publicazion, cu la riviste “Jucunda Laudatio” dal benedetin Padre Pellegrino Ernetti, di “Canti sacri aquileiesi della tradizione orale”: une largje racuelte “sul cjamp”, di cjants patriarcjins di tradizion orâl, racuelte, cheste ultime, riviodude, completade e ripublicade tal 2007, cul titul “Cjants patriarcjins di tradizion orâl”; publicazion dal libri “Saghe furlane” (ed. Glesie Furlane), racuelte di contis, flabis, mitologjiis furlanis.
Cun pre Antoni Beline al colaborà fin dal inizi al periodic autonomist di Glesie Furlane “Patrie dal Friûl”. Al è un dai promotôrs de leture seguitive de Bibie par furlan, organizade e sostignude de ARLeF, in colaborazion cu la Arcidiocesi e la Provincie di Udin.
Cun bons. Laurinç Dentesan al à metût sù, dongje de antighe Plêf di Guart, il “Museu da Plêf”, par esponi lis testemoneancis storichis de antighe istituzion plevanâl. Il lavôr di ricercje sul Cjant Patriarcjin al à motivât, a so non, il premi Epifanie di Tarcint pal 2016.
(foto: www.natisone.it)
Domenie 24 aes 10.00 di gnot (22:00) a Udin in plaçâl Cele te gleseute de Madone de pietât (foto de Arcidiocesi), messe cjantade par furlan de vilie di Nadâl. Al celebre pre Tonin Cjapielâr.
Dopo messe: scambi di auguris.
Miercus ai 20 di Dicembar aes 17.30 GLESIE FURLANE e partecipe al incuintri cun Massimo Garlatti – Costa "Setime Art", organizât de Provincie di Udin.
Garlatti Costa al è il regjist autôr di Missus, il documentari su Glesie Furlane.
A son previodûts i intervents di:
Pietro Fontanini, president de Provincie
Roberto Bertossi, president di Glesie Furlane
Adriano Luci, president di Ente Friuli nel Mondo
Lorenzo Fabbro, president de Agjenzie Regjonâl pe Lenghe Furlane.
Dopo dal "Missus Tour" che in 6 mês al à puartât il documentari di Massimo Garlatti-Costa ator pes minorancis linguistichis di Italie e la anteprime al Teatri "Giovanni da Udine", il docufilm Missus (www.missusfilm.com) "al torne a cjase": al sarà proietât domenie ai 10 di Dicembar aes 18.30 tal Domo di Vençon. La jentrade e je libare.
Us invidìn ae proiezion di Missus, il documentari di Massimo Garlatti-Costa che al conte la bataie di Glesie Furlane, realizât di Raja Films e Belka Media, che si fasarà vinars il prin di Dicembar aes 21.00, li dal Teatri Gnûf "Giovanni da Udine”, intal ambit di SUNS EUROPE 2017, il festival des arts in lenghe minoritarie, sostignût di Arlef e Regjon.
La jentrade a teatri e je libare e fin che e sarà disponibilitât di puescj, e nol covente ritirâ il biliet par jentrâ in sale.
Lait a lei l'invît de Arlef.
Oratori di Codroip, Vinars ai 24 di Novembar a lis 20.30
Presentazion dal libri di preAntoni Beline
“STORIE SACRE”
e mostre dai cuadris di Manuela Riccioni fats di pueste par ilustrâlu
Il libri al è insiorât cu lis figuris dai principâi moments dal Vecjo e dal Gnûf Testament gjavadis fûr di 13 cuadris fats di pueste di Manuela Riccioni cu la tecniche dal collage.
Ducj i cuadris a saran in mostre tal Oratori di Codroip Sabide ai 25 cun orari 9-13 e 15-18 e Domenie ai 26 da lis 9 a lis 13
Program de serade
Mons Ivan Bettuzzi: Plevan di Codroip, al vierzarà la serade presentant il teme e i relatôrs.
Relatôrs.
Mons. Roberto Bertossi: President di Glesie Furlane al ricuardarà pre Toni Beline e al fevelarà di cemût che il libri al è nassut.
Manuela Riccioni: e fevelarà di in ce maniere che si è rapuartade cul scrit di pre Antoni e de sôs voris par fâ i cuadris.
La mestre Laura Nicoloso: Ti lassi ben content cheste fadie (pre Toni Beline) nus compagnarà dentri dal mont de scriture in rime pe canaie.
Il prof Luca De Clara: al fevelarà di: Pre Antoni e la riscriture da la Bibie.
Al va indevant il calendari dai apontaments in memorie di pre Antoni Beline, tal decim aniversari de muart.
Vinars ai 27 di Otubar a Çuian in comun di Puçui (UD), li dal Centri Balducci
aes 20.30: pre Antoni Beline e l’incuintri tra lis diviersitâts.
Intervents di Gabriele Pelizzari, pre Federico Grosso e pre Pierluigi Di Piazza.
Al modere pre Roberto Bertossi.
Chi invezit il PROGRAM COMPLET dai apontaments in memorie di pre Antoni, dai 8 di Avrîl ai 24 di Novembar dal 2017.
Al va indevant il calendari dai apontaments in memorie di pre Antoni Beline, tal decim aniversari de muart.
Sabide ai 21 di Otubar a Vilegnove di Sant Denêl aes 21.00 inte Glesie di Sante Marie Maiôr.
“Popul gno dulà vâstu?“ Recital dulà che si leiaran scrits gjavâts des oparis di pre Antoni, compagnâts de musiche di une armoniche e de proiezion di fotografiis dal Friûl e di pre Antoni.
A colaborin la int di Vilegnove e il grup Amîs di pre Toni.
Chi invezit il PROGRAM COMPLET dai apontaments in memorie di pre Antoni, dai 8 di Avrîl ai 24 di Novembar dal 2017.
Il film MISSUS di Massimo Garlatti-Costa al continue il so "Missus Tour" ator pe Italie.
Miercus ai 11 di Otubar al sarà presentât te Universitât di Parme, tal cors di Linguistiche dal prof. Davide Astori.
Chi il link al sît de Universitât e l'articul jessût sul Corriere della Sera.
Il CIRF al à il plasê di invidâus ae cunvigne “La universalitât tal pinsîr di pre Toni Beline”, che si davuelzarà lunis ai 2 di Otubar dal 2017, a lis 5 daspò misdì, inte aule T4 di Palaç Garzolini–di Toppo Wassermann (vie Glemone 92, Udin).
L’incuintri, inmaneât in colaborazion cun Glesie Furlane e Istitût Ladin “Pre Checo Placerean” e cu la poie de Fondazion Friuli, al jentre te suaze de iniziativis par memoreâ pre Toni Beline tai dîs agns de muart.
RIFORMIS DI VUÊ, FRIÛL DI DOMAN
Domenie Prin di Otubar a Vençon
aes 15.00: Gjespui in Domo
aes 16.00: SISTEME DI GUVIER LOCÂL E CULTURE DE AUTONOMIE.
Intervent avv. Elena D’Orlando, Universitât dal Friûl.
Sale dal Palaç comunâl di Vençon.
Ancje chest an o vin programade la gjite sociâl di Glesie Furlane.
SABIDE AI 30 DI SETEMBAR o larìn a STIČNA (in Slovenie) a visitâ la antighe abazie.
07.30 PARTENCE di Vençon: si cjatìn sul plaçâl di front des scuelis.
08.00 TAPE A UDIN: li dal STADIO FRIULI par cjapâ sù chei che si cjatin a Udin
10.00/10.30 SI RIVE A STIČNA pe prime part de visite
12.00 GUSTÂ IN ABAZIE
18.00 RIPARTENCE PAR TORNÂ A CJASE
20.00 Si rive a Udin
20.30 Si rive a Vençon.
Par plasê si domande di mandâ une conferme a info@glesiefurlane.org dentri di domenie ai 24 di Setembar.
Al va indevant il calendari dai apontaments in memorie di pre Antoni Beline, tal decim aniversari de muart.
Domenie ai 24 di Setembar a Vençon (UD)
aes 15.00: Gjespui in Domo
aes 16.00: “TRADUSI CENCE TRADΔ: su la oportunitât di voltâ la opare di pre Antoni Beline.
Intervents di pre Federico Grosso, prof. Rienzo Pellegrini e Piero Villotta.
Al modere il gjornalist Walter Tomada.
Sale dal Palaç comunâl di Vençon.
Chi invezit il PROGRAM COMPLET dai apontaments in memorie di pre Antoni, dai 8 di Avrîl ai 24 di Novembar dal 2017.
Al va indevant il calendari dai apontaments in memorie di pre Antoni Beline, tal decim aniversari de muart.
Sabide ai 23 di Setembar a Visepente (in comun di Basilian, UD) aes 18.00 li de ex Scuele Elementâr, Vie Duca d’Aosta.
Inaugurazion de mostre su pre Antoni (e restarà vierte ogni sabide des 16.00 aes 19.00 e ogni domenie des 10.00 aes 12.00 e des 16.00 aes 19.00).
Par cure di: Grop amîs di pre Antoni, Comun di Basilian, Comitât Iniziativis Locâls di Visepente.
Chi invezit il PROGRAM COMPLET dai apontaments in memorie di pre Antoni, dai 8 di Avrîl ai 24 di Novembar dal 2017.
PAI 43 AGNS DI GLESIE FURLANE
Domenie ai 27 di Avost dal 2017, aes 6 sore sere a Zui te Plêf di Sant Pieri inte memorie de fondazion di Glesie Furlane si cjatarìn a cjantâ Gjespui e o concludarìn la serade li de Polse di Cougnes.
Pe ocasion al sarà pussibil metisi in note pe Gjite Sociâl che chest an e je previodude par sabide ai 30 di Setembar a Stična (SLOV) dulà che o visitarìn la abazie.
PAR INFORMAZIONS: info@glesiefurlane.org
AVÔT DAL FRIÛL AI SANTS ERMACURE E FURTUNÂT
DOMENIE AI 16 DI LUI, AES 6 SORE SERE
A Aquilee inte Basiliche Mari pal Avôt dal Friûl ai Sants Ermacure e Furtunât.
Al celebre bons. Adelchi Cabas, plevan di Aquilee.
CJALE ANCJE SU FB https://www.facebook.com/events/443063766050163
La Provincie di Udin, in colaborazion cun Videotelecarnia e presente il DVD "Testemoneancis di pre Antoni Beline".
Apontament lunis ai 11 di Lui aes 11 intal salon dal consei provinciâl a Palaç Belgrât a Udin.
Par plui informazions, frache chest link.
Pre Toni 2018 Comunicât pe stampe.pdf